巴克礼普世版（试读本） 以弗所书第五章
Tī光 明 中生 活
1 Lín既然做上 主所 疼ê kiáⁿ儿，tio̍h学上 主。2行 踏mā tio̍h有疼 心，亲 像基督bat疼 咱，为tio̍h咱牺 牲家己ê性 命，做芳 芳ê祭 物献hō͘上 主。3 Lín既然是上 主ê子 民，奸 淫kah一 切ê污秽，á是贪 心，tī lín中 间连讲 起都m̄-thang。4 M̄-thang讲见 笑kah邪淫，á是下流ê话，颠倒tio̍h讲感 谢上 主ê话。5 Lín确 实知，淫 乱、污秽，á是贪 婪(这是一 种偶 像 崇 拜) ê人，lóng bē得thang成 做基督kah上 主 国 度ê子 民。6 M̄-thang hō͘人用虚假ê话欺 骗，因为上 主ê受气会为tio̍h chiah-ê tāi-chì，临 到tī hiah-ê悖 逆ê人。7所以lín m̄-thang kah hit款人来往。8因为lín过 去tī乌暗 中，m̄-koh taⁿ lín成 做属主ê人有光 明，行 踏tio̍h照 光明ê人ê款 式。9光 明所结ê果 子就是良 善、公 义kah真理。10 Tio̍h明 察甚 么是主所欢喜ê tāi-chì。11 M̄-thang参 与tī乌暗 中teh做无路用ê tāi-chì，颠倒tio̍h kā in责 备。12 In掩 掩 盖 盖teh做ê tāi-chì，连讲都见 笑！13一 切受责 备就会hō͘光显 明出 来，因为hō͘光暴露就会显 明。14所以有一 句话án-ne讲：Teh困ê人tio̍h醒，(注：赛26：19；51：17；52：1；60：1) tùi死 人 中peh起来！(注：赛26：19)基督beh kā你照 光。(注：赛60：1) 15所以，lín tio̍h chim-chiok看lín ê行 踏，m̄-thang做无智识ê人，tio̍h做聪 明ê人。16 Tio̍h把握机会，因为现 今是邪恶ê世代。17所以，m̄-thang做戆 人，tio̍h明 白甚 么是主ê旨意。18 Mā m̄-thang酒 醉，因为酒 醉会kā lín败 坏，颠倒tio̍h hō͘圣 神kā lín充 满。19 Tio̍h用诗 篇，用圣 诗，用灵 歌，互 相对 唱，tùi心底唱圣 诗kah诗 篇来o-ló主。20 Tio̍h靠咱ê主耶稣基督ê名，为tio̍h ta̍k项tāi-chì时 常来感 谢天父上 主。
夫 妻ê关 系
21 Lín tio̍h用敬 畏基督ê心来互 相顺 服。22做妇人 人.ê，tio̍h亲 像顺 服主án-ne来顺 服家己ê丈 夫。23因为丈 夫是妇人 人ê头，亲 像基督做 教 会ê头。基督本 身mā是教 会ê救 主，教 会就是他ê体。24亲 像教会顺 服基督，做妇人 人.ê mā tio̍h事事án-ne顺 服丈 夫。25做 丈 夫.ê，lín tio̍h疼妇人 人，亲 像基督疼教 会，mā为tio̍h教 会牺 牲家己。26 Án-ne做是beh通 过他ê话，用 水洗 清 气来 圣 化教 会归hō͘上 主，27 hō͘教 会有荣 光，无污点，无 皱 纹，á是其他缺 点，成 做圣 洁无 缺 点来 献hō͘主。28 Siāng款，丈 夫tio̍h疼家己ê妇人 人亲 像疼家己ê身 躯，疼家己ê妇人 人就是疼家己。29无 人怨 恨家己ê身 躯，颠倒kā它保 惜照 顾，kah基督对 待教 会仝 款。30因为咱是基督身 躯ê百 体。31圣 经讲：「因为án-ne，人beh离开父母，kah伊ê bó͘结 联，两 人成做 一 体。」(注：创2：24) 32 Chit段经 文启示一个极 大ê奥妙，照我ê了 解，这是teh指基督kah教 会ê关 系。33总 是，这mā适 用tī lín ta̍k人：丈 夫tio̍h疼伊ê妇人 人亲 像家己；妇人 人mā tio̍h敬 畏她ê丈 夫。
|
|
|
转寄