《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 哥林多后书第八章

作者 巴克礼普世版小组 2015.06.14

基督徒(ki-tok-tô͘)ê奉 献(hōng-hiàn)
1兄弟 姊 妹(hiaⁿ-tī chí-mōe)ah，我(góa)ài lín知(chai)上 主(siōng-chú)赐(sù)hō͘马其顿(má-kî-tùn)各(kok)教 会(kàu-hōe)ê恩惠(in-hūi)。2 In tùi患 难(hoān-lān)经 历(keng-le̍k)真(chin)chē考 验(khó-giām)，iáu-koh满 心(móa-sim)欢 喜(hoaⁿ-hí)；in虽 然(sui-jiân)真(chin)sàn-chhiah，iáu-koh非 常(hui-siông)khong-khài奉 献(hōng-hiàn)。3我(góa)ē-tàng kā lín证 明(chèng-bêng)，in甘 愿(kam-goān)尽 力(chīn-la̍t)奉 献(hōng-hiàn)，甚 至(sīm-chì)超 过(chhiau-kòe)in ê力 量(le̍k-liōng)。4 In热 心(jia̍t-sim)恳 求(khún-kiû)阮(goán)tio̍h hō͘ in有机会(ū ki-hōe)，参 与(chham-ú)救 济(kiù-chè)犹太(iû-thài)信徒(sìn-tô͘)ê工 作(kang-chok)。5 In án-ne做(chò)m̄-nā超 过(chhiau-kòe)阮(goán)ê期待(kî-thāi)，甚 至(sīm-chì)顺 服(sūn-ho̍k)上 主(siōng-chú)ê旨意(chí-ì)，tāi先(seng)将(chiong)家己(ka-kī)献(hiàn)hō͘主(chú)，然 后(jiân-āu)koh献(hiàn)hō͘阮(goán)。6所以(só͘-í)阮(goán)劝(khǹg)提多(thê-to)继 续(kè-sio̍k)协 助(hia̍p-chō͘)lín，来 完 成(lâi oân-sêng)伊(i)提 倡(thê-chhiòng)ê慈 善(chû-siān)工 作(kang-chok)。7 Lín ê信 心(sìn-sim)、口 才(kháu-châi)、智识(tì-sek)，帮 助(pang-chō͘)人(lâng)ê热 心(jia̍t-sim)，以及(í-ki̍p)lín对 阮(tùi goán)ê疼 心(thiàⁿ-sim)lóng hiah-ni̍h丰 富(hong-hù)。阮(goán)ài lín tùi chit-ê慈 善(chû-siān)工 作(kang-chok)mā tio̍h hiah-ni̍h慷 慨(khóng-khài)。8我(góa)án-ne讲(kóng)m̄是(sī)teh命 令(bēng-lēng)lín，是(sī)ài lín知(chai)，别 人(pa̍t-lâng)热 心(jia̍t-sim)teh帮 助(pang-chō͘)人(lâng)，来 考 验(lâi khó-giām)lín ê疼 心(thiàⁿ-sim)是(sī)m̄是(sī)实 在(si̍t-chāi)。9 Lín知(chai)咱(lán)ê主(chú)耶稣基督(iâ-so͘ ki-tok)ê恩 典(un-tián)，他(i)虽 然(sui-jiân)本 来(pún-lâi)真(chin)富裕(hù-jū)，m̄-koh为(ūi)tio̍h lín成 做(chiâⁿ-chò)sàn-chhiah，是(sī)beh hō͘ lín tùi他(i)ê sàn-chhiah来 成 做(lâi chiâⁿ-chò)富裕(hù-jū)。10关 系(koan-hē)chit项(hāng)tāi-chì，我(góa)建 议(kiàn-gī)lín tio̍h去(khì)完 成(oân-sêng)旧年(kū-nî)开始(khai-sí)ê募 款(bō͘-khoán)，lín m̄-nā tāi先(seng)行 动(hêng-tōng)，mā是(sī)tāi先(seng)甘 愿(kam-goān)án-ne做(chò)。11 Taⁿ lín tio̍h完 成(oân-sêng)chit-ê工 作(kang-chok)，用(ēng)起 头(khí-thâu)ê热 心(jia̍t-sim)，尽 力(chīn-la̍t)来(lâi)kā它(i)完 成(oân-sêng)。12 Lín若有(nā ū)奉 献(hōng-hiàn)ê热 心(jia̍t-sim)，上 主(siōng-chú)会(ē)欢 喜(hoaⁿ-hí)接 纳(chiap-la̍p)lín所有(só͘ ū)ê，bē要求(iau-kiû)lín所无(só͘ bô)ê。13我(góa)m̄是(sī)ài lín俭 肠(khiām-tn̂g)neh肚(tō͘)来(lâi)hō͘别 人(pa̍t-lâng)khah liōng-siōng，是(sī)ài lín有机会(ū ki-hōe)互 相(hō͘-siōng)帮 助(pang-chō͘)。14既然(kì-jiân)lín chit-má富裕(hù-jū)，tio̍h赈 济(chín-chè)sàn-chhiah人(lâng)，án-ne lín sàn-chhiah in富裕(hù-jū)ê时(sî)，mā thang kā lín赈 济(chín-chè)，án-ne双 方(siang-hong)lóng有机会(ū ki-hōe)互 相(hō͘-siōng)帮 助(pang-chō͘)。15 Tú照(chiàu)圣 经(sèng-keng)所记载(só͘ kì-chài)：拾(khioh)chē ê无(bô)chhun，拾(khioh)少(chió)ê无(bô)欠(khiàm)。( 注(chù)：出(chhut)16：18)

