《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 腓立比书第二章

作者 巴克礼普世版小组 2015.10.25

基督(ki-tok)做(chò)咱(lán)ê模 范(bô͘-hoān)
1 Lín kah基督(ki-tok)结 联(kiat-liân)有得(ū tit)tio̍h甚 么(sím-mi̍h)激励(kek-lē)？Kám有(ū)tùi他(i)ê疼 心(thiàⁿ-sim)得(tit)tio̍h安慰(an-ùi)？Kah圣 神(sèng-sîn)kám有甚 么(ū sím-mi̍h)交 通(kau-thong)？Kám有(ū)体 验(thé-giām)tio̍h上 主(siōng-chú)ê慈悲(chû-pi)kah怜 悯(liân-bín)？2 Lín tio̍h有 仝 款(ū kāng-khoán)ê心 志(sim-chì)，仝 款(kāng-khoán)ê疼 心(thiàⁿ-sim)，心 灵(sim-lêng)和合(hô-ha̍p)，想 法(siūⁿ-hoat)一致(it-tì)，thang hō͘我(góa)充 满(chhiong-móa)欢 喜(hoaⁿ-hí)。3 M̄-thang自私(chū-su)自(chū)利(lāi)，追求(tui-kiû)虚荣(hi-êng)，颠倒(tian-tò)tio̍h用(ēng)谦 逊(khiam-sùn)ê心(sim)看(khòaⁿ)别 人(pa̍t-lâng)比(pí)家己(ka-kī)khah gâu。4 M̄-thang kan-taⁿ顾(kò͘)家己(ka-kī)ê tāi-chì，mā tio̍h顾(kò͘)别 人(pa̍t-lâng)ê tāi-chì。5 Lín tio̍h有(ū)基督耶稣(ki-tok iâ-so͘)ê心 志(sim-chì)：6基督(ki-tok)原 本(goân-pún)有(ū)上 主(siōng-chú)ê身 分(sin-hūn)，却(khiok)无 想 讲(bô siūⁿ-kóng)tio̍h-ài坚 持(kian-chhî)kah上 主(siōng-chú)平 等(pêng-téng)ê地位(tē-ūi)。7他(i)颠倒(tian-tò)piàⁿ空(khang)家己(ka-kī)，取(chhú)奴仆(lô͘-po̍k)ê身 分(sin-hūn)出 世(chhut-sì)做 人(chò-lâng)，成 做 人(chiâⁿ-chò lâng)ê形 体(hêng-thé)出 现(chhut-hiān)。8他(i)自 愿(chū-goān)谦 卑(khiam-pi)，顺 服(sūn-ho̍k)到死(kàu sí)，甚 至(sīm-chì)死(sí)tī十字架 顶(si̍p-jī-kè-téng)。9所以(só͘-í)上 主(siōng-chú)kā他(i)提 升(thê-seng)到(kàu)siōng高(koân)ê地位(tē-ūi)，赏赐(siúⁿ-sù)他(i)超 越(chhiau-oa̍t)万(bān)名(miâ)ê名(miâ)。10因为(in-ūi)án-ne，为(ūi)tio̍h敬 重(kèng-tiōng)耶稣(iâ-so͘)ê名(miâ)，天 顶(thiⁿ-téng)、地 上(tē-chiūⁿ)kah地下(tē-ē)所有(só͘ ū)ê脚(kha)头(thâu)u lóng tio̍h kā他(i)跪拜(kūi-pài)。11所有(só͘ ū)ê嘴(chhùi)lóng会(ē)宣 布(soan-pò͘)承 认(sêng-jīn)「耶稣基督(iâ-so͘ ki-tok)是(sī)主(chú)」，来(lâi)归 荣 光(kui êng-kng)hō͘天父(thiⁿ-pē)上 主(siōng-chú)。

亲 像(chhin-chhiūⁿ)光(kng)Teh照(chiàu)世间(sè-kan)
12所以(só͘-í)，亲 爱(chhin-ài)ê兄弟 姊 妹(hiaⁿ-tī chí-mōe)ah，我(góa)tī lín hia ê时(sî)lín lóng有顺 服(ū sūn-ho̍k)我(góa)，chit-má我无(góa bô)kah lín做(chò)伙(hóe)，koh-khah tio̍h顺 服(sūn-ho̍k)。Lín tio̍h继 续(kè-sio̍k)惊 惶(kiaⁿ-hiâⁿ)phi̍h-phi̍h-chhoah，phah拚(piàⁿ)来 完 成(lâi oân-sêng)lín家己(ka-kī)ê得救(tit-kiù)。13因为(in-ūi)上 主(siōng-chú)不时(put-sî)都(to) tī lín中 间(tiong-kan)teh做 工(chò-kang)，hō͘ lín有意愿(ū ì-goān)koh有气 力(ū khùi-la̍t)来实 现(lâi si̍t-hiān)他(i)ê好旨意(hó chí-ì)。14无论(bô-lūn)甚 么(sím-mi̍h)tāi-chì lóng m̄-thang埋 怨(bâi-oàn)，m̄-thang争 论(cheng-lūn)。15 Án-ne lín就会(chiū-ē)清 白(chheng-pe̍k)纯 洁(sûn-kiat)，tī chit-ê邪恶(siâ-ok)koh腐败(hú-pāi)ê世代(sè-tāi)，做(chò)一个(chi̍t-ê)无 缺 点(bô khoat-tiám)koh真实(chin-si̍t)无假(bô ké)ê人(lâng)，成 做(chiâⁿ-chò)上 主(siōng-chú)ê kiáⁿ儿(jî)。Tio̍h tī lín中 间(tiong-kan)发 光(hoat-kng)，亲 像(chhin-chhiūⁿ)光(kng)teh照(chiò)世间(sè-kan)，来坚 守(lâi kian-siú)赐活 命(sù oa̍h-miā)ê信息(sìn-sit)。16 Án-ne chiah ē-tàng hō͘我(góa)tī基督(ki-tok)再 临(chài-lîm)ê日(ji̍t)有(ū)thang夸 口(khoa-kháu)，因为(in-ūi)我(góa)m̄是(sī)空 空(khang-khang)跑 走(pháu-cháu)，我(góa)所有(só͘ ū)ê劳苦(lô-khó͘)lóng无枉 费(bô óng-hùi)。17假使(ká-sú)我(góa)tio̍h-ài流 血(lâu-hoeh)，来 泼(lâi phoah)tòa lín用信 心(ēng sìn-sim)所 献(só͘ hiàn)ê祭 物(chè-mi̍h)顶 面(téng-bīn)，我(góa)mā欢 喜(hoaⁿ-hí)，mā beh kah lín大家(tāi-ke)做(chò)伙(hóe)欢 喜(hoaⁿ-hí)。18 Lín mā tio̍h án-ne来欢 喜(lâi hoaⁿ-hí)，kah我(góa)做(chò)伙(hóe) 欢 喜(hoaⁿ-hí)。

