《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 哥林多后书第七章

作者 巴克礼普世版小组 2015.06.07

1亲 爱(chhin-ài)ê兄弟 姊 妹(hiaⁿ-tī chí-mōe)ah，咱(lán)既然(kì-jiân)得(tit)tio̍h chiah-ê应允(èng-ún)，tio̍h清 气(chheng-khì)家己(ka-kī)，除去(tû-khì)一 切(it-chhè)肉 体(jio̍k-thé)kah心 灵(sim-lêng)ê lah-sap，敬 畏(kèng-ùi)上 主(siōng-chú)来(lâi)hō͘生 活(seng-oa̍h)完 全(oân-choân)圣 化(sèng-hòa)。

保罗(pó-lô)ê欢 喜(hoaⁿ-hí)
2 Tio̍h开 阔(khui-khòa)lín ê心 胸(sim-heng)来 接 纳(lâi chiap-la̍p)阮(goán)，阮(goán)m̄-bat刻 亏(khek-khui)人(lâng)，m̄-bat害 人(hāi lâng)堕落(tūi-lo̍h)，m̄-bat phiⁿ人(lâng)。3我 讲(góa kóng)án-ne m̄是(sī)beh kā lín责 备(chek-pī)，因为(in-ūi)我(góa)bat讲(kóng)阮(goán)真(chin)疼(thiàⁿ)lín，愿意(goān-ì)kah lín同死 同 活( tâng-sí tâng-oa̍h)。4我(góa)真(chin)信 任(sìn-jīm)lín，不时(put-sî)用(ēng)lín做(chò)夸 口(khoa-kháu); tī阮(goán)一 切(it-chhè)ê患 难 中(hoān-lān tiong)，我(góa)满 心(móa-sim)欢 喜(hoaⁿ-hí)koh充 满(chhiong-móa)安慰(an-ùi)。5阮(goán)来到(lâi-kàu)马其顿(má-kî-tùn)以后(í-āu)，身 躯(seng-khu)m̄-nā lóng无(bô)thang歇 困(hioh-khùn)，反(hoán)tńg ta̍k项(hāng)tāi-chì tú-tio̍h困 难(khùn-lân)，外 面(gōa-bīn)有(ū)纷 争(hun-cheng)，内面(lāi-bīn)有惊 惶(ū kiaⁿ-hiâⁿ)。6 M̄-koh Hit位(ūi)安慰(an-ùi)失志(sit-chì)ê人(lâng)ê上 主(siōng-chú)，差(chhe)提多(thê-to)来(lâi)kā阮(goán)安慰(an-ùi)。7 M̄-nā伊(i)有来(ū lâi)，mā有(ū)讲 起(kóng-khí)lín án怎(chóaⁿ)kā伊(i)鼓励(kó͘-lē)ê tāi-chì，以及(í-ki̍p)lín án怎(chóaⁿ)渴 望(khat-bōng)见(kìⁿ)我(góa)，lín án怎(chóaⁿ)哀 伤(ai-siong)，lín án怎(chóaⁿ)热 心(jia̍t-sim)为我(ūi góa)辩 护(piān-hō͘)，hō͘我(góa)koh-khah欢 喜(hoaⁿ-hí)。8我(góa)前(chêng)hit张(tiuⁿ)phoe虽 然(sui-jiân)有(ū)hō͘ lín艰 苦 心(kan-khó͘-sim)，我(góa)并(pēng)无后 悔(bô hiō-hóe)：taⁿ我有(góa ū)小(sió)khóa后 悔(hiō-hóe)，因为(in-ūi)我(góa)知 影(chai-iáⁿ)hit张(tiuⁿ)phoe有(ū)hō͘ lín一时(chi̍t-sî)ê艰 苦 心(kan-khó͘-sim)。9 Taⁿ我(góa)真 欢 喜(chin hoaⁿ-hí)，m̄是因为(sī in-ūi)lín艰 苦 心(kan-khó͘-sim)，是因为(sī in-ūi)lín ê艰 苦 心(kan-khó͘-sim)有(ū)hō͘ lín悔 改(hóe-kái)；上 主(siōng-chú)有(ū)善 用(siān-iōng)lín ê艰 苦 心(kan-khó͘-sim)，所以(só͘-í)阮(goán)无(bô)hō͘ lín受(siū)tio̍h伤 害(siong-hāi)。