《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 哥林多前书第三章

作者 巴克礼普世版小组 2015.01.18

上 主(siōng-chú)ê同 工(tâng-kang)

1兄弟 姊 妹(hiaⁿ-tī chí-mōe)ah，我(góa)前(chêng)kah lín讲 话(kóng-ōe)，bē-tàng kā lín当 做(tòng-chò)灵 性(lêng-sèng)ê人(lâng)，是(sī)当 做(tòng-chò)属 世(sio̍k-sè)ê人(lâng)，tùi基督(ki-tok)ê信 仰(sìn-gióng)来 看(lâi-khòaⁿ)是(sī)kah-ná婴(eⁿ)á。2我(góa)用(ēng)奶(leng)kā lín饲(chhī)，无用(bô ēng)饭(pn̄g)，因为(in-ūi)lín iáu bē-tàng食 饭(chia̍h-pn̄g)，到(kàu)chit-má iáu是(sī)án-ne。3因为(in-ūi)lín iáu-koh属 世(sio̍k-sè)ê人(lâng)，lín中 间(tiong-kan)有(ū)嫉妒(chi̍t-tò͘)，有(ū)纷 争(hun-cheng)，án-ne kám m̄是(sī)证 明(chèng-bêng)lín是(sī)属 世(sio̍k-sè)，照(chiàu)世 间 人(sè-kan-lâng)ê款 式(khoán-sit)teh生 活(seng-oa̍h)？4 Lín中 间(tiong-kan)有人(ū lâng)讲(kóng)：「我(góa)属(sio̍k)保罗(pó-lô)」，mā有人(ū lâng)讲(kóng)：「我(góa)属(sio̍k)亚波罗(a-pho-lô)」，án-ne lín kám m̄是(sī)kah世 间 人(sè-kan-lâng)仝 款(kāng-khoán)？5亚波罗(a-pho-lô)算(sǹg)啥(siáⁿ)？保罗(pó-lô)算(sǹg)啥(siáⁿ)？阮(goán)不过是(put-kò sī)主(chú)ê差 用(chhe-ēng)，引(ín)chhōa lín信 主(sìn-chú)，照 主(chiàu chú)所(só͘)hō͘阮(goán)ê职 份(chit-hūn)teh做(chò)。6我(góa)掖 种(iā-chéng)，亚波罗(a-pho-lô)ak水(chúi)，m̄-koh是(sī)上 主(siōng-chú)hō͘它(i)大 丛(tōa-châng)。7掖 种(iā-chéng)ê kah ak水(chúi)ê lóng无(bô)重 要(tiōng-iàu)，hō͘它(i)大 丛(tōa-châng)ê上 主(siōng-chú)chiah重 要(tiōng-iàu)。8掖 种(iā-chéng)ê kah ak水(chúi)ê lóng仝 款(kāng-khoán)，上 主(siōng-chú)会 照(ē chiàu)ta̍k人(lâng)ê工 作(kang-chok)kā in报赏(pò-siúⁿ)。9因为(in-ūi)阮 是(goán sī)上 主(siōng-chú)ê同 工(tâng-kang)，lín是(sī)上 主(siōng-chú)ê田 园(chhân-hn̂g)，mā是(sī)上 主(siōng-chú)ê建 筑 物(kiàn-tio̍k-bu̍t)。10照(chiàu)上 主(siōng-chú)赏赐(siúⁿ-sù)hō͘我(góa)ê恩 典(un-tián)，我(góa)亲 像(chhin-chhiūⁿ)一个(chi̍t-ê)老 练(láu-liān)ê师傅 头(sai-hū-thâu)，我(góa)hē地基(tē-ki)，别 人(pa̍t-lâng)tī hit顶 面(téng-bīn)起 厝(khí-chhù)，m̄-koh ta̍k人(lâng)tio̍h注意(chù-ì)看(khòaⁿ)家己(ka-kī)án怎(chóaⁿ)teh起 造(khí-chō)。11因为(in-ūi)上 主(siōng-chú)已经(í-keng)hē耶稣基督(iâ-so͘ ki-tok)做(chò)唯一(ûi-it)ê地基(tē-ki)，以外(í-gōa)无别(bô pa̍t)ê地基(tē-ki)。