巴克礼普世版（试读本） 加拉太书第四章
1我koh讲，继 承 人虽 然是产 业ê主 人，伊tī未 成 年ê时kah奴仆无 甚 么差 别。2 Tī老父所定tio̍h ê日子chìn前，tio̍h受监 护 人kah管 家ê监 督。3咱mā亲 像án-ne，tī灵 性未 成 年以 前，受宇宙ê灵支 配做奴隶。4 M̄-koh时机若到，上 主差家己ê Kiáⁿ，hō͘他tùi妇人 人来 出 世，tī律 法ê管 辖之下成 长。5为tio̍h救 赎律 法之下ê人，thang hō͘咱成 做上 主ê kiáⁿ儿。6因为lín是上 主ê kiáⁿ儿，上 主有他ê-Kiáⁿ ê圣 神入lín ê心，hō͘ lín大 声hoah：「阿爸，天父ah。」7 Án-ne，你to̍h无koh做 奴仆，是做kiáⁿ儿；既然做kiáⁿ儿，上 主就hō͘你做继 承 人。
保罗关 怀加 拉 太 人
8以 前lín m̄-bat上 主ê时，hō͘ hiah-ê本 质m̄是神ê神 明当做奴隶支 配。9 M̄-koh chit-má lín已经bat上 主，khah好tio̍h讲 是hō͘上 主所bat，ná会倒tńg去ǹg hiah-ê软chiáⁿ koh无路用ê宇宙之 灵，koh再做in ê奴隶是无？10 Lín致意守特 别ê日、月、节kah年。11我替lín担 心，恐 惊我以 前tī lín中 间ê劳苦工 作，会 变 成无chhái工。12兄弟 姊 妹ah，我 已经有kā lín认 同，恳 求lín mā tio̍h kā我认 同，lín lóng m̄-bat刻 亏我。13 Lín会记得我头 一pái去lín hia传 福 音，是因为我ê身 躯有病。14 Hit时，虽 然我ê健 康成 做lín ê负 担，lín无kā我看 轻，mā无kā我拒 绝，lín颠倒接 待我亲 像teh接 待上 主ê天使，mā亲 像teh接 待基督耶稣。15 Lín当 时ê欢 喜kah满 足，taⁿ走 去tó位？我敢讲，lín hit当 时若tio̍h kā目 睭挖出 来hō͘我mā甘 愿。16 Taⁿ我对lín照 实讲，我chit-má soah成 做lín ê对敌是无？17其他hiah-ê人对lín热 情m̄是出tī好意，是ài beh隔 断lín kah我ê关 系，thang hō͘ lín kah in亲热。18善 事m̄是kan-taⁿ我kah lín做伙ê时tio̍h做，tio̍h不时热 心去 做。19我ê细kiáⁿ ah，我为tio̍h beh hō͘基督ê本 性入tī lín ê心，我koh一pái经 过生 产ê艰 苦。20我真ài chit-chūn就 去lín hia，thang用无 仝 款ê口 气kah lín讲 话，我实 在m̄知tio̍h án怎来对 待lín。
夏甲Kah撒拉ê例
21 Lín chiah-ê ài受律 法管 辖ê人，tio̍h kā我 讲，lín kám无beh听律 法ê册án怎写？22因为律 法ê册有记载讲：「亚伯 拉罕有两个kiáⁿ，一个是女婢 女婢生ê，一个是自由ê cha-bó͘人 生.ê。23 M̄-koh hit-ê tùi女婢 女婢生.ê是 照属 世来生，hit-ê tùi自由ê cha-bó͘人 生.ê是tùi上 主ê应允来生。24这是一 种ê譬喻：hit两个cha-bó͘人是代 表两 种契 约，一个是夏甲，代 表西奈 山ê约，所生ê kiáⁿ做奴隶。25夏甲是指阿拉伯ê西奈 山，是teh指现 今ê耶路撒冷 城，因为伊kah伊ê kiáⁿ孙lóng做奴隶。26 M̄-koh tī天 顶ê耶路撒 冷是自由.ê，是咱ê老母。27因为圣 经有记载：Bē怀孕，bē生kiáⁿ ê cha-bó͘人，tio̍h欢 喜，M̄-bat经 过生 产痛 苦ê cha-bó͘人ah，tio̍h大 声欢 喜唱 歌，因为独 身ê cha-bó͘人，比有丈 夫ê khah-chē kiáⁿ儿。(注：赛54：1) 28兄弟 姊 妹ah，lín亲 像以撒，是上 主应允ê kiáⁿ儿。29当 时照属 世来生.ê迫 害tùi上 主ê圣 神所生.ê，chit-má mā是án-ne。30 M̄-koh圣 经án怎讲？圣 经讲：「Tio̍h kā女婢 女婢kah伊ê kiáⁿ赶 出 去，因为女婢 女婢ê kiáⁿ绝 对bē-tàng kah自由ê人ê kiáⁿ，同 齐继 承产 业。」31兄弟 姊 妹ah，án-ne咱m̄是女婢 女婢ê kiáⁿ，咱是自由ê cha-bó͘人ê kiáⁿ。
|
|
|
转寄