巴克礼普世版(试读本) 帖撒罗尼迦前书第二章
保罗Tī帖 撒罗尼迦ê工 作
1兄弟 姊 妹ah,lín家己知,阮前去lín hia访 问m̄是无效果。2 Lín mā lóng知,阮去lín hia chìn前,tī腓立比虽 然tú-tio̍h迫 害kah侮 辱,iáu-koh óa靠咱ê上 主,好胆面对挑 战,kā上 主ê福 音传hō͘ lín。3阮ê劝 勉m̄是出tī错 误á是不 良ê动机,mā m̄是奸 诈teh beh骗 人。4实际 上,上 主看阮会堪 得,chiah将福 音交 托阮,阮就 照án-ne来 传。M̄是beh hō͘人欢 喜,是beh hō͘鉴 察咱内心ê上 主欢 喜。5因为lín知,阮lóng m̄-bat对lín讲扶 挺ê话,mā m̄-bat有 贪 心ê念 头,这上 主ē-tàng kā阮做 证。6阮做基督ê使徒,虽 然ē-tàng要求人尊 敬阮,m̄-koh阮m̄-bat对lín á是别 人,要求归 荣 光hō͘阮。7 M̄-koh阮tī lín中 间ê时温柔对 待lín,亲 像老母teh养 饲家己ê kiáⁿ儿。8阮án-ne疼 惜lín,m̄-nā kah lín分 享上 主ê福 音,连家己ê性 命mā欢 喜hō͘ lín,因为lín是阮所 疼.ê。9兄弟 姊 妹ah,lín tio̍h会记得阮ê劳苦工 作,阮传上 主ê福 音hō͘ lín ê时,为tio̍h无ài加添lín任 何 人ê负 担,阮暝日做 工来维持阮ê生 活 费用。10 Lín kah上 主ē-tàng为 阮做 证,对lín chiah-ê信徒,阮ê做 人是jōa-ni̍h-á圣 洁、公 义,无thang嫌。11 Lín知阮对 待lín ta̍k人,亲 像老父teh对 待家己ê kiáⁿ儿。12阮鼓励lín,安慰lín,是ài beh hō͘ lín ê行 踏ē-tàng符合上 主ê旨意,他有呼召lín进 入他ê国度kah荣 耀。13阮mā为tio̍h chit-ê缘故,感 谢上 主无soah,因为lín对 阮领受 上 主ê信息ê时,lín无kā它想 做是人ê话,颠倒当 做确 实是上 主ê信息。Chit-ê信息tī lín信徒中 间teh起 作 用。14兄弟 姊 妹ah,犹太 地区属基督耶稣ê上 主ê教 会,有受 同 胞ê迫 害。Lín受tio̍h家己同 胞ê迫 害,tú亲 像in有受tio̍h犹 太 人ê迫 害。15 Hiah-ê犹 太 人害死主耶稣kah众 先 知,mā kā阮驱 逐出 境;in hō͘上 主无欢 喜,koh kah众 人做 对敌。16 In甚 至阻 挡阮传得救ê福 音hō͘外 邦 人;in án-ne继 续犯 罪,罪 恶时时teh灌 满。上 主ê受气最 后临 到in ê身 上。
保罗Ǹg望Koh去访 问In
17兄弟 姊 妹ah,阮暂 时kah lín分离,m̄-koh he是身 躯ê分离,阮ê心并无离开lín,阮jōa-ni̍h-á迫 切想beh koh kah lín见面。18阮真ài去lín hia,我保罗一pái koh一pái想beh去,m̄-koh撒旦kā阮阻 挡。19咱ê主耶稣再 临ê时,阮ê ǹg望kah欢 喜,以及siōng thang夸 口ê是甚 么?Kám m̄是lín?20 Lín实 在是阮ê光 荣kah欢 喜。