巴克礼普世版(试读本) 哥林多前书第八章
祭 偶 像ê食 物
1关 系祭 偶 像ê物,咱 知咱lóng有智识。智识会hō͘人骄 傲,m̄-koh疼 心会造 成人。2人 若想 讲伊有智识,其实伊Iáu未知伊应 该知.ê。3疼上 主ê人就是上 主所bat ê人。4所以关 系食祭 偶 像ê物,咱 知世间ê偶 像lóng m̄是真.ê。咱mā知上 主只有 一个,以外无别ê。5虽 然tī天 顶á是tī地 上有hō͘人叫 做「神 明」.ê,亲 像有真chē「神」,真chē「主」。6 M̄-koh咱只有 一个上 主,就是天父,万 物lóng tùi他来 创 造,咱mā为tio̍h他来活。咱只有 一个主耶稣基督,万 物lóng通 过他来 创 造,咱mā通 过他来生 存。7 M̄-koh m̄是ta̍k人lóng有chit种智识,有人拜 偶 像惯 势,到taⁿ食hit-ê物ê时,想 讲是teh食偶 像ê物。In ê良 心软 弱,想 讲án-ne就hō͘ hit款食 物bak-tio̍h lah-sap。8其实食 物bē hō͘咱khah接 近上 主,无 食无损 失;食mā无khah利益。9 M̄-koh咱tio̍h谨慎,m̄-thang lín án-ne做,soah成 做软chiáⁿ ê人ê信 仰阻 碍。10若有人良 心软chiáⁿ,看tio̍h lín chiah-ê有智识ê人,坐tī偶 像ê庙内lim食,án-ne kám m̄是teh鼓励良 心软chiáⁿ ê人,去 食祭 偶 像ê物?11 Hit-ê软chiáⁿ ê信徒,mā是基督替伊死ê人,会因为lín ê智识来 灭 亡。12 Lín án-ne做是得 罪lín ê兄弟á是姊 妹,伤tio̍h in软chiáⁿ ê良 心,就是得 罪基督。13所以若食 物会hō͘我ê兄弟á是姊 妹ê信 仰受阻 碍,我绝 对m̄食祭 偶 像ê物,chiah免hō͘ in tī信 仰 上跋 倒。