《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 哥林多后书第三章

作者 巴克礼普世版小组 2015.05.10

新 盟 约(sin bêng-iok)ê奴仆(lô͘-po̍k)
1阮(goán)kám是(sī)koh teh自 夸(chū-khoa)？阮(goán)kám tio̍h kah一(chi̍t)kóa人(lâng)仝 款(kāng-khoán)，需要(su-iàu)写(siá)推 荐(chhui-chiàn)phoe hō͘ lín，á是(sī)需要(su-iàu)lín替(thè)阮 写(goán siá)推 荐(chhui-chiàn)phoe hō͘别 人(pa̍t-lâng)？2 Lín本 身(pún-sin)就是(chiū-sī)阮(goán)ê推 荐(chhui-chiàn)phoe，写(siá)tī阮(goán)ê心 内(sim-lāi)，beh hō͘众 人(chèng-lâng)知(chai)，hō͘ ta̍k人(lâng)读(tha̍k)。3 Chit张(tiuⁿ)明 明(bêng-bêng)是基督(sī ki-tok)所写(só͘ siá)，通 过(thong-kòe)阮(goán)来(lâi)送(sàng)ê phoe，m̄是用(sī ēng)墨 水(ba̍k-chúi)写(siá)tī石 板(chio̍h-pán).ê，是用(sī ēng)永 远(éng-oán)ê活 命(oa̍h-miā)上 主(siōng-chú)ê圣 神(sèng-sîn)，写(siá)tī人(lâng)ê心 内(sim-lāi)。4阮(goán)通 过(thong-kòe)基督(ki-tok)，对(tùi)上 主(siōng-chú)有(ū)chit款(khoán)ê确 信(khak-sìn)chiah án-ne讲(kóng)。5这(che)m̄是 讲(sī kóng)阮 家己(goán ka-kī)有(ū)才(châi)tiāu做(chò)chit款(khoán)tāi-chì，阮(goán)ê才(châi)tiāu是(sī)tùi上 主(siōng-chú)来(lâi).ê。6上 主(siōng-chú)hō͘阮有(goán ū)才(châi)tiāu做(chò)新(sin)ê盟 约(bêng-iok)ê奴仆(lô͘-po̍k)，m̄是用(sī ēng)文字(bûn-jī)写(siá).ê，是圣 神(sī sèng-sîn)ê约(iok)；用(ēng)文字(bûn-jī)写(siá)ê律 法(lu̍t-hoat)会(ē)带来(tòa-lâi)死 亡(sí-bông)，m̄-koh圣 神(sèng-sîn)会(ē)赏赐(siúⁿ-sù) 活 命(oa̍h-miā)。7用(ēng)文字(bûn-jī)刻(khek)tī石 板(chio̍h-pán)ê律 法(lu̍t-hoat)颁 布(pan-pò͘)ê时(sî)，上 主(siōng-chú)ê荣 光(êng-kng)有(ū)显 现(hián-hiān)。Tùi摩西(mô͘-se)ê面(bīn)反(hoán)照 出来(chiò-chhut-lâi)ê光(kng)虽 然(sui-jiân)渐 渐(chiām-chiām)消 失(siau-sit)，因为(in-ūi)hit-ê光(kng)非 常(hui-siông)强(kiông)，致使(tì-sú)以色列 人(í-sek-lia̍t-lâng)bē-tàng注 目 看(chù-ba̍k khòaⁿ)摩西(mô͘-se)ê面(bīn)。连(liân)带(tòa)hō͘人(lâng)死 亡(sí-bông)ê律 法(lu̍t-hoat)，都有(to ū)chit款(khoán)ê荣 光(êng-kng)，8 án-ne圣 神(sèng-sîn)所(só͘)发 出(hoat-chhut)ê kám bē koh-khah有(ū)荣 光(êng-kng)？9 Hit-ê kā人(lâng)定 罪(tēng-chōe)ê功 能(kong-lêng)若有(nā ū)hit款(khoán)ê荣 光(êng-kng)，kā人(lâng)宣 判(soan-phòaⁿ)无 罪(bô-chōe)ê功 能(kong-lêng)kám bē koh-khah充 满(chhiong-móa)荣 光(êng-kng)？10 Án-ne讲 起来(kóng khí-lâi)，因为(in-ūi)chit-má ê荣 光(êng-kng)比(pí)以 前(í-chêng)koh-khah大(tōa)，过 去(kòe-khì)hiah-ni̍h大(tōa)ê荣 光(êng-kng)soah消 失去(siau-sit-khì)。11 Hit-ê一时(chi̍t-sî)á久(kú).ê若有(nā ū)荣 光(êng-kng)，án-ne hit-ê久长(kú-tn̂g)存 在(chûn-chāi).ê就有(chiū-ū)koh-khah大(tōa)ê荣 光(êng-kng)。12阮有(goán ū)chit款(khoán)ê ǹg望(bāng)，chiah敢(káⁿ)好胆(hó-táⁿ)来 讲(lâi kóng)。13阮(goán)无(bô)亲 像(chhin-chhiūⁿ)摩西(mô͘-se)tio̍h用(ēng)帕(phè)罩(tà)家己(ka-kī)ê面(bīn)，hō͘以色列 人(í-sek-lia̍t-lâng)bē得(tit)thang注 目 看(chù-ba̍k khòaⁿ)tio̍h伊(i)面(bīn)ê荣 光(êng-kng)渐 渐(chiām-chiām)消 失(siau-sit)。14 M̄-koh以色列 人(í-sek-lia̍t-lâng)ê心(sim)智phah bē开(khui)，到(kàu)今(kin)á日(ji̍t)，in读(tha̍k)旧约(kū-iok)ê时(sî)，in ê心 灵(sim-lêng)iáu hō͘仝(kāng)hit-ê帕(phè)罩(tà)teh，因为(in-ūi)只有(chí-ū)kah基督(ki-tok)结 联(kiat-liân)，hit块(tè)帕(phè)chiah ē-tàng the̍h掉(tiāu)。15甚 至(sīm-chì)到(kàu)今(kin)á日(ji̍t)，in ta̍k-pái读(tha̍k)摩西(mô͘-se)ê册(chheh)，hit块(tè)帕(phè)iáu-koh罩(tà)tī in ê心 灵(sim-lêng)。16 M̄-koh关 系(koan-hē)摩西(mô͘-se)，圣 经(sèng-keng)有记载(ū kì-chài)讲(kóng)：「当(tng)伊(i)归 向(kui-hiòng)主(chú)，伊(i)ê帕(phè)chiah ē-tàng the̍h掉(tiāu)。」17 Tī chia teh讲(kóng)ê「主(chú)」就(chiū)是圣 神(sī sèng-sîn)，有(ū)主(chú)ê圣 神(sèng-sîn)ê所 在(só͘-chāi)就有(chiū-ū)自由(chū-iû)。18 Án-ne咱大家(lán tāi-ke)lóng用(ēng)无(bô)罩(tà)帕(phè)ê面(bīn)，teh反 射(hoán-siā)主(chú)ê荣 光(êng-kng)；chit-ê荣 光(êng-kng)是(sī)tùi主(chú)，就是(chiū-sī)tùi圣 神(sèng-sîn)发 出 来(hoat chhut-lâi)ê荣 光(êng-kng)，teh kā咱(lán)改 造(kái-chō)变 成(piàn-chiâⁿ)kah他(i)仝 款(kāng-khoán)ê形 象(hêng-siōng)，hō͘咱有(lán ū)koh-khah大(tōa)ê荣 光(êng-kng)。