巴克礼普世版(试读本) 歌罗西书第二章
1我ài lín知,我为tio̍h lín kah老底嘉 人以及hiah-ê m̄-bat见过我ê面ê人,我是jōa-ni̍h-á teh phah拚。2我ê目 的是beh hō͘ in ê心得tio̍h鼓励,用 疼 心来互 相结 联,用 丰 富ê理解力产 生够 额ê信 心,来确 实认bat上 主ê奥妙,就是基督本 身。3 Tī基督ê内面有隐 藏智慧kah智识一 切ê宝贝。4我án-ne讲,是为tio̍h beh hō͘ lín免受花 言 巧 语ê迷惑。5虽 然我无tī lín hia,心神却kah lín做伙。我看 见lín ê生 活规规矩矩,koh坚 固信 靠基督,感 觉非 常欢 喜。
Kah基督结 联来得Tio̍h完 整ê活 命
6 Lín既然接 纳主基督耶稣,就tio̍h kah他结 联来行 踏。7照lín所受ê教示,钉 根tī基督ê内面,不 断生 长,hō͘信 心会ná坚 固,满 心感 谢。8 Tio̍h谨慎chiah bē hō͘人用 空 虚ê哲 学kā lín迷惑,因为hiah-ê论 说,是 照人ê传 说kah宇宙控 制人ê邪 灵,m̄是 照基督。9因为上 主完 整ê神性,lóng具体tiàm-tī基督内面。10 Lín kah他结 联就得tio̍h丰 盛ê活 命,他是总 头,超 越灵 界ê执 政 者kah掌 权 者。11 Lín mā已经接 受kah基督结 联ê割礼,m̄是用人ê手来行ê割礼,是通 过基督ê割礼hō͘ lín脱 离肉 体ê罪 性。12因为lín领受洗礼ê时,lín有kah基督同 齐埋 葬,koh tùi洗礼,通 过lín信上 主hō͘基督tùi死 人 中koh活ê大 权 能,hō͘ lín mā kah基督同 齐活 起来。13前因为犯 罪kah肉 体无受割礼hit-ê lín已经死去,taⁿ上 主hō͘ lín kah基督做伙koh活。上 主已经赦 免咱lóng总ê罪 过,14擦 消对咱不利koh tī lu̍t-hoa̍t siōng束 缚咱ê罪 债记录,kā它钉tī十字架 顶,来kā它废除 掉。15 Tī十字架 顶,基督亲 自解除hiah-ê灵 界ê执 政 者kah掌 权 者,tī基督凯 旋ê行 列 中,hō͘ in做战 犯来 公 开示 众。16所以,m̄-thang tī lim食、守节 期、初一,á是安息 日ê问题hō͘人批 评。17 Chiah-ê lóng是将 来ê tāi-chì ê影,实 体是基督。18 M̄-thang受hiah-ê刁 工谦 卑来 敬 拜天使ê人影 响,soah hō͘ lín失去应 该得tio̍h ê报赏;Hiah-ê人óa靠幻 想,照in肉 体ê心思,kan-taⁿ teh膨 风,19无继 续kah做 头ê基督结 联。Tio̍h全 身 躯tùi chit-ê头得tio̍h营 养,chiah-ê节kah根结 联起来,照上 主ê旨意来 长 成。
Kah基督同死 同 活
20 Lín既然kah基督同 齐死,脱 离支 配宇宙ê邪 灵,ná会iáu-koh亲 像属chit世间ê人teh生 活?Lín ná会teh守chiah-ê规例?21亲 像讲:「M̄-thang the̍h chit-ê」,「M̄-thang食」hit-ê」,「M̄-thang摸hit-ê」。22 Chiah-ê只不过是人造出 来ê教 规kah教示,用 了就无路用。23表 面看 起 来,拜天使,假 谦 卑,虐 待家己ê身 躯,kah-ná是有智慧,其实对控 制肉 体ê情 欲lóng无路用。