巴克礼普世版(试读本) 帖撒罗尼迦前书第五章
准 备迎 接主再 临
1兄弟 姊 妹ah,关 系主再 临ê时kah期,我无需要写tī phoe内。2因为lín家己知,主再 临ê日会亲 像贼á,tī暗时无意中来到。3人当teh讲:「一 切平 安ê时」,灾 祸会亲 像生kiáⁿ ê艰 苦,临 到teh-beh生 产ê妇人 人,in bē-tàng逃 避chit-ê难 关。4 M̄-koh兄弟 姊 妹ah,lín m̄是tī乌暗 中teh过 日,hit-ê日bē亲 像贼á忽 然 间来到lín tau。5因为lín lóng是光 明ê人,是日时ê人;咱m̄是属tī暗时,mā m̄是属乌暗。6所以咱m̄-thang亲 像其他ê人teh困,tio̍h警 醒谨慎。7因为困ê人lóng是暗时teh困,酒 醉ê人lóng是暗时teh醉。8 M̄-koh咱属日时ê tio̍h谨慎,用信 心kah疼 心做 战 甲穿,用 得救ê ǹg望做 头 盔戴。9上 主m̄是拣 选咱来受他ê刑 罚,是beh hō͘咱通 过主耶稣基督来得救。10基督替咱死是beh hō͘咱无论teh活á是死去,lóng ē-tàng tī他再 临ê时,kah他做伙活teh。11所以tio̍h照lín chit-má teh做ê án-ne互 相鼓励,互 相帮 助。
最 后ê劝 勉Kah请 安
12兄弟 姊 妹ah,请lín tio̍h敬 重hiah-ê tī lín中 间teh劳苦工 作,mā是主所 拣 选来kā lín指导kah劝 勉ê人。13为tio̍h in teh做ê工 作,lín tio̍h用siōng大ê疼 心kah敬意来对 待in。Lín大家mā tio̍h和睦做伙。14兄弟 姊 妹ah,阮苦 劝lín tio̍h警 戒pîn-tōaⁿ ê人,鼓舞失志ê人,扶 持软 弱ê人,用 宽 容对 待每一个 人。15 Lín tio̍h谨慎,m̄-thang用pháiⁿ报pháiⁿ,tio̍h不时互 相好 款 待,koh好 款 待每一个 人。16 Tio̍h常 常欢 喜。17 Tio̍h不时祈祷。18无论甚 么境 遇lóng tio̍h感 谢,因为这是上 主ê旨意,ài lín chiah-ê属基督耶稣ê人án-ne做。19 M̄-thang phah-hoa圣 神ê火。20 M̄-thang藐视先知ê话。21 Ta̍k项tāi-chì tio̍h详 细检 验,好.ê tio̍h继 续做 落去。22 Tio̍h闪 避ta̍k种ê邪恶。23愿赏赐平 安ê上 主亲 自kā lín圣 化,koh愿他保守lín ê灵、魂、体,tī咱ê主耶稣基督再 临ê时,lóng得tio̍h保 全,无thang嫌!24呼 召lín-.ê是信实ê上 主,他一定会照án-ne kā lín成 全。25兄弟 姊 妹ah,请为 阮祈祷。26 Tio̍h用神 圣ê相chim,来kā所有ê兄弟 姊 妹请 安。27我奉 主ê名来吩 咐lín,tio̍h读chit张phoe hō͘所有ê兄弟 姊 妹听。28愿咱ê主耶稣基督ê恩 典kah lín同 在!