《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 罗马书第十三章

作者 巴克礼普世版小组 2014.12.07

服 从(ho̍k-chiông)政 府(chèng-hú)
1 Ta̍k人(lâng)lóng tio̍h屈 服(khut-ho̍k)政 府(chèng-hú)ê权 柄(koân-pèng)，因为(in-ūi)权 柄(koân-pèng)lóng是(sī)tùi上 主(siōng-chú)来(lâi)。掌 权 者(chiáng-koân-chiá)ê权 柄(koân-pèng)lóng是(sī)上 主(siōng-chú)设立(siat-li̍p).ê。2所以(só͘-í)反 抗(hoán-khòng)权 柄(koân-pèng)是(sī)违背(ûi-pōe)上 主(siōng-chú)ê诫 命(kài-bēng)，违背(ûi-pōe)ê人(lâng)会(ē)受 审 判(siū sím-phòaⁿ)。3你(lí)若(nā)做好(chò-hó)，m̄免(bián)惊(kiaⁿ)掌 权 者(chiáng-koân-chiá)，只有(chí-ū)做(chò)pháiⁿ ê人(lâng)chiah tio̍h惊(kiaⁿ)in。你(lí)ài做(chò)一个(chi̍t-ê)m̄惊( kiaⁿ )掌 权 者(chiáng-koân-chiá)á无(bô)？若(nā)ài，tio̍h做好(chò-hó)，你(lí)就会(chiū ē)得(tit)tio̍h褒 奖(po-chióng)；4因为(in-ūi)伊是(i sī)上 主(siōng-chú)ê差 用(chhe-ēng)，beh hō͘你(lí)得(tit)tio̍h利益(lī-ek)，m̄-koh你(lí)若(nā)做(chò)pháiⁿ，tio̍h惊(kiaⁿ)伊(i)。伊(i)带(tòa)剑(kiàm)m̄是无(sī-bô)目 的(bo̍k-tek)，伊是(i sī)上 主(siōng-chú)ê差 用(chhe-ēng)，是(sī)申 冤 者(sin-oan-chiá)，beh hō͘ pháiⁿ人(lâng)tú-tio̍h刑 罚(hêng-hoa̍t)。5所以(só͘-í)lín tio̍h服 从(ho̍k-chiông)掌 权 者(chiáng-koân-chiá)，m̄-nā为(ūi)tio̍h kiaⁿ上 主(siōng-chú)受气(siū-khì)，mā是(sī)为(ūi)tio̍h良 心(liông-sim)ê缘故(iân-kò͘)。6因为(in-ūi)án-ne，lín mā teh纳 税(la̍p-sòe)，因为(in-ūi)in是(sī)上 主(siōng-chú)ê差 用(chhe-ēng)，为(ūi)tio̍h他(i)teh执 行(chip-hêng)chit-ê职 务(chit-bū)。7 Tio̍h对 众 人(tùi chèng-lâng)尽(chīn)lín ê义务(gī-bū)，lín欠(khiàm)人(lâng)ê tio̍h还 清(hêng-chheng)，应 该(eng-kai)纳(la̍p)ê税(sòe)tio̍h纳(la̍p)，应 该(eng-kai)惊畏(kiaⁿ-ùi)ê tio̍h惊(kiaⁿ)-ùi，应 该(eng-kai)尊 敬(chun-kèng)ê tio̍h尊 敬(chun-kèng)。

疼 心(thiàⁿ-sim)成 全(sêng-choân)律 法(lu̍t-hoat)
8互 相(hō͘-siōng)相 疼(sio-thiàⁿ)ê债(chè)以外(í-gōa)，m̄-thang欠(khiàm)人(lâng)ê债(chè);对(tùi)别 人(pa̍t-lâng)有疼 心(ū thiàⁿ-sim)，就(chiū)已经(í-keng)完 成(oân-sêng)律 法(lu̍t-hoat)ê要求(iau-kiû)。9律 法(lu̍t-hoat)ê要求(iau-kiû)是(sī)：「M̄-thang奸 淫(kan-îm)，m̄-thang thâi人(lâng)，m̄-thang偷(thau)the̍h，m̄-thang贪 心(tham-sim)。」(注(chù)：CAK20：13-15，17；申5：17-19，21) Chiah-ê kah其他(kî-tha)ê要求(iau-kiû)lóng包 含(pau-hâm)tī 「Tio̍h疼(thiàⁿ)厝 边(chhù-piⁿ)亲 像(chhin-chhiūⁿ)疼(thiàⁿ)家己(ka-kī)」(注(chù)：利(lāi)19：18)chit句话(kù-ōe)内底(lāi-té)。10疼(thiàⁿ)厝 边(chhù-piⁿ)ê人(lâng)bē做(chò)伤 害(siong-hāi)别 人(pa̍t-lâng)ê tāi-chì，所以(só͘-í)疼(thiàⁿ)是(sī)成 全(sêng-choân)律 法(lu̍t-hoat)。11 Lín tio̍h án-ne做(chò)以外(í-gōa)，tio̍h会记得(ē-kì-tit)chit-má是(sī)觉 醒(kak-chhéⁿ)ê时(sî)chūn，因为(in-ūi)chit-má咱(lán)比(pí)tú-tú成 做(chiâⁿ-chò)信徒(sìn-tô͘)ê时(sî)，koh-khah接 近(chiap-kīn)上 主(siōng-chú)ê拯 救(chín-kiù)。12乌暗暝(o͘-àm-mê)teh-beh过 去(kòe-khì)，天(thiⁿ)teh-beh光(kng)ā，所以(só͘-í)咱(lán)tio̍h脱 离(thoat-lī)乌暗(o͘-àm)ê行 为(hêng-ûi)，穿(chhēng)光 明(kng-bêng)ê武 装(bú-chong)。13咱(lán)ê行 为(hêng-ûi)tio̍h端 正(toan-chiàⁿ)，亲 像(chhin-chhiūⁿ)生 活(seng-oa̍h)tī日光(ji̍t-kng)中(tiong)。M̄-thang放 纵(hòng-chhiòng)、酒 醉(chiú-chùi)；m̄-thang好 色(hò͘ⁿ-sek)、放 荡(hòng-tōng)；m̄-thang相 争(sio-cheⁿ)、怨妒(oàn-tò͘)。14 Tio̍h用(ēng)主(chú)耶稣基督(iâ-so͘ ki-tok)来 装 备(lâi chong-pī)家己(ka-kī)，m̄-thang为(ūi)tio̍h满 足(boán-chiok)私欲(su-io̍k)，来(lâi)图谋(tô͘-bô͘)肉 体(jio̍k-thé)ê tāi-chì。