巴克礼普世版(试读本) 哥林多前书第十三章
疼 心
1我若 准会晓讲人各 种ê话语,甚 至天使ê音语,若无 疼 心,我讲 话to̍h bē输teh扛大锣, á是teh phah铙 钹。2我若 准有传 福 音ê恩赐,又koh了 解所有ê奥妙kah智识,甚 至有坚 强ê信 心thang移山倒海,若无 疼 心,我 就lóng无路用。3我若 将所有ê财 产the̍h来赈 济,á是献 身躯hō͘火 烧,若无 疼 心,chiah-ê tāi-chì对我就lóng无利益。4疼 心是gâu宽 容koh慈悲,有疼 心就bē怨妒,bē夸 口,bē骄 傲,5 bē做见 笑ê tāi-chì,bē求家己ê利益,bē快 受 气,bē拾 恨,6 bē ài不义,只有ài真理。7疼 心会包 容一 切,对ta̍k项tāi-chì lóng有信心,lóng抱ǹg望,lóng ē-tàng忍 受。8疼 心永 远存 在,m̄-koh传 讲信息ê恩赐是暂 时.ê,hiah-ê讲灵语ê才tiāu会无去,智识mā会无去。9因为咱ê智识无 完 全,传 讲上 主信息ê才tiāu mā无 完 全。10完 全ê若到,无 完 全ê就会消失去。11我做gín-á ê时,讲 话亲 像gín-á,性情亲 像gín-á,意见亲 像gín-á。Taⁿ我 已经大人ā,就 将gín-á ê tāi-chì lóng放sak。12咱chit-má是对镜teh看,雾雾无明,m̄-koh到hit时就会当 头 对面,看kah清 清 楚 楚。我chit-má ê智识无 完 全,m̄-koh到hit时就会完 全了 解,亲 像上 主完 全了 解我。13 Án-ne信 心、ǹg望、疼 心,chit三 项会永 远存 在,其 中siōng重 要ê是疼 心。