《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 以弗所书第一章

作者 巴克礼普世版小组 2015.09.06

1我(góa)保罗(pó-lô)，是(sī)奉(hōng)上 主(siōng-chú)ê旨意(chí-ì)做(chò)基督耶稣(ki-tok iâ-so͘)ê使徒(sù-tô͘)，写(siá)phoe hō͘ tòa tī以弗所(í-hut-só͘)，属(sio̍k)基督耶稣(ki-tok iâ-so͘)忠 实(tiong-si̍t)ê信徒(sìn-tô͘)。2愿(goān)咱(lán)ê天父(thiⁿ-pē)上 主(siōng-chú)kah主(chú)耶稣基督(iâ-so͘ ki-tok)，赏赐(siúⁿ-sù)lín恩 典(un-tián)kah平 安(pêng-an)。

属 灵(sio̍k-lêng)ê福 气(hok-khì)
3 Tio̍h o-ló咱(lán)ê主(chú)耶稣基督(iâ-so͘ ki-tok)ê天父(thiⁿ-pē)！因为(in-ūi)他(i)通 过(thong-kòe)基督(ki-tok)，将(chiong)天 顶(thiⁿ-téng)ta̍k种(chióng)属 灵(sio̍k-lêng)ê福 气(hok-khì)赏赐(siúⁿ-sù)hō͘咱(lán)。4 Tī创 世(chhòng-sè)以 前(í-chêng)，上 主(siōng-chú)to̍h通 过(thong-kòe)基督(ki-tok)拣 选(kéng-soán)咱(lán)，hō͘咱(lán)tī他(i)ê面 前(bīn-chêng)，成 做(chiâⁿ-chò)圣 洁(sèng-kiat)无 缺 点(bô khoat-tiám)ê人(lâng)。5因为(in-ūi)上 主(siōng-chú)疼 咱(thiàⁿ lán)，早(chá)to̍h决 定(koat-tēng)beh通 过(thong-kòe)耶稣基督(iâ-so͘ ki-tok)，hō͘咱(lán)成 做(chiâⁿ-chò)他(i)ê kiáⁿ儿(jî)；这是(che sī)照(chiàu)他(i)ê旨意(chí-ì)，mā是(sī)伊(i)所欢喜(só͘ hoaⁿ-hí).ê。6咱(lán)tio̍h o-ló上 主(siōng-chú)荣 耀(êng-iāu)ê恩 典(un-tián)，因为(in-ūi)他(i)将(chiong)所 疼(só͘ thiàⁿ)ê Kiáⁿ白 白(pe̍h-pe̍h)赏赐(siúⁿ-sù)hō͘咱(lán)。7通 过(thong-kòe)基督(ki-tok)ê死(sí)，咱(lán)得(tit)tio̍h救 赎(kiù-sio̍k)，罪 过(chōe-kò)得(tit)tio̍h赦 免(sià-bián)；上 主(siōng-chú)ê恩 典(un-tián)实 在(si̍t-chāi)非 常(hui-siông)丰 富(hong-hù)。8他(i)将(chiong)chit-ê充 足(chhiong-chiok)ê恩 典(un-tián)赐(sù)hō͘咱(lán)，用(ēng)ta̍k种(chióng)ê聪 明(chhong-bêng)智慧(tì-hūi)，9照(chiàu)他(i)所(só͘) 意爱(ì-ài)ê旨意(chí-ì)hō͘咱 知(lán chai)，他(i)早(chá)to̍h决 定(koat-tēng)beh通 过(thong-kòe)基督(ki-tok)，来 完 成(lâi oân-sêng)他(i)奥妙(ò-biāu)ê计画(kè-ōe)。10时期(sî-kî)若到(nā kàu)，上 主(siōng-chú)beh完 成(oân-sêng)chit-ê计画(kè-ōe)，就是(chiū-sī)beh将(chiong)天 顶(thiⁿ-téng)kah地 上(tē-chiūⁿ)ê被造 物(pī-chō-bu̍t)lóng成(chiâⁿ)做 一 体(chò chi̍t-thé)，hō͘基督(ki-tok)做(chò)一 切(it-chhè)ê头(thâu)。11宇宙(ú-tiū)万 物(bān-bu̍t)lóng照(chiàu)上 主(siōng-chú)ê计画(kè-ōe)kah旨意(chí-ì)来 完 成(lâi oân-sêng)，上 主(siōng-chú)照(chiàu)他(i)早(chá)to̍h定(tiāⁿ)tio̍h ê旨意(chí-ì)，通 过(thong-kòe)基督(ki-tok)拣 选(kéng-soán)咱 做(lán chò)他(i)ê子 民(chú-bîn)。12 Án-ne是(sī)beh hō͘阮(goán)chiah-ê先(seng)归 向(kui-hiòng)基督(ki-tok)ê人(lâng)，lóng称 赞(chheng-chàn)上 主(siōng-chú)ê荣 耀(êng-iāu)。13对(tùi)lín来 讲(lâi kóng)mā是(sī)án-ne，lín有听(ū thiaⁿ)tio̍h真理(chin-lí)ê信息(sìn-sit)，to̍h是(sī)hō͘ lín得救(tit-kiù)ê福 音(hok-im)。Lín有信(ū sìn)，上 主(siōng-chú)就 将(chiū chiong)他(i)所应允(só͘ èng-ún)ê圣 神(sèng-sîn)赏赐(siúⁿ-sù)hō͘ lín，做(chò)lín归 向(kui-hiòng)他(i)ê记号(kì-hō)。14圣 神(sèng-sîn)保 证(pó-chèng)咱(lán)承 接(sêng-chiap)上 主(siōng-chú)所应允(só͘ èng-ún)ê产 业(sán-gia̍p)，直到(ti̍t-kàu)hō͘归 属(kui-sio̍k)上 主(siōng-chú)ê人(lâng)得(tit)tio̍h完 全(oân-choân)ê自由(chū-iû)，咱(lán)tio̍h称 赞(chheng-chàn)他(i)ê荣 耀(êng-iāu)。

