巴克礼普世版(试读本) 罗马书第三章
1 Án-ne讲 起来,做犹 太 人有甚 么优 点?受割礼有甚 么利益?2 Tī ta̍k方 面lóng有真chē好 处,头 一 项就是上 主有 将他ê话交 托in。3 In中 间若有人无信实,in ê无信实kám会hō͘上 主ê话变 做无信实?4绝 对bē!甚 至所有ê人lóng白 贼,上 主mā一定是真实-。Ê。照圣 经所记载:「祢讲 话ê时,人会认 定祢所 讲ê是tio̍h,祢受 审 判ê时,mā会得tio̍h胜 利。」(注:诗51:4) 5 M̄-koh咱ê不义若ē-tàng显 明上 主ê公 义,咱ē-tàng讲甚 么lè?我照世 间 人ê想 法讲:上 主对咱受气是m̄-tio̍h,kám是án-ne?6绝 对m̄是!上 主若m̄是公 义.ê,他ná ē-tàng审 判世间?7我ê虚假若无老实thang hō͘上 主ê真实koh-khah明 显,hō͘他koh-khah有荣 光,我ná会iáu-koh hō͘他宣 判做罪 人?8 Án-ne ná会m̄讲:「咱来做pháiⁿ thang hō͘好tāi-chì显 明?」确 实有人án-ne讲,来kā阮中 伤,chit款人应 该受 责 罚。
世间无义 人
9 Án-ne,咱犹 太 人kám有比外 邦 人khah优秀?无,一 点 点á都无!因为我 已经有指 责犹 太 人kah外 邦 人lóng受罪ê管 辖。10照圣 经所记载:「Lóng无义 人,连一个都无!11无 人明 白是非,mā无 人chhōe求上 主。12人 人离开正 路,lóng行迷路。Lóng无 人做好,连一个都无。(注:诗14:1-3) 13 In ê咙喉亲 像开 开ê墓。In ê嘴 舌欺 诈人。In ê嘴 唇有蛇ê毒。(注:诗5:9) 14 In嘴 内充 满恶毒ê咒 诅。( chù:诗10:7) 15 In走真 紧,急beh thâi人。16 In经 过ê路有毁 灭kah悲 惨。17 In m̄知有平 安ê路。(注:赛59:7-8) 18 In眼 中无敬 畏上 主。」(注:诗36:1) 19 Taⁿ咱 知律 法一 切ê要求,是对hiah-ê受律 法管 辖ê人teh讲ê,hō͘人bē-tàng辩 解,hō͘全 世界lóng受 上 主ê审 判。20所以无 人ē-tàng靠遵守律 法,来hō͘上 主看 做义 人。律 法是beh hō͘人知 影甚 么是罪。
通 过信 仰来Kah上 主和好
21 Taⁿ上 主已经kā咱指示,咱m̄免靠律 法就ē-tàng kah他建 立和合ê关 系,律 法kah先知mā lóng有为tio̍h chit项tāi-chì做 见 证。22 Kah上 主和合ê关 系,是通 过信耶稣基督;上 主hō͘所有信ê人,lóng仝 款得tio̍h chit-ê和合ê关 系。23因为所有ê人lóng犯 罪,bē-tàng领受 上 主ê荣 光。24 M̄-koh上 主无条 件ê恩赐,hō͘人ē-tàng通 过基督耶稣来 完 成ê救 赎,thang得tio̍h kah上 主有和合ê关 系。25上 主牺 牲基督做赎 罪ê祭 品,用他ê血hō͘信他ê人ê罪得tio̍h赦 免,上 主宽 容无追究人过 去所 犯ê罪。26 Chit-má,上 主hō͘所有信耶稣ê人,kah他有和合ê关 系,上 主用án-ne来 显 明他ê公 义。27若án-ne,咱iáu有甚 么thang夸 口?Lóng无!靠 甚 么法 则?靠行 为是无?M̄是!是靠信ê法 则。28所以咱ê结 论是:人ē-tàng kah上 主建 立和合ê关 系,m̄是靠遵守律 法,是靠信来得tio̍h。29上 主kám kan-taⁿ是犹 太 人ê上 主?他mā是外 邦 人ê上 主,kám m̄是?是,他mā是外 邦 人ê上 主。30既然上 主只有 一位,他hō͘受割礼ê kah无受割礼ê,lóng仝 款tùi信来得tio̍h kah他有和合ê关 系。31 Án-ne,咱因为chit-ê信soah hō͘律 法失去功 效?当 然m̄是,颠倒是确 立律 法。