巴克礼普世版(试读本) 罗马书第九章
上 主ê选 民
1我做一个属 基督ê人,讲 话实 在无白 贼,我ê良 心受 圣 神感 动kā我做 见 证。2我非 常悲 伤,心 内痛 苦无soah。3我关 心我ê同 胞,我ê骨肉至 亲。若是为tio̍h in tio̍h受 上 主咒 诅放sak,tio̍h kah基督隔离mā甘 愿。4 In是以色列民 族。上 主拣 选in做kiáⁿ儿,赐in荣 光,kah in立约,koh hō͘ in律 法、崇 拜ê礼仪kah应允。5 In是各族 长ê kiáⁿ孙,照血 统来 讲,基督mā kah in 仝 族。愿超 越万 物ê上 主,得tio̍h o-ló到万世代。阿们。6 Án-ne m̄是 讲,上 主ê应允无实 现,因为m̄是所有ê以色列 人,lóng是上 主ê选 民。7亚伯 拉罕ê kiáⁿ孙,mā无lóng是应允ê kiáⁿ儿。上 主bat对亚伯 拉罕讲:「Tùi以撒生.ê chiah ē-tàng叫 做你ê kiáⁿ孙。」(注:创21:12) 8 Án-ne是 讲,m̄是肉 体生ê kiáⁿ to̍h算 做上 主ê kiáⁿ儿。只有tùi上 主ê应允生.ê,chiah算 做上 主ê kiáⁿ孙。9因为应允ê话是án-ne讲:「明年chit-ê时,我会koh来,撒拉beh生一个cha-po͘-kiáⁿ。」(注:创18:10,14) 10 M̄-nā án-ne,利百加生ê两个kiáⁿ mā是tùi仝 一个人,就是咱ê祖 先以撒来怀孕。11上 主为tio̍h beh表 明他拣 选人,是 照他本 身定tio̍h ê目 的,m̄是根据人ê行 为,就tī一 对双 生á-kiáⁿ iáu未 出 世,Iáu未做好pháiⁿ事以 前,12就kā利百加讲:「大 汉.ê会服 事细汉.ê。」(注:创25:23) 13照圣 经记载:我kah意雅 各,无kah意以扫。(注:玛1:2-3) 14 Án-ne咱beh án怎讲?上 主无公 道是无?绝 对m̄是。15因为他bat对摩西讲:「我beh怜 悯我ài怜 悯ê人,我beh体 贴我ài体 贴ê人。」(注:出33:19) 16可 见上 主ê拣 选,是根据他ê怜 悯,m̄是根据人ê意愿á是努力。17圣 经记载上 主有对法 老讲:「我设立你ê目 的,是beh用你来 显 明我ê权 能,hō͘我ê名传 到全 世界。」(注:出9:16) 18所以上 主beh怜 悯甚 么 人,就 怜 悯甚 么 人;beh hō͘甚 么 人心 硬,就hō͘甚 么 人心 硬。
上 主ê受气kah怜 悯
19 Án-ne你会问 我 讲:「怎 样上 主iáu-teh责 备 人?啥 人敢反 抗他ê旨意?」20你chit-ê人算甚 么,你敢kah上 主tú嘴?受 造物kám会对创 造 者讲:「祢ná会kā我造kah án-ne?」(注:赛29:16;45:9) 21平 平一块黏 土,kám-m̄是chhut-chāi烧磁师傅beh kā伊捏 做贵气ê器具,á是一块粗 俗ê器具?22上 主所做mā亲 像án-ne,他虽 然ē-tang随时照他ê意思显 明他ê受气,koh hō͘人知他ê权 能,iáu-koh大 大宽 容忍 耐hiah-ê惹他受气ê人,就是hiah-ê应 该灭 亡ê人。23这是为tio̍h beh hō͘人明 白,上 主beh赏赐丰 盛ê荣 耀,hō͘ hiah-ê得tio̍h怜 悯ê对 象,就是上 主所预备,beh来领受他ê荣 光hiah-ê人。24咱lóng是他呼 召ê人,m̄-nā对犹 太 人,mā对外 邦 人呼 召。25照他tī何西阿书所 讲:「Hiah-ê m̄是我ê子 民,我beh称in做『我ê子 民』;Hiah-ê m̄是我所爱.ê,我beh称in做『我所爱.ê』。(注:何2:23) 26 Tī khah早bat kā in讲『Lín m̄是我ê子 民』ê所 在,仝 款tī hia in beh叫 做『永 活上 主ê kiáⁿ。』」(注:何1:10) 27关 系以色列 人,以赛亚bat宣 布 讲:「以色列ê kiáⁿ孙,虽 然数目亲 像海 沙hiah-ni̍h chē,beh得tio̍h救-。Ê,是所chhun ê少 数niā-niā。28因为主tī地 上beh真 紧koh彻 底来执 行审 判。」(注:赛10:22-23 LXX) 29 Tú亲 像以赛亚bat讲:「若m̄是万 军ê主kā咱留一kóa kiáⁿ孙做 种,咱早to̍h亲 像所多玛kah蛾摩垃受毁 灭ā。」(注:赛1:9)
以色列 人Kah福 音
30 Án-ne咱beh án怎讲?外 邦 人无追求kah上 主ê和合关 系,颠倒通 过信来得tio̍h kah上 主ê和合关 系。31 M̄-koh以色列 人phah拚追求tùi律 法来kah上 主有和合ê关 系,结 果mā无得tio̍h。32 Ná会án-ne?因为in无tùi信,是tùi靠in ê行 为。结 局是in去踢tio̍h hit块hō͘人跋 倒ê石 头。33圣 经有án-ne记载:「你 看,我将会hō͘人踢tio̍h ê石,会hō͘人跋 倒ê大 石,khǹg tī锡安,m̄-koh信 靠他ê人bē tú-tioh失 望。」(注:赛28:16;8:14)