巴克礼普世版(试读本) 哥林多前书第四章
基督ê使徒
1 Lín tio̍h kā阮看 做是基督ê差 用,做上 主奥妙真理ê管 家。2 对管 家ê要求,是对主 人tio̍h尽 忠。3我hō͘ lín á是别 人批 评,lóng看 做是小khóa tāi-chì,连我mā无批 评家己。4我lóng m̄-bat责 备家己,m̄-koh m̄是án-ne就证 明我无 罪,因为kā我审 判ê是主。5所以时机iáu未 到,lín m̄-thang批 评人,等 到主再 临ê时,他会用光 照乌暗隐密ê秘密,kā隐 藏tī心 内ê计谋显 露出 来。Hit时,ta̍k人会tùi上 主得tio̍h他ê o-ló。6兄弟 姊 妹ah,为tio̍h lín我chiah用本 身kah亚波罗做例,来讲 起chiah-ê tāi-chì,hō͘ lín thang tùi阮来学 习「M̄-thang超 过圣 经所记载」chit句话ê意思。Lín中 间无论甚 么 人都m̄-thang骄 傲,尊 重chit-ê,看 轻hit-ê。7甚 么 人hō͘你想 讲,你比别 人khah-gâu?你所有ê kám m̄是lóng tùi上 主领受.ê?M̄-koh你ná会夸 口,ná亲 像m̄是tùi上 主领受.ê?8 Lín已经ta̍k项lóng有,已经好 额,lín已经放sak阮去 做王。我真 正ài lín做 王,hō͘阮mā thang kah lín做伙做 王。9我teh想,上 主将阮chiah-ê使徒排tī尾溜,亲 像死 刑 犯hō͘人拖出 来,hō͘世间、天使kah人看chit出戏。10阮为tio̍h基督ê缘故做戆 人,lín kah基督结 联做巧 人。阮软 弱,lín勇 壮;lín受 尊 重,阮hō͘人轻视。11到chit时,阮iáu-koh teh iau、嘴 干、thǹg-pak-theh,hō͘人phah,四界teh流 浪。12阮靠双 手拖 磨度日子,阮hông骂颠倒kā in祝 福;受 人迫 害,阮忍 耐。13阮受 毁 谤iáu-koh好 嘴应答,taⁿ阮竟 然hō͘人看 做是世间ê粪埽,万 物ê粪埽堆。14我写chiah-ê m̄是beh hō͘ lín见 笑,是kā lín看 做我所 疼ê kiáⁿ儿teh kā lín教示。15 Lín kah基督结 联,老师虽 然有kui万个,m̄-koh老父kan-taⁿ一个。我bat通 过福 音,tī基督耶稣ê疼ê内面成 做lín ê老父。16所以我劝lín tio̍h学我。17因为án-ne,我差 派提摩 太去lín hia。Tī主ê内面,伊是我所 疼koh尽 忠ê kiáⁿ,伊会 将我kah基督结 联ê模 范,就是我tī ta̍k所 在,tī ta̍k教 会所教示ê tāi-chì,讲hō͘ lín知。18有人 想 讲我bē去lín hia,就骄 傲自大。19 M̄-koh主若允 准,我liâm-piⁿ to̍h会去lín hia。Hit时,我to̍h会知hiah-ê骄 傲自大ê人teh讲甚 么话,mā会知in ē-tàng做 甚 么。20因为上 主ê国度m̄是靠讲 话,是靠权 能。21 Lín ài tó一 项?我 去lín hia ê时,lín ài我gia̍h棰á,去á是带疼 心kah温柔ê心去?