《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 以弗所书第六章

作者 巴克礼普世版小组 2015.10.11

父母(pē-bú)Kah Kiáⁿ儿(jî)ê关 系(koan-hē)
1做(chò)kiáⁿ儿(jî).ê，tio̍h顺 服(sūn-ho̍k)父母(pē-bú)，这是(che sī)基督徒(ki-tok-tô͘)应 该(eng-kai)尽(chīn)ê本 份(pún-hūn)。2 「Tio̍h孝 敬(hàu-kèng)父母(pē-bú)」，这是(che sī)头 一 条(thâu chi̍t-tiâu)附带(hù-tài)应允(èng-ún)ê诫 命(kài-bēng)。3就 是 讲(chiū-sī kóng)：「Án-ne lín就会(chiū-ē)事事(sū-sū)兴 通(heng-thong)，tī世间(sè-kan)享 受(hiáng-siū)长 岁 寿(tn̂g hòe-siū)。」(注(chù)：出(chhut)20：12；申5：16) 4做 老父(chò lāu-pē).ê，lín m̄-thang激(kek)kiáⁿ儿(jî)ê受气(siū-khì)，tio̍h用(ēng)主(chú)ê警 戒(kéng-kài)kah教示(kà-sī)来(lâi)kā in培 养(pôe-ióng)。

主 人(chú-lâng)Kah奴仆(lô͘-po̍k)ê关 系(koan-hē)
5做 奴仆(chò lô͘-po̍k).ê，kah顺 服(sūn-ho̍k)基督(ki-tok)仝 款(kāng-khoán)，tio̍h用(ēng)惊 惶(kiaⁿ-hiâⁿ)kah诚 实(sêng-si̍t)ê心(sim)，顺 服(sūn-ho̍k)lín tī世间(sè-kan)ê主 人(chú-lâng)。6 M̄-thang tī人(lâng)ê面 前(bīn-chêng)做(chò)hō͘人(lâng)看(khòaⁿ)，hō͘人(lâng)欢 喜(hoaⁿ-hí)；tio̍h亲 像(chhin-chhiūⁿ)做(chò)基督(ki-tok)ê奴仆(lô͘-po̍k)，遵 照(chun-chiàu)上 主(siōng-chú)ê旨意(chí-ì)诚 心 诚意(sêng-sim sêng-ì)来做(lâi chò)。7甘 心乐意(kam-sim lo̍k-ì)尽(chīn)奴仆(lô͘-po̍k)ê本 份(pún-hūn)，亲 像(chhin-chhiūⁿ)teh服 事(ho̍k-sāi)主(chú)，m̄是(sī)teh服 事(ho̍k-sāi)人(lâng)。8 Tio̍h知(chai)，无论(bô-lūn)做 奴仆(chò lô͘-po̍k)á是(sī)自由(chū-iû)ê人(lâng)，主(chú)lóng会 照(ē chiàu)ta̍k人(lâng)ê行 踏(kiâⁿ-ta̍h)来(lâi)kā in报赏(pò-siúⁿ)。9做 主 人(chò chú-lâng).ê，mā tio̍h án-ne款 待(khoán-thāi)奴仆(lô͘-po̍k)，m̄-thang kā in大 声(tōa-siaⁿ)恐 吓(khióng-hat)；tio̍h知(chai)，in kah lín lóng属(sio̍k)仝 一 位(kāng chi̍t-ūi)天 顶(thiⁿ-téng)ê主(chú)。主(chú)用(ēng)仝 款(kāng-khoán)ê态 度(thāi-tō͘)对 待(tùi-thāi)每(múi)一个 人(chi̍t-ê lâng)。