10因为(in-ūi)上 主(siōng-chú)善 用(siān-iōng)lín ê艰 苦 心(kan-khó͘-sim)，来(lâi)hō͘ lín悔 改(hóe-kái)thang得救(tit-kiù)，我(góa)无 甚 么(bô sím-mi̍h)thang后 悔(hiō-hóe)，m̄-koh属 世间(sio̍k sè-kan)ê艰 苦 心(kan-khó͘-sim)会(ē)hō͘人(lâng)致到(tì-kàu)死 亡(sí-bông)。11 Lín看(khòaⁿ)，上 主(siōng-chú)hiah-ni̍h gâu善 用(siān-iōng)lín ê艰 苦 心(kan-khó͘-sim)，chiah hō͘ lín hiah-ni̍h热 心(jia̍t-sim)来辩 解(lâi piān-kái)lín家己(ka-kī)ê清 白(chheng-pe̍k)，hiah-ni̍h愤 慨(hùn-khài)，hiah-ni̍h警 醒(kéng-séng)，hiah-ni̍h渴 望(khat-bōng)，hiah-ni̍h热 情(jia̍t-chêng)，hiah-ni̍h剧 烈(ke̍k-lia̍t)谴 责(khián-chek)不 法(put-hoat); lín tī chiah-ê tāi-chì顶 面(téng-bīn)，已经(í-keng)证 明(chèng-bêng)lín家己(ka-kī)是(sī)清 气(chheng-khì)。12所以(só͘-í)我(góa)虽 然(sui-jiân)有写(ū siá)hit张(tiuⁿ)phoe hō͘ lín，m̄-koh m̄是(sī)为(ūi)tio̍h kā人(lâng)刻 亏(khek-khui)，á是(sī)hō͘人(lâng)刻 亏(khek-khui)ê人(lâng)写(siá)ê，是(sī)beh hō͘ lín tī上 主(siōng-chú)ê面 前(bīn-chêng)，明 白(bêng-pe̍k)阮(goán)对(tùi)lín ê热 诚(jia̍t-sêng)有(ū)jōa深(chhim)。13阮有(goán ū)因为(in-ūi)án-ne得(tit)tio̍h安慰(an-ùi)。 阮(goán)m̄-nā得(tit)tio̍h安慰(an-ùi)，mā因为(in-ūi)看(khòaⁿ)tio̍h提多(thê-to)ê欢 喜(hoaⁿ-hí)，hō͘阮(goán)koh-khah充 满(chhiong-móa)欢 喜(hoaⁿ-hí)，因为(in-ūi)伊(i)ê心(sim)有(ū)tùi lín大家(tāi-ke)来得(lâi tit)tio̍h欢 喜(hoaⁿ-hí)。14我(góa)bat对伊(tùi i)夸 口(khoa-kháu)lín ê tāi-chì，lín实 在(si̍t-chāi)无(bô)hō͘我(góa)漏 气(làu-khùi)；我(góa)ta̍k项(hāng)tāi-chì lóng对(tùi)lín讲(kóng)实 在话(si̍t-chāi-ōe)，我对(góa tùi)提多(thê-to)夸 口(khoa-kháu)lín ê话(ōe)mā是真实(sī chin-si̍t)。15所以(só͘-í)伊(i)若(nā)想 起(siūⁿ-khí)lín lóng án怎(chóaⁿ)顺 服(sūn-ho̍k)伊(i)，koh恭 恭 敬 敬(kiong-kiong kèng-kèng)kā伊(i)接 待(chiap-thāi)，伊对(i tùi)lín ê疼 心(thiàⁿ-sim)就(chiū)ná深(chhim)。16 Taⁿ我(góa)非 常(hui-siông)欢 喜(hoaⁿ-hí)，因为(in-ūi)我(góa)ē-tàng完 全(oân-choân)信 任(sìn-jīm)lín！