巴克礼普世版(试读本) 帖撒罗尼迦前书第四章
Hō͘上 主欢 喜ê生 活
1兄弟 姊 妹ah,阮iáu有话beh kā lín讲。Lín前bat对 阮学 习tio̍h, án怎生 活来hō͘上 主欢 喜。其实lín已经有 照án-ne teh生 活,m̄-koh阮奉主耶稣ê名来 恳 求koh苦 劝lín,taⁿ tio̍h koh-khah努力。2因为lín mā知,阮有 奉主耶稣ê名kā lín教示甚 么。3上 主ê旨意是ài lín成 做圣 洁,离开淫 乱。4 Ài lín ta̍k人会晓用 圣 洁kah尊 贵,来守家己ê身 躯。5 M̄-thang亲 像m̄-bat上 主ê外 邦 人teh放 纵私欲。6关 系chit项tāi-chì,mā m̄-thang做pháiⁿ来 侵 犯同 信ê兄弟 姊 妹。阮bat kā lín讲 过,mā有kā lín警 告,主会kā做chit种tāi-chì ê人处 罚。7上 主m̄是召 咱来过污秽ê生 活,是召 咱来过圣 洁ê生 活。8所以拒 绝chit-ê教示,m̄是拒 绝人,是teh拒 绝赏赐lín圣 神ê上 主。9关 系兄弟 姊 妹互 相疼 惜ê tāi-chì,m̄免阮写 甚 么hō͘ lín,因为lín家己已经受tio̍h上 主ê教示有teh相 疼。10其实lín有 照chit-ê教示疼全马其顿ê兄弟 姊 妹,m̄-koh,兄弟 姊 妹ah,阮劝lín tio̍h koh-khah努力。11 Mā tio̍h照阮前kā lín吩 咐.ê,lín tio̍h立志过平 静ê生 活,尽家己ê本 份亲 手做 工来维持家己ê生 活,12 Án-ne lín就ē-tàng hō͘教 会 外ê人尊 敬,mā m̄免óa靠别 人。
主ê来临
13兄弟 姊 妹ah,关 系死去ê人,阮ài lín知,án-ne lín chiah bē亲 像hiah-ê无ǹg望ê人teh悲 伤。14咱既然相 信耶稣死去koh再活 起来,咱mā相 信上 主会通 过耶稣chhōa hiah-ê死去ê人kah耶稣做伙来。15阮照 主ê话kā lín讲chit项tāi-chì,就是咱chiah-ê tī主koh再 临ê时iáu活teh ê人,bē比hiah-ê已经死去ê人khah tāi先 见tio̍h主。16因为主beh本 身tùi天降 临,天使 长大 声hoah,上 主ê哨 角一下响,hiah-ê属 基督已经死ê人会tāi先koh活。17然 后咱chiah-ê iáu活teh ê人会kah in受 接 去云内,tī空 中kah主见面,án-ne咱就 永 远kah主做伙。18所以lín tio̍h用chiah-ê话互 相鼓励。