《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 哥林多后书第十章

作者 巴克礼普世版小组 2015.06.28

保罗(pó-lô)为家己(ūi ka-kī)ê传 教(thoân-kàu)辩 护(piān-hō͘)
1人(lâng)讲(kóng)我(góa)kah lín做(chò)伙(hóe)ê时(sî)真 客 气(chin kheh-khì)，kah lín相离(sio-lī)ê时(sî)就(chiū)真 严 格(chin giâm-keh)，m̄-koh我(góa)chit-ê保罗(pó-lô)，用(ēng)基督(ki-tok)ê温柔(un-jiû)kah仁 慈(jîn-chû)kā lín苦 劝(khó͘-khǹg)。2我 去(góa khì)lín hia ê时(sî)，m̄-thang逼(pek)我对(góa tùi)lín无 客 气(bô kheh-khì)；对(tùi)hiah-ê批 评(phoe-phêng)阮(goán)用(ēng)属 世(sio̍k-sè)ê动机(tōng-ki)teh做(chò)tāi-chì ê人(lâng)，我(góa)一定会(it-tēng ē)对(tùi)in无 客 气(bô kheh-khì)。3无(bô)m̄-tio̍h，阮(goán)tòa tī chit世间(sè-kan)teh生 活(seng-oa̍h)，m̄-koh并 无(pēng-bô)照(chiàu)属 世(sio̍k-sè)ê动机(tōng-ki)teh奋 斗(hùn-tàu)。4阮(goán)奋 斗(hùn-tàu)用(ēng)ê器具(khì-kū)m̄是(sī)属 世(sio̍k-sè)，是用(sī ēng)上 主(siōng-chú)有气 力(ū khùi-la̍t)ê武器(bú-khì)，连(liân)坚 固(kian-kò͘)ê城堡(siâⁿ-pó)都(to)ē-tàng攻 破(kong-phòa)。阮(goán)beh推 翻(thui-hoan)hiah-ê谬 论(biū-lūn)，5 kā阻 挡(chó͘-tòng)人(lâng)认(jīn)bat上 主(siōng-chú)ê一 切(it-chhè)骄 傲(kiau-ngō͘)lóng消 灭(siau-bia̍t)，koh改 变(kái-piàn)每(múi)一个 人(chi̍t-ê lâng)ê心思意念(sim-su ì-liām)，hō͘伊(i)完 全(oân-choân)顺 服(sūn-ho̍k)基督(ki-tok)。6 Lín完 全(oân-choân)顺 服(sūn-ho̍k)了 后(liáu-āu)，阮(goán)就(chiū)beh来(lâi)处 罚(chhù-hoa̍t)hiah-ê m̄顺 服(sūn-ho̍k)ê人(lâng)。7 Lín kan-taⁿ teh看(khòaⁿ)眼 前(gán-chêng)ê事(sū)，若有人(nā ū lâng)认(jīn)为家己(ūi ka-kī)是(sī)属 基督(sio̍k ki-tok)，伊(i)tio̍h koh想 看(siūⁿ khòaⁿ)māi，伊(i)属 基督(sio̍k ki-tok)，阮(goán)mā是(sī)属 基督(sio̍k ki-tok)。8主(chú)所赏赐(só͘ siúⁿ-sù)阮(goán)ê权 柄(koân-pèng)，是(sī)beh kā lín造 就(chō-chiū)，m̄是(sī)beh kā lín毁 坏(húi-hoāi)；我对(góa tùi)chit-ê权 柄(koân-pèng)若有(nā ū)khah过 头(kòe-thâu)夸 口(khoa-kháu)，我(góa)mā bē感 觉(kám-kak)见 笑(kiàn-siàu)。9我无(góa bô)ài hō͘ lín想 讲(siūⁿ-kóng)，我(góa)用(ēng)phoe teh kā lín恐 吓(khióng-hat)。10因为(in-ūi)有人(ū lâng)讲(kóng)：保罗(pó-lô)ê phoe严 格(giâm-keh)koh强 硬(kiông-ngē)，m̄-koh面 对面(bīn-tùi-bīn)做(chò)伙(hóe)ê时(sî)却(khiok)真 温柔(chin un-jiû)，讲 话(kóng-ōe)mā无(bô)真 特 别(chin te̍k-pia̍t)。11讲(kóng)chit款(khoán)话(ōe)ê人(lâng)tio̍h知(chai)，阮(goán)无(bô)tī lín hia ê时(sî)，phoe是(sī)án怎(chóaⁿ)写(siá)，阮(goán)到(kàu)lín hia ê时(sî)mā会(ē)án-ne做(chò)。12阮(goán)m̄敢(káⁿ)kah hiah-ê展 风 神(tián hong-sîn)ê人(lâng)比 并(pí-phēng)，m̄-koh in用家己(ēng ka-kī)批 评(phoe-phêng)家己(ka-kī)，mā用家己(ēng ka-kī)比 并(pí-phēng)家己(ka-kī)，实 在(si̍t-chāi)无智慧(bô tì-hūi)。13 M̄-koh阮(goán)无(bô)beh过 份(kòe-hūn)夸 口(khoa-kháu)，kan-taⁿ照(chiàu)上 主(siōng-chú)hō͘阮(goán)限 定(hān-tiāⁿ)ê范 围(hoān-ûi)，chit-ê范 围(hoān-ûi)包 含(pau-hâm)阮(goán)tī lín中 间(tiong-kan)ê工 作(kang-chok)。14 Lín既然(kì-jiân)tī范 围内(hoān-ûi lāi)，阮(goán)顶(téng)pái去(khì)lín hia传(thoân)基督(ki-tok)ê福 音(hok-im)并 无(pēng-bô)超 过(chhiau-kòe)范 围(hoān-ûi)。15阮(goán)无用(bô ēng)别 人(pa̍t-lâng)劳苦(lô-khó͘)完 成(oân-sêng)ê tāi-chì，当 做(tòng-chò)家己(ka-kī)ê成 绩(sêng-chek)来 夸 口(lâi khoa-kháu)；阮(goán)颠倒(tian-tò)ǹg望(bāng)lín ê信 心(sìn-sim)ná增 长(cheng-tióng)，阮(goán)tī lín中 间(tiong-kan)工 作(kang-chok)ê范 围(hoān-ûi)会(ē)ná开 阔(khui-khòa)。16 Án-ne阮(goán)chiah thang将(chiong)福 音(hok-im)传(thoân)去(khì)lín以外(í-gōa)ê地区(tē-khu)，无用(bô ēng)别 人(pa̍t-lâng)范 围内(hoān-ûi lāi)已经(í-keng)完 成(oân-sêng)ê tāi-chì来 夸 口(lâi khoa-kháu)。17圣 经(sèng-keng)有记载(ū kì-chài)：Beh夸 口(khoa-kháu)ê人(lâng)，tio̍h用(ēng)主(chú)ê作 为(chok-ûi)来 夸 口(lâi khoa-kháu)。(注(chù)：耶9：24) 18因为(in-ūi)真 正(chin-chiàⁿ)值得(ta̍t-tit)o-ló.ê，是(sī)主(chú)所(só͘)o-ló ê人(lâng)，m̄是(sī)自 夸(chū-khoa)ê人(lâng)。