《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 帖撒罗尼迦前书第五章

作者 巴克礼普世版小组 2016.01.10

准 备(chún-pī)迎 接(gêng-chiap)主(chú)再 临(chài-lîm)
1兄弟 姊 妹(hiaⁿ-tī chí-mōe)ah，关 系(koan-hē)主(chú)再 临(chài-lîm)ê时(sî)kah期(kî)，我(góa)无需要(bô su-iàu)写(siá)tī phoe内(lāi)。2因为(in-ūi)lín家己(ka-kī)知(chai)，主(chú)再 临(chài-lîm)ê日(ji̍t)会(ē)亲 像(chhin-chhiūⁿ)贼(chha̍t)á，tī暗时(àm-sî)无意中(bô ì-tiong)来到(lâi-kàu)。3人(lâng)当(tng)teh讲(kóng)：「一 切(it-chhè)平 安(pêng-an)ê时(sî)」，灾 祸(chai-hō)会(ē)亲 像(chhin-chhiūⁿ)生(seⁿ)kiáⁿ ê艰 苦(kan-khó͘)，临 到(lîm-kàu)teh-beh生 产(seng-sán)ê妇人 人(hū-jîn-lâng)，in bē-tàng逃 避(tô-phiah)chit-ê难 关(lân-koan)。4 M̄-koh兄弟 姊 妹(hiaⁿ-tī chí-mōe)ah，lín m̄是(sī)tī乌暗 中(o͘-àm-tiong)teh过 日(kòe-ji̍t)，hit-ê日(ji̍t)bē亲 像(chhin-chhiūⁿ)贼(chha̍t)á忽 然 间(hut-jiân-kan)来到(lâi-kàu)lín tau。5因为(in-ūi)lín lóng是(sī)光 明(kng-bêng)ê人(lâng)，是(sī)日时(ji̍t-sî)ê人(lâng)；咱(lán)m̄是属(sī sio̍k)tī暗时(àm-sî)，mā m̄是(sī)属乌暗(sio̍k o͘-àm)。6所以(só͘-í)咱(lán)m̄-thang亲 像(chhin-chhiūⁿ)其他(kî-tha)ê人(lâng)teh困(khùn)，tio̍h警 醒(kéng-séng)谨慎(kín-sīn)。7因为(in-ūi)困(khùn)ê人(lâng)lóng是(sī)暗时(àm-sî)teh困(khùn)，酒 醉(chiú-chùi)ê人(lâng)lóng是(sī)暗时(àm-sî)teh醉(chùi)。8 M̄-koh咱(lán)属日时(sio̍k ji̍t-sî)ê tio̍h谨慎(kín-sīn)，用信 心(ēng sìn-sim)kah疼 心(thiàⁿ-sim)做 战 甲(chò chiàn-kah)穿(chhēng)，用 得救(ēng tit-kiù)ê ǹg望(bāng)做 头 盔(chò thâu-khoe)戴(tì)。9上 主(siōng-chú)m̄是(sī)拣 选(kéng-soán)咱(lán)来受(lâi siū)他(i)ê刑 罚(hêng-hoa̍t)，是(sī)beh hō͘咱(lán)通 过(thong-kòe)主(chú)耶稣基督(iâ-so͘ ki-tok)来得救(lâi tit-kiù)。10基督(ki-tok)替(thè)咱(lán)死(sí)是(sī)beh hō͘咱(lán)无论(bô-lūn)teh活(oa̍h)á是(sī)死去(sí-khì)，lóng ē-tàng tī他(i)再 临(chài-lîm)ê时(sî)，kah他(i)做(chò)伙(hóe)活(oa̍h)teh。11所以(só͘-í)tio̍h照(chiàu)lín chit-má teh做(chò)ê án-ne互 相(hō͘-siōng)鼓励(kó͘-lē)，互 相(hō͘-siōng)帮 助(pang-chō͘)。

