《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 哥林多前书第五章

作者 巴克礼普世版小组 2015.02.01

教 会 中(kàu-hōe tiong)有(ū)淫 乱(îm-loān)
1我(góa)确 实(khak-si̍t)听(thiaⁿ)tio̍h lín中 间(tiong-kan)有(ū)淫 乱(îm-loān)ê tāi-chì，hit款(khoán)ê淫 乱(îm-loān)连(liân)教 会 外(kàu-hōe-gōa)mā无(bô)，就是(chiū-sī)有人(ū lâng)收留(siu-liû)后母(āu-bú)做(chò)bó͘。2 Lín ná会(ē)iáu-teh骄 傲(kiau-ngō͘)自大(chū-tāi)？竟 然(kèng-jiân)无 感 觉(bô kám-kak)哀 伤(ai-siong)，无 将(bô chiong)做(chò)chit种(chióng)tāi-chì ê人(lâng)tùi lín中 间(tiong-kan)赶 出 去(kóaⁿ chhut-khì)！3我(góa)人(lâng)虽 然(sui-jiân)无(bô)tī lín hia，心(sim)却(khiok)kah lín做(chò)伙(hóe)。我 已经(góa í-keng)奉(hōng)主耶稣(chú iâ-so͘)ê名(miâ)，kā犯(hoān)chit种(chióng)罪(chōe)ê人(lâng)判 罪(phòaⁿ-chōe)。4就是(chiū-sī)lín聚 会(chū-hōe)ê时(sî)，我(góa)ê心 灵(sim-lêng)kah lín做(chò)伙(hóe)，靠(khò)咱(lán)ê主耶稣(chú iâ-so͘)ê权 能(koân-lêng)，5将(chiong)hit种(chiòng)人(lâng)ê身 躯(seng-khu)，交(kau)hō͘撒旦(sat-tàn)去(khì)毁 坏(húi-hoāi)伊(i)ê肉 体(jio̍k-thé)，thang hō͘伊(i)ê灵 魂(lêng-hûn)tī咱(lán)ê主耶稣(chú iâ-so͘)再 临(chài-lîm)ê日子(ji̍t-chí)得救(tit-kiù)。6 Lín ê夸 口(khoa-kháu)真(chin)m̄好(hó)，lín kám m̄知(chai)，淡 薄(tām-po̍h)á酵母(kàⁿ-bó)会(ē)kā kui-sn̂g ê面 粉(mī-hún)chhè发 起来(hoat khí-lâi)？7旧(kū)ê酵(kàⁿ)tio̍h除(tû)hō͘清 气(chheng-khì)，hō͘ lín成 做(chiâⁿ-chò)新(sin)ê面 粉(mī-hún)chhè，其实(kî-si̍t)lín是无(sī-bô)酵(kàⁿ)ê chhè，因为(in-ūi)咱(lán)Pôaⁿ过 节(kòe-cheh)ê羊羔(iûⁿ-ko)，基督(ki-tok)已经(í-keng)为咱(ūi lán)牺 牲(hi-seng)ā。8所以(só͘-í)咱(lán)m̄-thang用(ēng)pháiⁿ心(sim)恶毒(ok-to̍k)ê旧(kū)酵母(kàⁿ-bó)，tio̍h用(ēng)纯 全(sûn-choân)真实(chin-si̍t)ê无酵 饼(bô-kàⁿ-piáⁿ)做 祭 物(chò chè-mi̍h)来(lâi)守 节(siú-cheh)。9前(chêng)我(góa)寄(kià)hit张(tiuⁿ)phoe hō͘ lín，有(ū)kā lín警 戒(kéng-kài)m̄-thang kah淫 乱(îm-loān)ê人(lâng)来往(lâi-óng)。10我(góa)m̄是(sī)teh指(chí)世间(sè-kan)hiah-ê淫 乱(îm-loān)、贪 心(tham-sim)、诈 欺(chà-khi)，á是(sī)拜 偶 像(pài ngó͘-siōng)ê人(lâng)。若是(nā-sī)án-ne，lín soah tio̍h离开(lī-khui)世间(sè-kan)chiah有(ū)可 能(khó-lêng)。11 M̄-koh taⁿ我写(góa siá)chit张(tiuⁿ)phoe hō͘ lín是 讲(sī kóng)：m̄-thang kah hiah-ê自 称(chū-chheng)基督徒(ki-tok-tô͘)，却 是(khiok-sī)淫 乱(îm-loān)、贪 心(tham-sim)、拜 偶 像(pài ngó͘-siōng)、毁 谤(húi-pòng)、好 酒(hò͘ⁿ-chiú)、诈 欺(chà-khi)ê人(lâng)来往(lâi-óng)。连(liân)kah chit种(chióng)人(lâng)仝 桌(kâng-toh)食 饭(chia̍h-pn̄g)mā m̄-thang。12因为(in-ūi)批 判(phoe-phòaⁿ)教 会 外(kàu-hōe-gōa)ê人(lâng)，m̄是我(sī góa)ê tāi-chì，上 主(siōng-chú)会(ē)kā in审 判(sím-phòaⁿ)。13 Lín kám m̄是(sī)tio̍h批 判(phoe-phòaⁿ)教 会内(kàu-hōe-lāi)ê人(lâng)？圣 经(sèng-keng)有记载(ū kì-chài)：Lín tio̍h kā邪恶(siâ-ok)ê人(lâng)tùi lín中 间(tiong-kan)赶 出 去(kóaⁿ chhut-khì)。(注(chù)：申17：7；19：19；22：21，24；24：7)