巴克礼普世版(试读本) 哥林多后书第三章
新 盟 约ê奴仆
1阮kám是koh teh自 夸?阮kám tio̍h kah一kóa人仝 款,需要写推 荐phoe hō͘ lín,á是需要lín替阮 写推 荐phoe hō͘别 人?2 Lín本 身就是阮ê推 荐phoe,写tī阮ê心 内,beh hō͘众 人知,hō͘ ta̍k人读。3 Chit张明 明是基督所写,通 过阮来送ê phoe,m̄是用墨 水写tī石 板.ê,是用永 远ê活 命上 主ê圣 神,写tī人ê心 内。4阮通 过基督,对上 主有chit款ê确 信chiah án-ne讲。5这m̄是 讲阮 家己有才tiāu做chit款tāi-chì,阮ê才tiāu是tùi上 主来.ê。6上 主hō͘阮有才tiāu做新ê盟 约ê奴仆,m̄是用文字写.ê,是圣 神ê约;用文字写ê律 法会带来死 亡,m̄-koh圣 神会赏赐 活 命。7用文字刻tī石 板ê律 法颁 布ê时,上 主ê荣 光有显 现。Tùi摩西ê面反照 出来ê光虽 然渐 渐消 失,因为hit-ê光非 常强,致使以色列 人bē-tàng注 目 看摩西ê面。连带hō͘人死 亡ê律 法,都有chit款ê荣 光,8 án-ne圣 神所发 出ê kám bē koh-khah有荣 光?9 Hit-ê kā人定 罪ê功 能若有hit款ê荣 光,kā人宣 判无 罪ê功 能kám bē koh-khah充 满荣 光?10 Án-ne讲 起来,因为chit-má ê荣 光比以 前koh-khah大,过 去hiah-ni̍h大ê荣 光soah消 失去。11 Hit-ê一时á久.ê若有荣 光,án-ne hit-ê久长存 在.ê就有koh-khah大ê荣 光。12阮有chit款ê ǹg望,chiah敢好胆来 讲。13阮无亲 像摩西tio̍h用帕罩家己ê面,hō͘以色列 人bē得thang注 目 看tio̍h伊面ê荣 光渐 渐消 失。14 M̄-koh以色列 人ê心智phah bē开,到今á日,in读旧约ê时,in ê心 灵iáu hō͘仝hit-ê帕罩teh,因为只有kah基督结 联,hit块帕chiah ē-tàng the̍h掉。15甚 至到今á日,in ta̍k-pái读摩西ê册,hit块帕iáu-koh罩tī in ê心 灵。16 M̄-koh关 系摩西,圣 经有记载讲:「当伊归 向主,伊ê帕chiah ē-tàng the̍h掉。」17 Tī chia teh讲ê「主」就是圣 神,有主ê圣 神ê所 在就有自由。18 Án-ne咱大家lóng用无罩帕ê面,teh反 射主ê荣 光;chit-ê荣 光是tùi主,就是tùi圣 神发 出 来ê荣 光,teh kā咱改 造变 成kah他仝 款ê形 象,hō͘咱有koh-khah大ê荣 光。