巴克礼普世版(试读本) 以弗所书第三章
保罗对外 邦 人传 福 音
1因为án-ne,我保罗,为tio̍h lín外 邦 人做基督耶稣ê囚 犯,替lín对上 主祈求。2 Lín一定有听tio̍h,上 主为tio̍h lín ê缘故,赏赐恩 典hō͘我chit-ê职 务。3上 主对我启示,hō͘我 知他ê奥妙。我 已经有简 略写chit-ê tāi-chì。4 Lín读 了就会 明 白我对基督奥妙ê了 解。5 Tī过 去ê世代,无 人 知chit-ê奥妙,chit-má上 主已经通 过圣 神,对神 圣ê使徒kah先知启示。6就是外 邦 人通 过基督耶稣ê福 音,ē-tàng kah犹 太 人仝 款享受 上 主ê祝 福,合做 一 体,做伙承受 上 主ê应允。7上 主赏赐我特 别ê恩 典,通 过他ê大 权 能,hō͘我成 做传 福 音ê奴仆。8我是众 信徒中 间siōng微细.ê,竟 然得tio̍h chit-ê恩 典,thang将基督算bē了ê丰 盛福 音,传hō͘外 邦 人。9 Án-ne thang hō͘众 人明 白,上 主án怎实 现他ê奥妙;创 造宇宙ê上 主tī过 去ê世代,有 将chit-ê奥妙隐密起来。10 Taⁿ beh tī现 今ê世代通 过教 会,hō͘天 界ê执 政 者kah掌 权 者,lóng知上 主ta̍k项ê智慧。11上 主照他永 远ê旨意,已经通 过咱ê主基督耶稣来实 现。12咱kah基督结 联,信 靠他就thang充 满信 心来kah上 主亲 近。13所以求lín m̄-thang因为我为tio̍h lín受 苦来艰 苦 心,其实这是lín ê荣 光。
基督ê疼
14因为án-ne,我跪 落tī天父ê面 前,15他是天 顶地 上每 一个家 族ê起 源。16我对上 主祈求,照他丰 盛ê荣 光,通 过圣 神赐lín气 力,hō͘ lín心 内ê活 命勇 壮起来。17我mā求基督,tùi lín ê信来tòa tī lín ê心 内,hō͘ lín ê疼 心ē-tàng钉 根来落实,18 hō͘ lín ē-tàng得tio̍h气 力来kah上 主所有ê子 民,lóng明 白基督ê疼是jōa-ni̍h长、阔、koân、深。19愿lín ē-tàng体 验基督hit种超 越智识ē-tàng理解ê疼,hō͘上 主ê完 善kā lín完 全充 满。20上 主ē-tàng tī咱 中 间运 行他ê大 权 能,大 大超 过咱所求kah所想.ê,来 成 就一 切。21愿荣 耀tī教 会 中,通 过基督耶稣归hō͘上 主,直到 万世代,代代无 尽。阿们。