《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 以弗所书第三章

作者 巴克礼普世版小组 2015.09.20

保罗(pó-lô)对(tùi)外 邦 人(gōa-pang-lâng)传 福 音(thoân hok-im)
1因为(in-ūi)án-ne，我(góa)保罗(pó-lô)，为(ūi)tio̍h lín外 邦 人(gōa-pang-lâng)做(chò)基督耶稣(ki-tok iâ-so͘)ê囚 犯(kiû-hoān)，替(thè)lín对(tùi)上 主(siōng-chú)祈求(kî-kiû)。2 Lín一定(it-tēng)有听(ū thiaⁿ)tio̍h，上 主(siōng-chú)为(ūi)tio̍h lín ê缘故(iân-kò͘)，赏赐(siúⁿ-sù)恩 典(un-tián)hō͘我(góa)chit-ê职 务(chit-bū)。3上 主(siōng-chú)对我(tùi góa)启示(khé-sī)，hō͘我 知(góa chai)他(i)ê奥妙(ò-biāu)。我 已经(góa í-keng)有(ū)简 略(kán-lio̍k)写(siá)chit-ê tāi-chì。4 Lín读 了(tha̍k-liáu)就(chiū)会 明 白(ē bêng-pe̍k)我对(góa tùi)基督(ki-tok)奥妙(ò-biāu)ê了 解(liáu-kái)。5 Tī过 去(kòe-khì)ê世代(sè-tāi)，无 人 知(bô-lâng chai)chit-ê奥妙(ò-biāu)，chit-má上 主(siōng-chú)已经(í-keng)通 过(thong-kòe)圣 神(sèng-sîn)，对(tùi)神 圣(sîn-sèng)ê使徒(sù-tô͘)kah先知(sian-ti)启示(khé-sī)。6就是(chiū-sī)外 邦 人(gōa-pang-lâng)通 过(thong-kòe)基督耶稣(ki-tok iâ-so͘)ê福 音(hok-im)，ē-tàng kah犹 太 人(iû-thài-lâng)仝 款(kāng-khoán)享受 上 主(siū siōng-chú)ê祝 福(chiok-hok)，合(ha̍h)做 一 体(chò chi̍t-thé)，做(chò)伙(hóe)承受 上 主(siū siōng-chú)ê应允(èng-ún)。7上 主(siōng-chú)赏赐(siúⁿ-sù)我(góa)特 别(te̍k-pia̍t)ê恩 典(un-tián)，通 过(thong-kòe)他(i)ê大 权 能(tōa koân-lêng)，hō͘我(góa)成 做(chiâⁿ-chò)传 福 音(thoân hok-im)ê奴仆(lô͘-po̍k)。8我是(góa sī)众 信徒(chèng sìn-tô͘)中 间(tiong-kan)siōng微细(bî-sè).ê，竟 然(kèng-jiân)得(tit)tio̍h chit-ê恩 典(un-tián)，thang将(chiong)基督(ki-tok)算(sǹg)bē了(liáu)ê丰 盛(hong-sēng)福 音(hok-im)，传(thoân)hō͘外 邦 人(gōa-pang-lâng)。9 Án-ne thang hō͘众 人(chèng-lâng)明 白(bêng-pe̍k)，上 主(siōng-chú)án怎(chóaⁿ)实 现(si̍t-hiān)他(i)ê奥妙(ò-biāu)；创 造(chhòng-chō)宇宙(ú-tiū)ê上 主(siōng-chú)tī过 去(kòe-khì)ê世代(sè-tāi)，有 将(ū chiong)chit-ê奥妙(ò-biāu)隐密(ún-ba̍t)起来(khí-lâi)。10 Taⁿ beh tī现 今(hiān-kim)ê世代(sè-tāi)通 过(thong-kòe)教 会(kàu-hōe)，hō͘天 界(thian-kài)ê执 政 者(chip-chèng-chiá)kah掌 权 者(chiáng-koân-chiá)，lóng知(chai)上 主(siōng-chú)ta̍k项(hāng)ê智慧(tì-hūi)。11上 主(siōng-chú)照(chiàu)他(i)永 远(éng-oán)ê旨意(chí-ì)，已经(í-keng)通 过(thong-kòe)咱(lán)ê主(chú)基督耶稣(ki-tok iâ-so͘)来实 现(lâi si̍t-hiān)。12咱(lán)kah基督(ki-tok)结 联(kiat-liân)，信 靠(sìn-khò)他(i)就(chiū)thang充 满(chhiong-móa)信 心(sìn-sim)来(lâi)kah上 主(siōng-chú)亲 近(chhin-kīn)。13所以(só͘-í)求(kiû)lín m̄-thang因为(in-ūi)我为(góa ūi)tio̍h lín受 苦(siū-khó͘)来(lâi)艰 苦 心(kan-khó͘-sim)，其实(kî-si̍t)这是(che sī)lín ê荣 光(êng-kng)。

基督(ki-tok)ê疼(thiàⁿ)
14因为(in-ūi)án-ne，我(góa)跪 落(kūi-lo̍h)tī天父(thiⁿ-pē)ê面 前(bīn-chêng)，15他是(i sī)天 顶(thiⁿ-téng)地 上(tē-chiūⁿ)每 一个(múi chi̍t-ê)家 族(ka-cho̍k)ê起 源(khí-goân)。16我对(góa tùi)上 主(siōng-chú)祈求(kî-kiû)，照(chiàu)他(i)丰 盛(hong-sēng)ê荣 光(êng-kng)，通 过(thong-kòe)圣 神(sèng-sîn)赐(sù)lín气 力(khùi-la̍t)，hō͘ lín心 内(sim-lāi)ê活 命(oa̍h-miā)勇 壮(ióng-chòng)起来(khí-lâi)。17我(góa)mā求(kiû)基督(ki-tok)，tùi lín ê信(sìn)来(lâi)tòa tī lín ê心 内(sim-lāi)，hō͘ lín ê疼 心(thiàⁿ-sim)ē-tàng钉 根(tèng-kin)来落实(lâi lo̍k-si̍t)，18 hō͘ lín ē-tàng得(tit)tio̍h气 力(khùi-la̍t)来(lâi)kah上 主(siōng-chú)所有(só͘ ū)ê子 民(chú-bîn)，lóng明 白(bêng-pe̍k)基督(ki-tok)ê疼(thiàⁿ)是(sī)jōa-ni̍h长(tn̂g)、阔(khoah)、koân、深(chhim)。19愿(goān)lín ē-tàng体 验(thé-giām)基督(ki-tok)hit种(chiòng)超 越(chhiau-oa̍t)智识(tì-sek)ē-tàng理解(lí-kái)ê疼(thiàⁿ)，hō͘上 主(siōng-chú)ê完 善(oân-siān)kā lín完 全(oân-choân)充 满(chhiong-móa)。20上 主(siōng-chú)ē-tàng tī咱 中 间(lán tiong-kan)运 行(ūn-hêng)他(i)ê大 权 能(tōa koân-lêng)，大 大(tōa-tōa)超 过(chhiau-kòe)咱(lán)所求(só͘ kiû)kah所想(só͘ siūⁿ).ê，来 成 就(lâi sêng-chiū)一 切(it-chhè)。21愿(goān)荣 耀(êng-iāu)tī教 会 中(kàu-hōe tiong)，通 过(thong-kòe)基督耶稣(ki-tok iâ-so͘)归(kui)hō͘上 主(siōng-chú)，直到(ti̍t-kàu) 万世代(bān-sè-tāi)，代代(tāi-tāi)无 尽(bô-chīn)。阿们(a-men)。