巴克礼普世版(试读本) 帖撒罗尼迦前书第三章
1阮已经等kah挡bē-tiâu,就决 定kan-taⁿ阮tòa tī雅 典,2差 派阮ê兄弟提摩 太去lín hia,伊是为tio̍h上 主来 传基督ê福 音做阮ê同 工,伊thang来坚 固lín ê信 心,koh为tio̍h lín ê信 心来安慰lín,3 hō͘ lín中 间bē因为tú-tio̍h苦 难soah信 心摇动。Lín家己mā知,咱tú-tio̍h苦 难,是上 主ê旨意所安排。4阮iáu tī lín hia ê时,有先kā lín讲 起,咱会tú-tio̍h苦 难,后来果 然án-ne发 生,这是lín所 知.ê。5所以我等kah挡bē-tiâu,chiah tio̍h差 派提摩 太去lín hia,ài知lín ê信án怎chiah bē hō͘ hit-ê魔 鬼kā lín诱惑,hō͘阮ê劳苦lóng枉 费去。6 Taⁿ提摩 太已经tùi lín hia tńg来,将lín ê信 心kah疼 心ê好消 息报阮 知,koh讲 起lín常 常teh数 念阮,ài beh kah阮见面,亲 像阮ài beh kah lín见面仝 款。7所以,兄弟 姊 妹ah,阮tī一 切ê困 苦患 难 中,阮有tùi lín ê信 心得tio̍h安慰。8 Lín若对主有坚固ê信 心,阮就 感 觉有 真 正teh活。9阮tī咱ê上 主ê面 前,为tio̍h lín真 欢 喜;为tio̍h这一 切ê欢 喜,阮tio̍h án怎来感 谢上 主chiah有够 额?10阮暝日迫 切祈祷,ài见tio̍h lín ê面,来补 足lín信 心无 够 额ê所 在。11愿咱ê天父上 主kah咱ê主耶稣kā阮开 路thang去lín hia。12亲 像阮对lín ê疼 心ná加添,愿主hō͘ lín互 相ê疼 心kah疼众 人ê心mā日日加添。13 Án-ne lín ê信 心ē-tàng坚 固,tī咱ê主耶稣kah他ê众 信徒koh再来临ê时,tī咱ê天父上 主ê面 前,ē-tàng圣 洁无thang嫌。