巴克礼普世版(试读本) 罗马书第八章
顺 服圣 神ê生 活
1若是án-ne,hiah-ê kah基督耶稣结 联ê人 就bē受 定 罪。2因为通 过基督耶稣赐活 命ê圣 神ê法 则,已经tháu放我脱 离罪kah死ê法 则。3因为人 性ê软 弱,律 法做bē到.ê,上 主有做 成。上 主为tio̍h beh救人类脱 离罪kah死ê法 则,他hō͘家己ê Kiáⁿ采 取kah咱仝 款有罪ê本 性,用他ê肉 体来 审 判人类肉 体ê罪,kā罪除去。4上 主án-ne做是beh hō͘律 法ê要求,ē-tàng实 现tī咱chiah-ê无koh照肉 体,是 照圣 神ê引chhōa teh生 活ê人。5因为顺 服肉 体本 性ê人,意向肉 体ê tāi-chì;顺 服圣 神ê人,意向圣 神ê tāi-chì。6意向肉 体ê结果是死,意向圣 神ê结果是活 命kah平 安。7 Án-ne意向肉 体是kah上 主对敌,因为无顺 服上 主ê律 法,其实mā无法 度顺 服。8顺 服肉 体本 性ê人,bē-tàng hō͘上 主欢 喜。9既然上 主ê圣 神有tiàm-tī lín内面,lín就m̄是属肉 体本 性,是属圣 神。人若无基督ê圣 神,就无属tī基督。10基督若tiàm-tī lín内面,虽 然lín ê身 躯因为罪死,圣 神hō͘ lín iáu-koh活teh,因为lín已经kah上 主有四 正ê关 系。11 Hō͘耶稣tùi死 人 中koh活Hit位ê圣 神tiàm-tī lín内面,就是hō͘基督耶稣tùi死 人 中koh活Hit位会通 过tiàm-tī lín内面ê圣 神,hō͘ lín注 定会死ê身 躯得tio̍h活 命。12 Án-ne看 起 来,各位兄弟 姊 妹ah,咱有欠 债,m̄-koh m̄是欠肉 体本 性ê债,所以咱生 活 中m̄-thang顺 服肉 体本 性。13 Lín若顺 服肉 体ê罪 性,lín一定会死;lín若靠圣 神除去罪 性ê所做,就会活teh。14所有hō͘上 主ê圣 神引chhōa ê人,lóng是上 主ê kiáⁿ儿。15因为lín tùi上 主领受ê圣 神,m̄是beh hō͘ lín koh tńg去做奴隶,koh再生 活tī惊 惶中;lín领受ê圣 神,是beh hō͘ lín成 做上 主ê kiáⁿ儿,就án-ne,咱thang大 声hoah:「阿爸,天父ah!」16圣 神家己kah咱ê灵做伙见 证,咱是上 主ê kiáⁿ儿。17既然做kiáⁿ儿,咱就是他ê后嗣。咱是上 主ê后嗣,koh kah基督同做后嗣。咱若kah耶稣同受 苦,咱mā会kah他做伙领受荣 光。
将 来ê荣 光
18我 想咱chit时ê艰 苦kah teh-beh对咱显 明ê荣 光bē比得。19受 造物lóng迫 切teh thèng候上 主众kiáⁿ儿ê显 现。20因为受 造物bē-tàng达 到受 造ê目 的,m̄是出tī in ê本意,是上 主ê旨意,m̄-koh受 造物iáu-teh ǹg望,21就是有一日in本 身mā beh受tháu放来脱 离会败 坏ê拘 束,thang kah上 主ê kiáⁿ儿享 受荣 光ê自由。22咱 知,所有受 造物chit-má iáu-teh吐 气哀叫,ná亲 像teh经 验生 产ê痛 苦。23 M̄-nā受 造物án-ne,连咱chiah-ê得tio̍h圣 神ê头水 果子ê人mā teh吐 气,teh thèng候上 主接 纳咱 做他ê kiáⁿ儿,hō͘咱kui个人得tio̍h赎 回。24因为咱得救是tùi chit款ê ǹg望,ǹg望若看会tio̍h就m̄是ǹg望。看会tio̍h ê ǹg望,ná tio̍h koh去ǹg望?25咱若ǹg望hit-ê看be7tioh8-.5,就会忍 耐thèng候。26圣 神mā亲 像án-ne,tī咱软chiáⁿ ê时kā咱扶 持,因为咱m̄知应 该tio̍h án怎祈祷chiah tio̍h,m̄-koh圣 神家己用人ê话bē-tàng表 达ê吐 气teh替咱祈求。27鉴 察人ê心ê上 主,知圣 神ê意思,因为圣 神是 照上 主ê意思,来替信徒祈求。28咱 知,上 主hō͘ hiah-ê疼他ê人,就是照他家己ê旨意选 召.ê,kah他同 工,hō͘万事对in lóng有利益。29 In-为上 主tāi先拣 选ê人,mā tāi先定tio̍h hō͘ in kah他ê Kiáⁿ ê形 象相 仝,thang hō͘他ê Kiáⁿ tī chē-chē兄弟 中做 大kiáⁿ。30 Hiah-ê预先定tio̍h ê人,上 主mā kā in拣 召。已经拣 召ê,他mā kā in宣 判做义 人,thang hō͘他ê Kiáⁿ tī真chē兄弟ê中 间做 大kiáⁿ。
上 主ê疼
31 Taⁿ讲 到chia咱beh koh讲甚 么?上 主若为咱,啥 人会kah咱做 对敌?32上 主既然无惜家己ê Kiáⁿ,为tio̍h咱众 人牺 牲,kám bē续将万 物白 白赐hō͘咱?33啥 人ē-tàng控 告上 主ê选 民?宣 判in做义 人ê是上 主。34若án-ne,啥 人ē-tàng kā in定 罪?M̄是基督耶稣,他已经死à。上 主koh hō͘他tùi死 人 中koh活 起来,坐tī上 主ê正pêng,mā替咱祈求。35啥 人ē-tàng切 断基督对咱ê疼?Kám是患 难,是困 苦,是迫 害,是iau饿,是thǹg-pak-theh,是危 险,á是hō͘利刀thâi死?36照圣 经所记载:为tio̍h祢ê缘故,阮kui日面对死 亡ê威胁。阮hō͘人看 做teh-beh hō͘人thâi ê羊。」(注:诗44:22) 37 Lóng m̄是,tī chiah-ê所有ê tāi-chì,咱tùi疼 咱ê上 主得 胜kah有chhun。38因为我确 信无论是死,是活,是天使,是掌 权 者,是现 今.ê,是将 来.ê,有 权 能.ê,39是天 顶,是地 上,á是任何受 造物,lóng bē-tàng切 断,上 主通 过主基督耶稣对咱ê疼!