《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 哥林多后书第四章

作者 巴克礼普世版小组 2015.05.17

磁 瓮(hûi-àng)á内面(lāi-bīn)ê宝贝(pó-pòe)
1既然(kì-jiân)上 主(siōng-chú)怜 悯 阮(liân-bín goán)，将(chiong)chit-ê任务(jīm-bū)交 托(kau-thok)阮(goán)，阮(goán)就 无(chiū bô)koh馁志(lóe-chì)。2阮(goán)弃(khì)sak隐瞒(ún-môa)koh见 笑(kiàn-siàu)ê行 为(hêng-ûi)，无做(bô chò)欺 骗(khi-phiàn)人(lâng)ê tāi-chì，无(bô)歪 曲(oai-khiok)上 主(siōng-chú)ê道理(tō-lí)，就是(chiū-sī)tī上 主(siōng-chú)ê面 前(bīn-chêng)显 明(hián-bêng)真理(chin-lí)，来(lâi)启 发(khé-hoat)ta̍k人(lâng)ê良 心(liông-sim)。3阮(goán)所 传(só͘ thoân)ê福 音(hok-im)若有(nā ū)遮 盖(jia-khàm)无(bô)清 楚(chheng-chhó)，只有(chí-ū)teh-beh沈 沦(tîm-lûn)ê人(lâng)chiah无(bô)清 楚(chheng-chhó)。4 Chit世间(sè-kan)ê神 明(sîn-bêng)，hō͘ hiah-ê m̄信(sìn)ê人(lâng)ê心 灵(sim-lêng)chheⁿ-mê，bē-tàng看 见(khòaⁿ-kìⁿ)福 音(hok-im)ê光(kng)；chit-ê福 音(hok-im)teh见 证(kiàn-chèng)荣 光(êng-kng)ê基督(ki-tok)，基督(ki-tok)是(sī)上 主(siōng-chú)ê形 象(hêng-siōng)。5阮(goán)m̄是(sī)teh传(thoân)家己(ka-kī)，是(sī)teh传(thoân)基督耶稣(ki-tok iâ-so͘)是(sī)主(chú)，阮 家己(goán ka-kī)mā为(ūi)tio̍h耶稣(iâ-so͘)ê缘故(iân-kò͘)做(chò)lín ê奴仆(lô͘-po̍k)。6 Hit-ê命 令(bēng-lēng)光(kng)tio̍h tùi乌暗(o͘-àm)照 出来(chiò-chhut-lâi)ê上 主(siōng-chú)，就是(chiū-sī)用(ēng)光(kng)照(chiò)tī咱(lán)ê心 内(sim-lāi)，hō͘咱(lán)认(jīn)bat上 主(siōng-chú)照(chiò)tī耶稣基督(iâ-so͘ ki-tok)ê面(bīn)hit-ê荣 光(êng-kng)。7 M̄-koh阮(goán)chiah-ê有(ū)chit种(chióng)属 灵(sio̍k-lêng)宝贝(pó-pòe)ê人(lâng)，tú亲 像(chhin-chhiūⁿ)土(thô͘)造(chō)ê器具(khì-kū)，是(sī)beh表示(piáu-sī)hit-ê极 大(ke̍k-tōa)ê权 能(koân-lêng)属(sio̍k)上 主(siōng-chú)，m̄是属(sī sio̍k)阮(goán)。8阮(goán)时 常(sî-siông)tú-tio̍h患 难(hoān-lān)，m̄-koh无(bô)屈 服(khut-ho̍k)；tú-tio̍h为难(ûi-lân)，m̄-koh无(bô)失 望(sit-bōng)；9 tú-tio̍h迫 害(pek-hāi)，m̄-koh无(bô)hō͘上 主(siōng-chú)放(pàng)sak；受(siū)phah倒(tó)，m̄-koh无(bô)死 亡(sí-bông)；10阮(goán)会死(ē- sí)ê身 躯(seng-khu)常 常(siông-siông)带(tòa)耶稣(iâ-so͘)ê死(sí)，hō͘耶稣(iâ-so͘)ê活 命(oa̍h-miā)mā thang tī阮(goán)ê身 躯(seng-khu)显 明(hián-bêng)。11阮(goán)活(oa̍h)tī世间(sè-kan)，为(ūi)tio̍h耶稣(iâ-so͘)常 常(siông-siông)tú-tio̍h死(sí)ê危 险(gûi-hiám)，thang hō͘耶稣(iâ-so͘)ê活 命(oa̍h-miā)tī阮(goán)会死(ē- sí)ê身 躯(seng-khu)显 明(hián-bêng)出 来(chhut-lâi)。12 Án-ne，阮(goán)tio̍h定 定(tiāⁿ-tiāⁿ)面对(bīn-tùi)死 亡(sí-bông)，lín却(khiok)因为(in-ūi)án-ne得(tit)tio̍h活 命(oa̍h-miā)。13圣 经(sèng-keng)讲(kóng)：「我(góa)有信(ū sìn)，所以(só͘-í)我(góa)chiah讲(kóng)。」(注(chù)：诗(si)116：10[115：1 LXX])根据(kin-kì)chit款(khoán)信 仰(sìn-gióng)，阮(goán)mā信(sìn)，所以(só͘-í)chiah án-ne讲 出 来(kóng chhut-lâi)。14阮 知(goán chai)，hō͘主耶稣(chú iâ-so͘)koh活(oa̍h)ê上 主(siōng-chú)mā会(ē)hō͘阮(goán)kah耶稣(iâ-so͘)同 齐(tâng-chê)koh活(oa̍h)，koh会(ē)引(ín)chhōa阮(goán)kah lín做(chò)伙(hóe)khiā tī他(i)ê面 前(bīn-chêng)。15这(che)一 切(it-chhè)lóng是(sī)为(ūi)tio̍h lín，beh hō͘ koh-khah chē人(lâng)得(tit)tio̍h上 主(siōng-chú)ê恩 典(un-tián)，thang献(hiàn)koh-khah chē ê感 谢(kám-siā)来荣 光(lâi êng-kng)上 主(siōng-chú)。

信 仰(sìn-gióng)ê生 活(seng-oa̍h)
16所以(só͘-í)阮(goán)无(bô)馁志(lóe-chì)，虽 然(sui-jiân)阮(goán)ê肉 体(jio̍k-thé)渐 渐(chiām-chiām)teh衰 弱(soe-jio̍k)，m̄-koh阮(goán)ê内心(lāi-sim)日日(ji̍t-ji̍t)teh换新(ōaⁿ-sin)。17阮(goán)所受(só͘ siū)暂 时(chiām-sî)小(sió)khóa ê艰 苦(kan-khó͘)，是(sī)beh hō͘阮(goán)得(tit)tio̍h无(bô)thang比(pí)永 远(éng-oán)ê大 荣 光(tōa êng-kng)。18阮(goán)所重 视(só͘ tiōng-sī).ê m̄是(sī)看(khòaⁿ)会(ē)tio̍h.ê，是(sī)看(khòaⁿ)bē-tio̍h-.ê，因为(in-ūi)看(khòaⁿ)会(ē)tio̍h-.ê是(sī)暂 时(chiām-sî)，看(khòaⁿ)bē-tio̍h-.ê是(sī)永 远(éng-oán)。