巴克礼普世版(试读本) 哥林多后书第六章
1阮kah主同 工mā kā lín苦 劝,m̄-thang hō͘ lín tùi上 主领受ê恩 典了 然去。2上 主讲:我欢 喜接 纳ê时有听你ê祈求,Tī拯 救ê日我有帮 助你。(注:赛49:8) Lín tio̍h听,chit chūn是受 接 纳ê时,今á日是拯 救ê日。3阮无ài人毁 谤阮ê事 奉工 作,阮lóng无做阻 碍人ê tāi-chì。4颠倒用最大ê忍 耐,一 切lóng通 过患 难、艰 难kah困 苦,来证 明阮 是上 主ê奴仆。5阮hông phah,hông关 落 监,hō͘暴民扰 乱,劳苦、无困、无 食。6阮用纯 洁、智识、宽 容、仁 慈,óa靠圣 神,用真 诚ê疼 心,7真理ê信息kah上 主ê权 能,来表 明阮 是上 主ê奴仆。阮用正 义做武器攻 击对敌,保护家己。8阮受 尊 重mā受侮 辱,得tio̍h pháiⁿ名 声mā得tio̍h好名 声;阮hō͘人看 做ná pián-sian-á,其实阮lóng讲诚 实话。9 Kah-ná无 人bat阮,其实人 人lóng bat;hō͘人看 做kah-ná死去,其实阮iáu活teh;阮虽 然受 刑 罚,m̄-koh无hō͘人thâi死。10虽 然有烦 恼,其实常 常有喜乐;虽 然sàn-chhiah,m̄-koh hō͘真chē人好 额; kah-ná无 半 项,其实ta̍k项lóng有。11哥林多ê朋 友ah,阮ê心 胸已经phah开,开 嘴teh对lín讲 话。12阮m̄-bat对lín无 度 量,是lín家己无 度 量。13我kā lín当 做家己ê kiáⁿ teh对lín讲,tio̍h学阮ê款 式,kā lín ê心 胸放khah开 阔。
Tio̍h提 防异教ê影 响
14 M̄-thang kah无信ê人做 伴交chhap,义kah不义kám ē-tàng做伙?光 明kah乌暗kám ē-tàng互 相来往?15基督kah魔 鬼ná ē-tàng和合?信kah无信ê人有甚 么关 系?16上 主ê殿kah偶 像ná ē-tàng排做伙?咱是永 活上 主ê殿,照上 主所 讲:我beh kah我ê子 民做伙khiā起,tī in中 间行 踏。我beh做in ê上 主,in mā beh做我ê子 民。(注:利26:11-12) 17所以主讲:Lín tio̍h tùi in中 间出 去,kah in分离,M̄-thang摸无 清 气ê物,我就会kā lín接 纳。(注:赛52:11;结20:34,41) 18我beh做lín ê天父,Lín beh做我ê kiáⁿ儿。这是全 能ê主讲.ê。(注:SBN 7:14)