巴克礼普世版(试读本) 加拉太书第二章
保罗Kah其他ê使徒
1十 四年后,我kah巴拿巴koh上 耶路撒 冷,mā chhōa提多做伙去。2我是得tio̍h上 主ê启示chiah上 去,我对hiah-ê有 名 望ê人,私下说 明我tī外 邦所 传ê福 音,免 得我chit-má á是以 前所做ê tāi-chì,变 成无chhái工。3 Kah我做伙去ê提多,虽 然是希 腊 人,mā无hō͘人勉 强伊接 受 割礼。4有一kóa假信徒偷 偷á nǹg入来咱 中 间,来偷 看咱tùi基督耶稣所 得tio̍h ê自由,想beh hō͘咱成做奴隶。5为tio̍h beh hō͘ lín ē-tàng保 存福 音ê真理,阮一丝á都无对in让步。6 M̄-koh hiah-ê有 名 望ê人,无论in有甚 么地位,对我lóng无khah-choa̍h,因为上 主无用 外 貌来 判 断人;hiah-ê有 名 望ê人,对我并 无有甚 么指示。7 In颠倒了 解主有交 托我,去传 福 音hō͘无受割礼ê人;Tú亲 像他交 托彼得,去传 福 音hō͘有受割礼ê人。8因为上 主有授 权hō͘彼得成 做受割礼ê人ê使徒,mā有授 权hō͘我成 做外 邦 人ê使徒。9雅 各、彼得kah约 翰chiah-ê hō͘人看做 教 会柱 石ê人,知 影上 主有特 别ê使 命交带我,chiāh kah我hâm巴拿巴握 手,表示大家lóng是同 工。In koh同意hō͘阮去外 邦 人中 间工 作,in留tī犹 太 人中 间工 作。10 In kan-taⁿ ài阮数 念sàn-chhiah ê犹 太 人,这mā是我一直努力teh做.ê。
保罗Tī安提阿责 备彼得
11彼得来到安提阿ê时,因为伊有 显 明ê错 误,我chiah当面kā伊责 备。12因为有一kóa tùi雅 各hia来ê人iáu未 到ê时,彼得有kah外 邦 人做伙食 饭。Hiah-ê人到位了 后,伊soah闪 避外 邦 人信徒,m̄敢koh kah in做伙食 饭,因为伊惊hiah-ê主 张外 邦 人tio̍h受割礼ê人。13其他ê犹 太 人信徒mā kah彼得仝 款,做hit款虚假ê tāi-chì,甚 至连巴拿巴mā受影 响,去 做hit款无 原 则ê tāi-chì。14我一下看tio̍h in无 照福 音ê真理teh行,就tī群 众ê面 前kā彼得讲:「你是犹 太 人,做 人既然亲 像外 邦 人,无亲 像犹 太 人,án怎teh勉 强外 邦 人学犹 太 人生 活?
犹 太 人Kah外 邦 人Lóng Tùi信来得救
15咱本 身出 世做犹 太 人,m̄是人所 讲ê「外 邦罪 人」。16 M̄-koh咱 知,人ē-tàng kah上 主有和好ê关 系,是通 过信耶稣基督,m̄是靠遵 守摩西ê律 法;咱家己mā信 靠基督耶稣,来kah上 主建 立和好ê关 系,m̄是靠遵守律 法,因为无 人ē-tàng óa靠遵守律 法,来kah上 主有和好ê关 系。17咱若想beh tùi óa靠基督来kah上 主有和好ê关 系,iáu-koh hō͘人看 做kah外 邦 人相siâng是罪 人,án-ne基督是罪 恶ê差 用是无?绝 对m̄是!18我若koh起 造我前所拆 毁.ê,就证 明我是违背律 法ê人。19因为照 律 法来 讲,我 已经死tī律 法下面,这是beh hō͘我ǹg上 主来活,我 已经kah基督同 齐hō͘人钉十字架。20 Án-ne我chit-má teh活.ê m̄是原 来ê我,是基督tiàm-tī我内面teh活;我chit-má teh活,是靠信上 主ê Kiáⁿ teh活;基督疼我,为tio̍h我放sak性 命。21我无拒 绝上 主ê恩 典,因为tùi律 法若ē-tàng kah上 主有和好ê关 系,án-ne基督kám m̄是白 白替咱死?