最 后(chòe-āu)ê劝 勉(khoàn-bián)Kah请 安(chhéng-an)
12兄弟 姊 妹(hiaⁿ-tī chí-mōe)ah，请(chhiáⁿ)lín tio̍h敬 重(kèng-tiōng)hiah-ê tī lín中 间(tiong-kan)teh劳苦(lô-khó͘)工 作(kang-chok)，mā是(sī)主(chú)所 拣 选(só͘ kéng-soán)来(lâi)kā lín指导(chí-tō)kah劝 勉(khoàn-bián)ê人(lâng)。13为(ūi)tio̍h in teh做(chò)ê工 作(kang-chok)，lín tio̍h用(ēng)siōng大(tōa)ê疼 心(thiàⁿ-sim)kah敬意(kèng-ì)来对 待(lâi tùi-thāi)in。Lín大家(tāi-ke)mā tio̍h和睦(hô-bo̍k)做(chò)伙(hóe)。14兄弟 姊 妹(hiaⁿ-tī chí-mōe)ah，阮(goán)苦 劝(khó͘-khǹg)lín tio̍h警 戒(kéng-kài)pîn-tōaⁿ ê人(lâng)，鼓舞(kó͘-bú)失志(sit-chì)ê人(lâng)，扶 持(hû-chhî)软 弱(loán-jio̍k)ê人(lâng)，用 宽 容(ēng khoan-iông)对 待(tùi-thāi)每(múi)一个 人(chi̍t-ê lâng)。15 Lín tio̍h谨慎(kín-sīn)，m̄-thang用(ēng)pháiⁿ报(pò)pháiⁿ，tio̍h不时(put-sî)互 相(hō͘-siōng)好 款 待(hó-khoán-thāi)，koh好 款 待(hó-khoán-thāi)每(múi)一个 人(chi̍t-ê lâng)。16 Tio̍h常 常(siông-siông)欢 喜(hoaⁿ-hí)。17 Tio̍h不时(put-sî)祈祷(kî-tó)。18无论(bô-lūn)甚 么(sím-mi̍h)境 遇(kéng-gū)lóng tio̍h感 谢(kám-siā)，因为(in-ūi)这是(che sī)上 主(siōng-chú)ê旨意(chí-ì)，ài lín chiah-ê属(sio̍k)基督耶稣(ki-tok iâ-so͘)ê人(lâng)án-ne做(chò)。19 M̄-thang phah-hoa圣 神(sèng-sîn)ê火(hóe)。20 M̄-thang藐视(biáu-sī)先知(sian-ti)ê话(ōe)。21 Ta̍k项(hāng)tāi-chì tio̍h详 细(siông-sè)检 验(kiám-giām)，好(hó).ê tio̍h继 续(kè-sio̍k)做 落去(chò lo̍h-khì)。22 Tio̍h闪 避(siám-phiah)ta̍k种(chióng)ê邪恶(siâ-ok)。23愿(goān)赏赐(siúⁿ-sù)平 安(pêng-an)ê上 主(siōng-chú)亲 自(chhin-chū)kā lín圣 化(sèng-hòa)，koh愿(goān)他(i)保守(pó-siú)lín ê灵(lêng)、魂(hûn)、体(thé)，tī咱(lán)ê主(chú)耶稣基督(iâ-so͘ ki-tok)再 临(chài-lîm)ê时(sî)，lóng得(tit)tio̍h保 全(pó-choán)，无(bô)thang嫌(hiâm)！24呼 召(ho͘-tiàu)lín-.ê是(sī)信实(sìn-si̍t)ê上 主(siōng-chú)，他(i)一定会(it-tēng ē)照(chiàu)án-ne kā lín成 全(sêng-choân)。25兄弟 姊 妹(hiaⁿ-tī chí-mōe)ah，请(chhiáⁿ)为 阮(ūi goán)祈祷(kî-tó)。26 Tio̍h用(ēng)神 圣(sîn-sèng)ê相(sio)chim，来(lâi)kā所有(só͘ ū)ê兄弟 姊 妹(hiaⁿ-tī chí-mōe)请 安(chhéng-an)。27我(góa)奉 主(hōng chú)ê名(miâ)来吩 咐(lâi hoan-hù)lín，tio̍h读(tha̍k)chit张(tiuⁿ)phoe hō͘所有(só͘ ū)ê兄弟 姊 妹(hiaⁿ-tī chí-mōe)听(thiaⁿ)。28愿(goān)咱(lán)ê主(chú)耶稣基督(iâ-so͘ ki-tok)ê恩 典(un-tián)kah lín同 在(tông-chāi)！