巴克礼普世版(试读本) 腓立比书第一章
1我保罗kah提摩 太是基督耶稣ê奴仆,阮 写phoe hō͘ tòa tī腓立比,hiah-ê kah基督耶稣结 联ê所有信徒,以及教 会ê监 督kah执事。2愿咱ê天父上 主kah主耶稣基督,赏赐lín恩 典kah平 安!
保罗为腓立比ê信徒祈祷
3我ta̍k-pái想tio̍h lín ê时,就感 谢我ê上 主。4 Ta̍k-pái为tio̍h lín大家祈祷ê时,lóng用欢 喜ê心祈祷,5因为lín tùi头 一 日到taⁿ,lóng做伙参 与宣 扬福 音ê工 作。6我深 信Hit位开始tī lín中 间做美好工 作ê上 主,会tī耶稣基督再 临ê日kā它完 成。7我常 常teh数 念lín,对lín众 人有chit款ê感 情是真当 然ê tāi-chì,因为无论我tī监狱内,á是为tio̍h福 音teh辩 护kah做 证ê时,lín lóng有kah我分 享上 主ê恩 典。8我用基督耶稣ê疼 心jōa-ni̍h-á数 念lín大家,上 主ē-tàng kā我做 证。9我所祈求ê就是:hō͘ lín ê疼 心会ná加添,lín ê智慧kah对ta̍k种tāi-chì ê判 断力mā会ná进 步;10 hō͘ lín会晓分 别hit-ê siōng好ê tāi-chì,án-ne tī基督再 临ê日,lín chiah会成 做纯 全kah无thang嫌ê人。11 Lín ê生 活就会通 过耶稣基督,来 结好 德 行ê果 子,thang将荣 光kah o-ló归hō͘上 主。
为tio̍h基督来活
12兄弟 姊 妹ah,我ái lín知,我所tú-tio̍h ê tāi-chì颠倒hō͘福 音koh-khah进 展。13结 果,王 宫ê警 卫全 体kah tī chia所有ê人lóng知,我ê关 监是为tio̍h基督ê缘故。14真chē兄弟 姊 妹因为我ê关 监,对主koh-khah深 信,koh-khah好胆无惊 惶来 传上 主ê信息。15事实 上,有人传基督ê福 音,是出tī怨妒kah ài冤家ê心理,有人是出tī诚意。16诚意ê人是出tī疼 心,因为in知,上 主交 托我来为tio̍h福 音辩 护。17 Hiah-ê怨妒kah ài冤家ê人teh宣 扬基督是出tī野心,动机无单 纯,in想beh趁我关 监ê时加添我ê艰 苦。18 Án-ne有甚 么关 系?不 管in是假意á是真 心,无论án怎,横直基督ê福 音传 开,我就 欢 喜,mā beh继 续欢 喜。19因为我 知,chit-ê tāi-chì有lín ê祈祷kah耶稣基督ê圣 神ê帮 助,我一定会得tio̍h tháu放,回 复自由。20我迫 切期待kah ǹg望.ê,就是无 一 项tāi-chì会hō͘我见 笑,颠倒我时 刻有够 额ê勇 气,尤其是chit-má,不 管是死á是活,thang hō͘基督ē-tàng通 过我chit-ê人来得tio̍h荣 耀。21因为对我来 讲,活是为tio̍h基督,死mā有khah大ê利益。22若是活teh ē-tàng做khah-chē有利益ê工 作,我soah m̄知tio̍h拣tó一 条路。23我chit-má进退两难,我实 在真ài去kah基督做伙,án-ne应 该是khah好。24 M̄-koh为tio̍h lín ê缘故,我koh-khah应 该活落去。25对chit点来 讲,我确 信,我 知我beh kah lín大家做伙活落去,是beh hō͘ lín ê信 仰koh-khah进 步,koh-khah欢 喜。26 Án-ne,我koh再去lín hia ê时,hō͘ lín有koh-khah充 分ê理由,为tio̍h我ê缘故来用基督耶稣做lín ê夸 口。27无论án怎,siōng重 要ê是:lín ê行 踏符合基督福 音ê要求。Án-ne,无论我ē-tàng去kah lin见面á-bē,lóng ē-tàng听tio̍h lín ê tāi-chì,知 影lín为tio̍h所信ê福 音,用仝 一个心 志khiā在,同 心协力,做伙phah拚。28无论做 甚 么tāi-chì,无hō͘对敌phah惊,án-ne thang证 明in会失败lín会得 胜。Chit-ê得 胜lóng是上 主ê作 为。29因为上 主m̄-nā赏赐lín特 别ê恩 典thang信 靠基督,mā hō͘ lín为tio̍h基督来受 苦,30来kah我做伙争 战,lín看过我án怎战 斗chit-má lín koh听tio̍h我iáu-teh战 斗。