提多(thê-to)Kah伊(i)ê同 工(tâng-kang)
16感 谢(kám-siā)上 主(siōng-chú)hō͘提多(thê-to)ê心(sim)，亲 像(chhin-chhiūⁿ)阮(goán)hiah-ni̍h热 心(jia̍t-sim)帮 助(pang-chō͘)lín。17伊(i)m̄-nā欢 喜(hoaⁿ-hí)接 受(chiap-siū)阮(goán)ê恳 求(khún-kiû)，koh热 心(jia̍t-sim)自 愿(chū-goān)帮 助(pang-chō͘)lín，决 定(koat-tēng)beh去(khì)lín hia。18阮(goán)另 外(lēng-gōa)差 派(chhe-phài)一个(chi̍t-ê)兄弟(hiaⁿ-tī)kah伊(i)做(chò)伙(hóe)去(khì)，chit-ê兄弟(hiaⁿ-tī)tī传 福 音(thoân hok-im)ê工 作 上(kang-chok siōng)，有受(ū siū)各(kok)教 会(kàu-hōe)ê o-ló。19 M̄-nā án-ne，伊(i)受(siū)众 教 会(chèng kàu-hōe)选(soán)派 来(phài-lâi)做(chò)阮(goán)旅行(lí-hêng)ê同 伴(tâng-phōaⁿ)，参 与(chham-ú)阮(goán)chit项(hāng)慈 善(chû-siān)工 作(kang-chok)；chit-ê工 作(kang-chok)是(sī)beh归 荣 光(kui êng-kng)hō͘主(chú)，mā表示(piáu-sī)阮(goán)欢 喜(hoaⁿ-hí)甘 愿(kam-goān)án-ne做(chò)。20阮(goán)真(chin)谨慎(kín-sīn)来(lâi)处 理(chhú-lí)人(lâng)慷 慨(khóng-khài)奉 献(hōng-hiàn)ê钱 项(chîⁿ-hāng)，chiah免(bián)引起(ín-khí)人(lâng)ê批 评(phoe-phêng)。21因为(in-ūi)阮(goán)光 明 正 大(kong-bêng chèng-tāi)teh做 善 事(chò siān-sū)，m̄-nā tī主(chú)ê面 前(bīn-chêng)，tī人(lâng)ê面 前(bīn-chêng)mā是(sī)án-ne。22所以(só͘-í)阮(goán)koh差 派(chhe-phài)一个(chi̍t-ê)兄弟(hiaⁿ-tī)kah in做(chò)伙(hóe)去(khì)，chit-ê兄弟(hiaⁿ-tī)经 过(keng-kòe)阮(goán)真(chin)chē考 验(khó-giām)，阮 知(goán chai)伊(i)热 心(jia̍t-sim)帮 助(pang-chō͘)人(lâng)。Taⁿ伊(i)非 常(hui-siông)信 任(sìn-jīm)lín，就(chiū)koh-khah渴 望(khat-bōng)去(khì)帮 助(pang-chō͘)lín。23讲 到(kóng-kàu)提多(thê-to)，伊是(i sī)我(góa)ê同 伴(tâng-phōaⁿ)，做(chò)我(góa)ê同 工(tâng-kang)来 帮 助(lâi pang-chō͘)lín。Kah伊(i)做(chò)伙(hóe)去(khì)hiah-ê兄弟(hiaⁿ-tī)是(sī)各(kok)教 会(kàu-hōe)差 派(chhe-phài).ê，是基督(sī ki-tok)ê荣 光(êng-kng)。24所以(só͘-í)lín tio̍h tī教 会(kàu-hōe)公 开(kong-khai)证 实(chèng-si̍t)lín对(tùi)in ê疼 心(thiàⁿ-sim)，mā tio̍h证 实(chèng-si̍t)阮(goán)对(tùi)lín ê夸 口(khoa-kháu)。