巴克礼普世版(试读本) 腓立比书第二章
基督做咱ê模 范
1 Lín kah基督结 联有得tio̍h甚 么激励?Kám有tùi他ê疼 心得tio̍h安慰?Kah圣 神kám有甚 么交 通?Kám有体 验tio̍h上 主ê慈悲kah怜 悯?2 Lín tio̍h有 仝 款ê心 志,仝 款ê疼 心,心 灵和合,想 法一致,thang hō͘我充 满欢 喜。3 M̄-thang自私自利,追求虚荣,颠倒tio̍h用谦 逊ê心看别 人比家己khah gâu。4 M̄-thang kan-taⁿ顾家己ê tāi-chì,mā tio̍h顾别 人ê tāi-chì。5 Lín tio̍h有基督耶稣ê心 志:6基督原 本有上 主ê身 分,却无 想 讲tio̍h-ài坚 持kah上 主平 等ê地位。7他颠倒piàⁿ空家己,取奴仆ê身 分出 世做 人,成 做 人ê形 体出 现。8他自 愿谦 卑,顺 服到死,甚 至死tī十字架 顶。9所以上 主kā他提 升到siōng高ê地位,赏赐他超 越万名ê名。10因为án-ne,为tio̍h敬 重耶稣ê名,天 顶、地 上kah地下所有ê脚头u lóng tio̍h kā他跪拜。11所有ê嘴lóng会宣 布承 认「耶稣基督是主」,来归 荣 光hō͘天父上 主。
亲 像光Teh照世间
12所以,亲 爱ê兄弟 姊 妹ah,我tī lín hia ê时lín lóng有顺 服我,chit-má我无kah lín做伙,koh-khah tio̍h顺 服。Lín tio̍h继 续惊 惶phi̍h-phi̍h-chhoah,phah拚来 完 成lín家己ê得救。13因为上 主不时都 tī lín中 间teh做 工,hō͘ lín有意愿koh有气 力来实 现他ê好旨意。14无论甚 么tāi-chì lóng m̄-thang埋 怨,m̄-thang争 论。15 Án-ne lín就会清 白纯 洁,tī chit-ê邪恶koh腐败ê世代,做一个无 缺 点koh真实无假ê人,成 做上 主ê kiáⁿ儿。Tio̍h tī lín中 间发 光,亲 像光teh照世间,来坚 守赐活 命ê信息。16 Án-ne chiah ē-tàng hō͘我tī基督再 临ê日有thang夸 口,因为我m̄是空 空跑 走,我所有ê劳苦lóng无枉 费。17假使我tio̍h-ài流 血,来 泼tòa lín用信 心所 献ê祭 物顶 面,我mā欢 喜,mā beh kah lín大家做伙欢 喜。18 Lín mā tio̍h án-ne来欢 喜,kah我做伙 欢 喜。
提摩 太Kah以巴弗提
19我ǹg望主耶稣ē-tàng hō͘我赶 紧差 派提摩 太去lín hia,thang hō͘我 听tio̍h lín ê消 息来安我ê心。20只有伊一人有kah我同 心,koh真 正关 心lín ê tāi-chì。21众 人lóng是关 心家己ê tāi-chì,m̄是关 心耶稣基督ê tāi-chì。22 M̄-koh提摩 太ê做 人lín lóng知,伊亲 像kiáⁿ对老父,kah我做伙劳苦来 兴 起福 音。23所以我 看我ê都合án怎,ǹg望ē-tàng赶 紧差伊去lín hia。24我确 信主会hō͘我本 身mā真 紧ē-tàng去见lín。25 M̄-koh我想 讲要紧tio̍h差以巴弗提tńg去lín hia,伊是我ê兄弟、同 工kah战 友,tī我需要ê时来支 援帮 助我。26伊真数 念lín大家,mā有听tio̍h lín知伊破 病ê tāi-chì心真 艰 苦。27伊确 实有破 病kah hiám-险死去,m̄-koh上 主怜 悯伊,mā有怜悯我,hō͘我m̄免koh加添忧 伤。28所以我koh-khah致意beh差伊tńg去lín hia,hō͘ lín koh看tio̍h伊来欢 喜,mā thang减 少我ê忧 伤。29所以lín tio̍h欢 欢 喜喜来 接 纳chit位主内ê兄弟,mā tio̍h尊 重chit款ê人。30因为伊为tio̍h做基督ê工险 险死去,家己拚 命做 工,想beh补lín服 事我无 够 额ê所 在。