巴克礼普世版(试读本) 哥林多后书第十二章
异 象Kah启示
1虽 然无利益,我一定tio̍h夸 口,我beh讲 起主hō͘我ê异 象kah启示。2我 知有一个基督徒,十 四年 前hō͘主带 到第三 层天,我m̄知伊ê身 躯有上 去,á是kan-taⁿ看 见异 象,只有上 主知。3我koh讲一pái,chit-ê人hông chhōa去 到乐 园,伊是身 躯受 接上 去,á是kan-taⁿ看 见异 象,我m̄知,只有上 主知。4 Tī乐 园,伊听tio̍h bē得thang讲ê话,就是人所m̄-thang讲ê tāi-chì。5我beh为tio̍h chit-ê人来 夸 口,m̄-koh我ê软 弱以外,我bē为tio̍h家己夸 口。6其实我若beh夸 口,mā无算是khong-khám,因为我beh讲ê是事实,m̄-koh我家己约 束,chiah免hō͘人对我ê批 评,超 过伊所 看tio̍h kah所听tio̍h-.ê。7为tio̍h beh hō͘我bē因为得tio̍h真chē特 别ê启示,来过 头骄 傲,tī我ê身 躯有一支刺,亲 像撒旦ê使者来kā我phah,免 得我过 头骄 傲。8为tio̍h chit项tāi-chì,我bat三pái恳 求主,hō͘ hit支刺离开我。9上 主应 讲:「我ê恩 典够 额你用,因为你软 弱ê时,我ê气 力ē-tàng完 全发 挥。」所以我真 欢 喜,khah ài夸 口我chiah-ê软 弱,hō͘基督ê气 力tiàm tī我ê身 上。10为tio̍h基督ê缘故,我欢 喜忍 受软 弱、侮 辱、迫 害、困 苦,因为我软 弱ê时,颠倒有气 力。
保罗关 心哥林多 教 会
11 我一直成 做戆 人,是lín kā我逼.ê,因为我应 该hō͘ lín o-ló chiah tio̍h。我虽 然无 甚 么了 不起,实 在mā无khah输hiah-ê特 别ê「使徒」。12我tī lín中 间,有用种 种ê忍 耐来行 神 迹、奇事kah权 能,证 明我是使徒。13除了我无 麻 烦lín帮 助我以外,我对 待lín有tó一 项比其他ê教 会khah无 够 额?请lín原 谅我chiah-ni̍h「无公 道」。14 Taⁿ我第三pái准 备beh去lín hia,我bē成 做lín ê负 担,我对lín无 甚 么要求。我所 意爱ê是lín,m̄是lín ê金 钱。其实kiáⁿ儿无应 该为tio̍h父母积 聚,应 该是父母kā kiáⁿ儿积 聚财 物。15我真 欢 喜付 出一 切来 帮 助lín,甚 至付 出我家己ê性 命。Kám 讲我jú疼lín,得tio̍h lín ê疼jú少?16 Án-ne lín tio̍h承 认我m̄-bat kā lín拖 累,m̄-koh有人讲我奇 巧,用诡 谲ê步数来kā lín陷 害。17我kám有派啥 人去kā lín phiⁿ?18我有劝提多去lín hia,mā差 派一个兄弟kah伊做伙去。提多kám bat kā lín phiⁿ?阮kám m̄是仝 一个心神teh做?仝 一个脚 步teh行?19 Lín一直想 讲阮对lín teh为家己辩 解,其实m̄是!阮tī上 主ê面 前讲基督ài阮 讲ê话。亲 爱ê兄弟 姊 妹ah,阮所做ê一 切lóng是,为tio̍h beh kā lín造 就。20我恐 惊去lín hia ê时,kiám-chhái看 见lín kah我所期待ê无 仝 款,lín看 见我kah lín所期待ê mā无 仝 款。恐 惊lín有纷 争、怨妒、受气、结 党、毁 谤、讲胛 脊 后话、膨 风、纷 乱。21 Mā恐 惊我后 遍koh去lín hia ê时,我ê上 主hō͘我tī lín ê面 前见 笑,我会为tio̍h真chē人啼 哭,因为in对以 前所 犯ê罪、污秽、奸 淫kah放 荡,到taⁿ Iáu未悔 改。