提摩 太(thê-mô͘-thài)Kah以巴弗提(í-pa-hut-thê)
19我(góa)ǹg望(bāng)主耶稣(chú iâ-so͘)ē-tàng hō͘我(góa)赶 紧(kóaⁿ-kín)差 派(chhe-phài)提摩 太(thê-mô͘-thài)去(khì)lín hia，thang hō͘我 听(góa thiaⁿ)tio̍h lín ê消 息(siau-sit)来安(lâi an)我(góa)ê心(sim)。20只有(chí-ū)伊(i)一(chi̍t)人有(lâng ū)kah我(góa)同 心(tâng-sim)，koh真 正(chin-chiàⁿ)关 心(koan-sim)lín ê tāi-chì。21众 人(chèng-lâng)lóng是(sī)关 心(koan-sim)家己(ka-kī)ê tāi-chì，m̄是(sī)关 心(koan-sim)耶稣基督(iâ-so͘ ki-tok)ê tāi-chì。22 M̄-koh提摩 太(thê-mô͘-thài)ê做 人(chò-lâng)lín lóng知(chai)，伊(i)亲 像(chhin-chhiūⁿ)kiáⁿ对(tùi)老父(lāu-pē)，kah我(góa)做(chò)伙(hóe)劳苦(lô-khó͘)来 兴 起(lâi heng-khí)福 音(hok-im)。23所以(só͘-í)我 看(góa khòaⁿ)我(góa)ê都(to)合(ha̍h)án怎(chóaⁿ)，ǹg望(bāng)ē-tàng赶 紧(kóaⁿ-kín)差(chhe)伊(i)去(khì)lín hia。24我(góa)确 信(khak-sìn)主(chú)会(ē)hō͘我(góa)本 身(pún-sin)mā真 紧(chin-kín)ē-tàng去见(khì kìⁿ)lín。25 M̄-koh我(góa)想 讲(siūⁿ-kóng)要紧(iàu-kín)tio̍h差(chhe)以巴弗提(í-pa-hut-thê)tńg去(khì)lín hia，伊是(i sī)我(góa)ê兄弟(hiaⁿ-tī)、同 工(tâng-kang)kah战 友(chiàn-iú)，tī我(góa)需要(su-iàu)ê时(sî)来支 援(lâi chi-oân)帮 助(pang-chō͘)我(góa)。26伊(i)真(chin)数 念(siàu-liām)lín大家(tāi-ke)，mā有听(ū thiaⁿ)tio̍h lín知(chai)伊(i)破 病(phòa-pēⁿ)ê tāi-chì心(sim)真 艰 苦(chin kan-khó͘)。27伊(i)确 实(khak-si̍t)有破 病(ū phòa-pēⁿ)kah hiám-险死去(sí-khì)，m̄-koh上 主(siōng-chú)怜 悯(liân-bín)伊(i)，mā有怜悯(ū liân-bín)我(góa)，hō͘我(góa)m̄免(bián)koh加添(ke-thiⁿ)忧 伤(iu-siong)。28所以(só͘-í)我(góa)koh-khah致意(tì-ì)beh差(chhe)伊(i)tńg去(khì)lín hia，hō͘ lín koh看(khòaⁿ)tio̍h伊(i)来欢 喜(lâi hoaⁿ-hí)，mā thang减 少(kiám-chió)我(góa)ê忧 伤(iu-siong)。29所以(só͘-í)lín tio̍h欢 欢 喜喜(hoaⁿ-hoaⁿ hí-hí)来 接 纳(lâi chiap-la̍p)chit位(ūi)主内(chú-lāi)ê兄弟(hiaⁿ-tī)，mā tio̍h尊 重(chun-tiōng)chit款(khoán)ê人(lâng)。30因为(in-ūi)伊(i)为(ūi)tio̍h做(chò)基督(ki-tok)ê工(kang)险 险(hiám-hiám)死去(sí-khì)，家己(ka-kī)拚 命(piàⁿ-miā)做 工(chò-kang)，想(siūⁿ)beh补(pó͘)lín服 事(ho̍k-sāi)我(góa)无 够 额(bô kàu-gia̍h)ê所 在(só͘-chāi)。