上 主(siōng-chú)所赐(só͘ sù)全 套(choân-thò)ê武 装(bú-chong)
10最 后(chòe-āu)，我(góa)苦 劝(khó͘-khǹg)lín tio̍h kah主(chú)结 联(kiat-liân)，靠(khò)他(i)权 能(koân-lêng)ê气 力(khùi-la̍t)来 成 做(lâi chiâⁿ-chò)坚 强(kian-kiông)ê人(lâng)。11 Tio̍h穿(chhēng)上 主(siōng-chú)所赐(só͘ sù)全 副(choân-hù)ê战 甲(chiàn-kah)，hō͘ lín ē-tàng khiā在(chāi)，来抵 抗(lâi tí-khòng)魔 鬼(mô͘-kúi)ê诡计(kúi-kè)。12因为(in-ūi)咱(lán)m̄是(sī)kah血 气(hiat-khì)ê人(lâng)交 战(kau-chiàn)，咱(lán)ê对敌(tùi-te̍k)是(sī)天 界(thian-kài)ê邪 灵(siâ-lêng)，就是(chiū-sī)chit-ê乌暗(o͘-àm)世代(sè-tāi)ê宇宙(ú-tiū)ê权 能 者(koân-lêng-chiá)、执 政 者(chip-chèng-chiá)、掌 权 者(chiáng-koân-chiá)。13所以(só͘-í)tio̍h穿(chhēng)上 主(siōng-chú)所赐(só͘ sù)全 副(choân-hù)ê战 甲(chiàn-kah)，thang tī邪恶(siâ-ok)ê日子(ji̍t-chí)ē-tàng抵 抗(tí-khòng)对敌(tùi-te̍k)ê攻 击(kong-kek)，战 斗(chiàn-tàu) 到底(kàu-té)，khiā在(chāi)守(siú)tiâu阵地(tīn-tē)。14所以(só͘-í)lín tio̍h khiā hō͘它(i)在(chāi)，用(ēng)真理(chin-lí)做(chò)带(tòa)縖(hâ)腰(io)，用(ēng)正 义(chèng-gī)做 战 甲(chò chiàn-kah)穿(chhēng)，15用(ēng)随时(sûi-sî)宣 扬(soan-iông)和 平(hô-pêng)ê福 音(hok-im)，做鞋(chò ê)来 穿(lâi chhēng)。16 Koh tio̍h不时(put-sî)用信 心(ēng sìn-sim)做 藤牌(chò tîn-pâi)，chiah ē-tàng phah灭(bia̍t)邪 恶 者(siâ-ok-chiá)ê火 箭(hóe-chìⁿ)。17 Koh用(ēng)拯 救(chín-kiù)做 头 盔(chò thâu-khoe)，用 圣 神(ēng sèng-sîn)做 剑(chò kiàm)，就是(chiū-sī)上 主(siōng-chú)ê话(ōe)。18 Tio̍h靠(khò)圣 神(sèng-sîn)全 心(choân-sim)祈祷(kî-tó)，常 常(siông-siông)恳 求(khún-kiû)；tio̍h不时(put-sî)警 醒(kéng-séng)，时 常(sî-siông)为(ūi)tio̍h所有(só͘ ū)ê信徒(sìn-tô͘)祈祷(kî-tó)。19 Mā请(chhiáⁿ)为(ūi)tio̍h我(góa)祈祷(kî-tó)，求(kiû)上 主(siōng-chú)赐(sù)我(góa)信息(sìn-sit)，thang好胆(hó-táⁿ)开 嘴(khui-chhùi)宣 讲(soan-káng)福 音(hok-im)ê奥妙(ò-biāu)。20为(ūi)tio̍h chit-ê福 音(hok-im)，我(góa)chit-má做(chò)一个(chi̍t-ê)挂 铁 链(kòa thih-liān)ê大使(tāi-sài)，mā tio̍h为我(ūi góa)恳 求(khún-kiû)上 主(siōng-chú)，赐(sù)我(góa)ē-tàng好胆(hó-táⁿ)来 宣 扬(lâi soan-iông)我(góa)应 该(eng-kai)讲(kóng)ê信息(sìn-sit)。

最 后(chòe-āu)ê请 安(chhéng-an)
21咱(lán)所 疼(só͘ thiàⁿ)ê兄弟(hiaⁿ-tī)，mā是(sī)忠 实(tiong-si̍t)ê差 用(chhe-ēng)推(thui)基古，会(ē)kā lín报告(pò-kò)我(góa)ê tāi-chì kah我(góa)ê近 况(kīn-hóng)。22为(ūi)tio̍h án-ne，我(góa)差(chhe)伊(i)去(khì)lín hia，是(sī)beh报(pò)lín知(chai)阮(goán)ê tāi-chì，thang hō͘ lín安心(an-sim)。23愿(goān)天父(thiⁿ-pē)上 主(siōng-chú)kah主(chú)耶稣基督(iâ-so͘ ki-tok)，赐(sù)平 安(pêng-an)、疼 心(thiàⁿ-sim)kah信 心(sìn-sim)hō͘众(chèng)兄弟 姊 妹(hiaⁿ-tī chí-mōe)！24愿(goān)上 主(siōng-chú)ê恩 典(un-tián)kah所有(só͘-ū)用(ēng)不 变(put-piàn)ê疼 心(thiàⁿ-sim)，来 疼(lâi thiàⁿ)主(chú)耶稣基督(iâ-so͘ ki-tok)ê人(lâng)同 在(tông-chāi)！