巴克礼普世版(试读本) 哥林多前书第五章
教 会 中有淫 乱
1我确 实听tio̍h lín中 间有淫 乱ê tāi-chì,hit款ê淫 乱连教 会 外mā无,就是有人收留后母做bó͘。2 Lín ná会iáu-teh骄 傲自大?竟 然无 感 觉哀 伤,无 将做chit种tāi-chì ê人tùi lín中 间赶 出 去!3我人虽 然无tī lín hia,心却kah lín做伙。我 已经奉主耶稣ê名,kā犯chit种罪ê人判 罪。4就是lín聚 会ê时,我ê心 灵kah lín做伙,靠咱ê主耶稣ê权 能,5将hit种人ê身 躯,交hō͘撒旦去毁 坏伊ê肉 体,thang hō͘伊ê灵 魂tī咱ê主耶稣再 临ê日子得救。6 Lín ê夸 口真m̄好,lín kám m̄知,淡 薄á酵母会kā kui-sn̂g ê面 粉chhè发 起来?7旧ê酵tio̍h除hō͘清 气,hō͘ lín成 做新ê面 粉chhè,其实lín是无酵ê chhè,因为咱Pôaⁿ过 节ê羊羔,基督已经为咱牺 牲ā。8所以咱m̄-thang用pháiⁿ心恶毒ê旧酵母,tio̍h用纯 全真实ê无酵 饼做 祭 物来守 节。9前我寄hit张phoe hō͘ lín,有kā lín警 戒m̄-thang kah淫 乱ê人来往。10我m̄是teh指世间hiah-ê淫 乱、贪 心、诈 欺,á是拜 偶 像ê人。若是án-ne,lín soah tio̍h离开世间chiah有可 能。11 M̄-koh taⁿ我写chit张phoe hō͘ lín是 讲:m̄-thang kah hiah-ê自 称基督徒,却 是淫 乱、贪 心、拜 偶 像、毁 谤、好 酒、诈 欺ê人来往。连kah chit种人仝 桌食 饭mā m̄-thang。12因为批 判教 会 外ê人,m̄是我ê tāi-chì,上 主会kā in审 判。13 Lín kám m̄是tio̍h批 判教 会内ê人?圣 经有记载:Lín tio̍h kā邪恶ê人tùi lín中 间赶 出 去。(注:申17:7;19:19;22:21,24;24:7)