保罗(pó-lô)ê祈祷(kî-tó)
15因为(in-ūi)án-ne，我(góa)一下 听(chi̍t-ē thiaⁿ)tio̍h lín对(tùi)主耶稣(chú iâ-so͘)有信心(ū sìn-sim)，koh对(tùi)所有(só͘ ū)ê圣 徒(sèng-tô͘)有疼 心(ū thiàⁿ-sim)，16就(chiū)不时(put-sî)为(ūi)tio̍h lín感 谢(kám-siā)上 主(siōng-chú)，我(góa)mā tī祈祷 中(kî-tó tiong)数 念(siàu-liām)lín。17祈求(kî-kiû)咱(lán)ê主(chú)耶稣基督(iâ-so͘ ki-tok)ê上 主(siōng-chú)，荣 耀(êng-iāu)ê天父(thiⁿ-pē)，赏赐(siúⁿ-sù)圣 神(sèng-sîn)hō͘ lín有智慧(ū tì-hūi)kah启示(khé-sī)，thang koh-khah深 入(chhim-ji̍p)认(jīn)bat上 主(siōng-chú)。18我(góa)恳 求(khún-kiû)上 主(siōng-chú)开(khui)lín ê心 灵(sim-lêng)，hō͘ lín thang知(chai)，他(i)选 召(soán-tiàu)lín ê ǹg望(bāng)是(sī)án怎(chóaⁿ)，他(i)对(tùi)信徒(sìn-tô͘)所应允(só͘ èng-ún)ê祝 福(chiok-hok)是(sī)jōa-ni̍h-á丰 富(hong-hù)。19 Koh hō͘咱 知(lán chai)，他(i)ê权 能(koân-lêng)运 行(ūn-hêng)tī咱(lán)chiah-ê信徒(sìn-tô͘)中 间(tiong-kan)，是(sī)大(tōa)到(kàu)甚 么(sím-mi̍h)程 度(thêng-tō͘)。20 Chit-ê大 权 能(tōa koân-lêng)就是(chiū-sī)hō͘基督(ki-tok)tùi死 人 中(sí-lâng tiong)koh活(oa̍h)，koh hō͘基督(ki-tok)tī天 顶(thiⁿ-téng)坐(chē)tī他(i)ê正(chiàⁿ)pêng。21 Koh tī hia管 辖(koán-hat)所有(só͘ ū)ê执 政 者(chip-chèng-chiá)、掌 权 者(chiáng-koân-chiá)kah权 力 者(koân-le̍k-chiá)；他(i)超 越(chhiau-oa̍t)今 世(kim-sè)kah来世(lâi-sè)一 切(it-chhè)权 柄(koân-pèng)ē-tàng称 呼(chheng-ho͘)ê头 衔(thâu-hâm)。22上 主(siōng-chú)koh hō͘宇宙(ú-tiū)万 物(bān-bu̍t)，屈 服(khut-ho̍k)tī基督(ki-tok)ê脚下(kha-ē)，koh hō͘他(i)做 教 会(chò kàu-hōe)ê头(thâu)，来 统 治(lâi thóng-tī)一 切(it-chhè)。23教 会(kàu-hōe)是基督(sī ki-tok)ê身 躯(seng-khu)，hō͘上 主(siōng-chú)充 满(chhiong-móa)宇宙(ú-tiū)万 物(bān-bu̍t)ê Hit位(ūi)基督(ki-tok)所 充 满(só͘ chhiong-móa)。