巴克礼普世版（试读本） 哥林多前书第十四章
圣 神ê恩赐
1 Tio̍h追求疼 心，mā tio̍h渴 望灵 性ê恩赐，尤其是传 福 音ê恩赐。2讲各 种灵语ê人m̄是teh对 人讲，是teh对上 主讲，因为无 人听有，m̄-koh伊有teh讲灵 性ê奥妙。3 总 是hiah-ê传 福 音ê人是teh对 人讲，来kā人造 就，劝 勉kah安慰。4讲灵语ê人是teh造就家己，传 福 音ê人是teh造 就教 会。5我真ài lín ta̍k人lóng会讲奇妙ê音语，m̄-koh koh-khah ài lín会传 福 音，因为讲灵语若无翻 译就bē-tàng造 就教 会，án-ne传 福 音ê人比讲灵语khah要紧。6所以兄弟 姊 妹ah，我 去lín hia，若kan-taⁿ讲灵语，无传 讲上 主ê启示á是智识，á是信息，á是教示，án-ne对有甚 么利益？7 Hiah-ê无活 命ê乐 器，亲 像洞 箫á是琴，若无发 出高 低ê音，人ná会知是teh奏甚 么？8哨 角ê声若无准 确ê音，人ná会知thang准 备交 战？9亲 像án-ne，lín所 讲ê灵语意思若无清 楚，人ná会知lín teh讲甚 么？Án-ne lín bē输teh对空 气讲 话。10世间有真chē种ê音语，ta̍k-ê lóng有意思。11我若m̄-bat hit种音语，讲ê人会kā我当 做是外 国 人，我mā会kā伊当 做是外 国 人。12 Án-ne lín既然热 心teh追求灵 性ê恩赐，tio̍h koh-khah出 力追求ē-tàng造 就教 会ê恩赐。13所以讲灵语ê人，tio̍h祈求ē-tàng解 说ê能 力。14我若用灵语祈祷，he是我ê灵teh祈祷，m̄-koh我ê理智无发 生作 用。15 Án-ne我tio̍h án怎做？我beh用 心 灵祈祷，mā beh用理智祈祷；我beh用 心 灵吟诗，mā beh用理智吟诗。16 Lín若kan-taⁿ用 心 灵感 谢，hiah-ê会 众m̄知你teh讲甚 么，伊ná会对你ê感 谢来 讲：「阿们」？17你ê感 谢是好，m̄-koh无hō͘人得tio̍h造 就。18我感 谢上 主ê时，讲灵语比lín大家khah chē。19 M̄-koh tī教 会 中，我宁 可讲五句hō͘人听有thang教示人ê话，mā无ài讲一 万句ê灵语。20兄弟 姊 妹ah，lín想tāi-chì m̄-thang亲 像gín-á。做pháiⁿ tāi-chì tio̍h亲 像婴á，想tāi-chì tio̍h亲 像大人。21律 法有记载：主讲：我beh用讲外 国话ê人，用异 邦 人ê嘴 唇，对我ê子 民讲 话，m̄-koh in犹 原m̄听。(注：赛28：11-12) 22 Án-ne讲灵语ê恩赐m̄是beh hō͘信徒，是beh hō͘无信ê人做记号，m̄-koh传 福 音ê恩赐m̄是beh hō͘无信ê人，是beh hō͘信徒做记号。23全 教 会聚 会ê时若lóng讲灵语，无了 解灵语ê人á是无信ê人入来，kám bē讲lín是teh起 痟？24大家若lóng teh传 福 音，有无信á是无了 解灵语ê人入来，听tio̍h hiah-ê话就会晓悟家己ê罪，25心 内ê秘密就会显 露出 来，会仆 落去敬 拜上 主，讲：「上 主真 正tī lín中 间！」
教 会ê秩序
26兄弟 姊 妹ah，án-ne tio̍h án怎？Lín聚 会ê时，有人唱圣 诗，有人教示，有人宣 讲上 主ê启示，有人讲灵语，有人做翻 译。Ta̍k项tāi-chì lóng tio̍h为tio̍h造 就教 会来做。27若有人beh讲灵语，tio̍h限 定两个，siōng-chē三个，mā tio̍h照次 序轮流讲：koh tio̍h有人来翻 译。28若无 人thang翻 译，in tio̍h恬 恬，kan-taⁿ对家己kah对上 主讲to̍h好。29 Tio̍h hō͘两个á是三个来 传 讲上 主ê信息，其他ê人tio̍h省 察hiah-ê信息。30若在 座有人得tio̍h上 主ê启示，hit-ê teh讲ê人tio̍h停 止讲 话。31因为lín ta̍k人lóng thang轮流 传讲上 主ê信息，thang做伙学 习，互 相勉励。32宣 讲上 主信息ê人，tio̍h ài会晓约 束家己ê恩赐，33因为上 主m̄是无秩序ê上 主，是ài咱和谐ê上 主。Kah所有上 主子 民ê教 会仝 款，34 cha-bó͘人tī教 会中tio̍h恬 恬，m̄-thang发 言。犹 太 人ê律 法mā规 定in tio̍h顺 服。35 In若ài beh学 习甚 么，tio̍h tī家内问家己ê丈 夫，因为cha-bó͘人tī教 会 中讲 话真无适 合。36上 主ê道理kám是对lín来.ê？á是kan-taⁿ传hō͘ lín？37若有人想 讲家己是传 讲上 主信息ê人，á是灵 性ê人，应 该tio̍h知我teh写hō͘ lín ê是主ê命 令。38若有人无kā chit-ê tāi-chì看 做要紧，lín mā m̄免kā chit-ê人看 做要紧。39所以我ê兄弟 姊 妹ah，tio̍h迫 切追求传 讲上 主信息ê恩赐，mā m̄-thang禁 止人讲灵语。40 Ta̍k项tāi-chì tio̍h照秩序规规矩矩来做。
|
|
|
转寄