巴克礼普世版(试读本) 哥林多前书第六章
信徒中 间ê纷 争
1 Lín中 间有人kah人有纠 纷ê时,ná会无tī信徒ê面 前求解 决,却告去未信 者ê法 官?2 Lín kám m̄知信徒beh审 判世间?既然lín beh审 判世间,kám bē晓审 判小khóa ê tāi-chì?3 Lín kám m̄知咱连天使都beh审 判?Chit世间日 常ê tāi-chì koh-khah免 讲!4 Chit款tāi-chì,lín kám thang交hō͘教 会 外ê人kā lín判 决?5我án-ne讲 是beh hō͘ lín感 觉见 笑,lín中 间kám无一个有智慧ê人,thang判 断信徒中 间ê纠 纷?6竟 然有信徒告信徒,甚 至告到未信 者ê面 前。7其实lín中 间有相告,已经表示lín ê大失 错。Ná会m̄宁 可hō͘人冤 枉?Ná会m̄宁 可受刻 亏?8 M̄-koh lín颠倒冤 枉人,刻 亏人,甚 至对教 会内ê兄弟 姊 妹mā án-ne做。9 Lín kám m̄知,不义ê人bē-tàng做上 主 国 度ê子 民?M̄-thang欺 骗家己。无论是淫 乱.ê,拜 偶 像.ê,犯 奸 淫.ê,做男 娼.ê,好男 色.ê,10做 贼.ê,贪 心.ê,好 酒.ê,毁 谤.ê,诈 欺.ê,lóng bē-tàng做上 主 国 度ê子 民。11 Lín中 间以 前有人是án-ne,m̄-koh óa靠主耶稣基督ê名kah咱ê上 主ê圣 神,lín已经洗 清 气成 做圣 洁,kah上 主有和合ê关 系。
用身 躯荣 光上 主
12有人讲:「Ta̍k项tāi-chì我lóng thang做。」M̄-koh m̄是ta̍k项tāi-chì lóng有利益。我mā thang讲:「Ta̍k项tāi-chì我lóng thang做。」M̄-koh我无beh hō͘任何tāi-chì kā我控 制。13有人讲:「食是为tio̍h腹肚,腹肚mā是为tio̍h食。」M̄-koh上 主lóng beh kā chit两 项毁 坏,身 躯m̄是为tio̍h淫 乱,是为tio̍h服 事主,主mā会供 给咱身 躯ê需要。14上 主有hō͘主tùi死koh活,mā会用他ê权 能hō͘咱koh活。15 Lín kám m̄知,lín ê身 躯是基督ê肢体?Án-ne我kám thang将基督ê肢体变 做娼 妓ê肢体?绝 对m̄-thang。16 Lín kám m̄知,kah娼 妓发 生肉 体关 系,就是kah她成做 一 体?因为圣 经有讲:两个beh成做 一 体。(注:创2:2) 17 M̄-koh kah主结 合ê人,就是心 灵kah主成做 一 体。18 Lín tio̍h闪 避淫 乱,人无论犯甚 么 罪lóng bē影 响家己ê身 躯,m̄-koh犯 奸 淫.ê是犯 罪koh害tio̍h家己ê身 躯。19 Lín kám m̄知,lín ê身 躯就是圣 神ê殿?圣 神tiàm-tī lín内面,就是lín tùi上 主所领受.ê,koh再 讲:lín m̄是属家己,是属上 主。20因为lín是他付 出代价买来.ê,所以tio̍h用lín ê身 躯来荣 光上 主。