巴克礼普世版(试读本) 哥林多后书第五章
1阮 知,咱tī地 上teh tòa布棚ê厝若毁 坏,上 主就会hō͘咱天 顶ê厝。He m̄是人ê手起 造ê厝,是上 主起 造永 远tī天 顶ê厝。2咱chit-má tòa tī chit-ê布棚teh吐 气,渴 望thang去tòa天 顶ê厝,亲 像衫穿 落去。3若kā衫穿 落去,就bē thǹg-pak-theh。4咱iáu tòa tī chit-ê布棚teh拖 磨吐 气,m̄是ài kā地 上ê体thǹg起来,是ài tha̍h属 天ê体,thang hō͘活 命来克 服hit-ê会死ê体。5上 主hō͘咱有chit-ê改 变,他mā赐圣 神来做咱ê保 证。6所以阮不时充 满勇 气,阮 知,咱iáu是肉 体teh活ê时,就是kah主为咱准 备ê厝离开远 远。7因为咱teh活是靠信 心,m̄是靠目 睭所 看.ê。8阮充 满勇 气,khah ài离开地 上ê身 躯,去kah主做伙tòa。9所以,无论tiàm-tī地 上ê身 躯,á是离开身 躯,阮所致意ê是hō͘主欢 喜。10因为咱大家lóng tio̍h khiā tī基督ê面 前受 审 判,ta̍k人lóng tio̍h照 家己tī地 上身 躯所做ê tāi-chì,无论是好á是pháiⁿ,接 受报应。
通 过基督来Kah上 主和好
11因为阮 知tio̍h敬 畏上 主,阮就án-ne来 苦 劝人,m̄-koh上 主认bat咱kah非 常清 楚,我mā ǹg望lín会对lín ê良 心来认bat阮。12阮m̄是koh beh推 荐家己,是beh hō͘ lín为tio̍h阮有thang夸 口ê所 在,thang应答hiah-ê注 重外 貌无注 重内心来 夸 口ê人。13阮若真 正起 狂,是为tio̍h上 主ê缘故;阮精 神若正 常,是为tio̍h lín ê缘故。14因为基督ê疼催 逼阮,hō͘阮明 白:一个 人替众 人死,众 人就lóng死。15基督为tio̍h众 人死,是beh hō͘ hiah-ê活teh ê人,无koh为tio̍h家己来活,是为tio̍h替in死koh活ê基督来活。16所以tùi taⁿ以后,阮无koh照人ê标 准来bat人;阮虽 然bat照人ê标 准来bat基督,m̄-koh chit-má阮无koh án-ne做。17无论甚 么 人,若kah基督结 联,就是新 创 造ê人;旧ê tāi-chì已经过 去,taⁿ lóng变 做新.ê。18 Chiah-ê一 切lóng是上 主ê作 为,他通 过基督hō͘咱kah他koh再和好,mā将chit-ê劝人kah上 主koh再和好ê职 份交hō͘阮。19阮所 传ê福 音就是:上 主通 过基督hō͘世 间 人kah他koh再和好,无koh追究in ê罪 过,mā将他kah人koh和ê信息交 托阮。20 Án-ne阮做基督ê使者,上 主通 过阮劝lín;阮替基督kā lín恳 求,tio̍h kah上 主koh再和好。21上 主hō͘ hit-ê无 罪ê基督来担咱ê罪,是beh hō͘咱kah他结 联,来kah上 主建 立合宜ê关 系。