12 Tī chit-ê地基(tē-ki)顶 面(téng-bīn)，人 若(lâng nā)用 金(ēng kim)、银(gîn)、宝 石(pó-chio̍h)、柴(chhâ)、草(chháu)，á是(sī)稻稿(tiū-kó)受起 造(siū khí-chō)。13 Ta̍k人(lâng)ê工 夫(kang-hu)起 了(khí-liáu)好(hó)bái，tī基督(ki-tok)再 临(chài-lîm)ê日子(ji̍t-chí)，会(ē)hō͘火(hóe)kā它(i)显 现(hián-hiān)出 来(chhut-lâi)，因为(in-ūi)火(hóe)会(ē)试 验(chhì-giām)出(chhut)ta̍k人(lâng)ê工 夫(kang-hu)是(sī)甚 么 款(sím-mi̍h-khoán)。14人(lâng)所(só͘)起 造(khí-chō)ê工 程(kang-thêng)，若无(nā-bô)hō͘火(hóe)烧去(sio-khì)，就会(chiū ē)得(tit)tio̍h报赏(pò-siúⁿ)。15人(lâng)所(só͘)起 造(khí-chō)ê工 程(kang-thêng)，若(nā)hō͘火(hóe)烧去(sio-khì)，就(chiū)bē得(tit)tio̍h报赏(pò-siúⁿ)，m̄-koh伊本身(i pún-sin)会得(ē tit)tio̍h救(kiù)，ná亲 像(chhin-chhiūⁿ)tùi火 中(hóe-tiong)逃命(tô-miā)出 来(chhut-lâi)。16 Lín kám m̄知(chai)lín是(sī)上 主(siōng-chú)ê殿(tiān)，上 主(siōng-chú)ê圣 神(sèng-sîn)tiàm-tī lín内面(lāi-bīn)？17人 若(lâng nā)毁 坏(húi-hoāi)上 主(siōng-chú)ê殿(tiān)，上 主(siōng-chú)会(ē)kā伊(i)毁 灭(húi-bia̍t)，因为(in-ūi)上 主(siōng-chú)ê殿(tiān)是(sī)神 圣(sîn-sèng)，lín就是(chiū-sī)hit-ê殿(tiān)。18 Lín m̄-thang欺 骗(khi-phiàn)家己(ka-kī)，lín中 间(tiong-kan)若有人(nā ū lâng)用(ēng)世间(sè-kan)ê标 准(phiau-chún)，kā家己(ka-kī)看 做(khòaⁿ-chò)有智慧(ū tì-hūi)，伊(i)颠倒(tian-tò)tio̍h做(chò)愚 戆(gû-gōng)ê人(lâng)，chiah ē-tàng成 做(chiâⁿ-chò)真 正(chin-chiàⁿ)有智慧(ū tì-hūi)。19因为(in-ūi)chit世间(sè-kan)ê智慧(tì-hūi)照(chiàu)上 主(siōng-chú)看 起 来(khòaⁿ khí-lâi)是(sī)愚 戆(gû-gōng)，因为(in-ūi)圣 经(sèng-keng)有记载(ū kì-chài)：Hō͘智慧(tì-hūi)ê人(lâng)中(tiòng)tio̍h in家己(ka-kī)ê诡计(kúi-kè)。(注(chù)：伯5：13) 20圣 经(sèng-keng)别(pa̍t)ê所 在(só͘-chāi)koh讲(kóng)：主(chú)知(chai)有智慧(ū tì-hūi)ê人(lâng)ê心思(sim-su)无路用(bô-lō͘-ēng)。(注(chù)：诗(si)94：11) 21所以(só͘-í)m̄-thang夸 口(khoa-kháu)人(lâng)ē-tàng做(chò)ê tāi-chì，因为(in-ūi)万 物(bān-bu̍t)lóng是(sī)lín-.ê。22无论(bô-lūn)保罗(pó-lô)、亚波罗(a-pho-lô)á是(sī)彼得(pí-tek)，无论(bô-lūn)chit世界(sè-kài)是(sī)活(oa̍h)teh á是(sī)死 亡(sí-bông)，现 今(hiān-kim)á是(sī)将 来(chiong-lâi)，这(che)一 切(it-chhè)lóng是(sī)lín-.ê。23 Lín是基督(sī ki-tok).ê，基督(ki-tok)是(sī)上 主(siōng-chú).ê。