《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 使徒行传第二十八章

作者 巴克礼普世版小组 2014.09.07

Tī米利大(bí-lī-tāi)
1阮(goán)上 岸(chiūⁿ-hōaⁿ)了 后(liáu-āu)chiah知 影(chai-iáⁿ)，hit-ê岛屿(tó-sū)名 叫(miâ-kiò)米利大(bí-lī-tāi)(注(chù)：现 今(hiān-kim)叫 做(kiò-chò)马尔他(má-ní-tha)，英语(eng-gí)名(miâ)：Malta)。2当地(tong-tē)ê原 住 民(goân-chū-bîn)真(chin)亲 切(chhin-chhiat)款 待(khoán-thāi)阮(goán)，因为(in-ūi)落雨(lo̍h-hō͘)koh寒(kôaⁿ)，in就(chiū)起 火(khí-hóe)kā阮(goán)接 待(chiap-thāi)。3保罗(pó-lô)拾(khioh)一 把(chi̍t-pé)柴(chhâ)hiat落去(lo̍h-khì)火 里(hóe-ni̍h)，因为(in-ūi)火(hóe)热(joa̍h)，有(ū)毒 蛇(to̍k-chôa)chông出 来(chhut-lâi)，缠(tîⁿ)tiâu tī伊(i)ê手(chhiú)。4原 住 民(goân-chū-bîn)看(khòaⁿ)tio̍h hit尾(bóe)毒 蛇(to̍k-chôa)tiâu tī伊(i)ê手(chhiú)，就 做(chiū chò)伙(hóe)讲(kóng)：「Chit-ê人(lâng)一定(it-tēng)是(sī)凶 手(hiong-chhiú)，虽 然(sui-jiân)tùi海里(hái-ni̍h)拾(khioh)tio̍h命(miā)，天 理(thian-lí)bē容 允(iông-ín)伊(i)活(oa̍h)。」5保罗(pó-lô)kā毒 蛇(to̍k-chôa)hiù落去(lo̍h-khì)火 里(hóe-ni̍h)，伊(i)lóng无(bô)受 伤(siū-siong)。6原 住 民(goân-chū-bîn)lóng teh thèng候(hāu)伊(i)ê手(chhiú)肿(chéng)起来(khí-lâi)，á是(sī)忽 然 间(hut-jiân-kan)倒落去(tó lo̍h-khì)死(sí)。In thèng候(hāu)真 久(chin-kú)，看(khòaⁿ)tio̍h伊(i)lóng无(bô)tāi-chì，就(chiū)颠倒(tian-tò)想 讲(siūⁿ-kóng)伊是(i sī)神 明(sîn-bêng)。7海岛(hái-tó)ê头 人(thâu-lâng)Pō͘-pek-liû，离(lî)hia无(bô)jōa远(hn̄g)ê所 在(só͘-chāi)有(ū)一块(chi̍t-tè)田 园(chhân-hn̂g)。伊(i)欢 迎(hoan-gêng)阮(goán)去(khì)tòa hia三日(saⁿ-ji̍t)久(kú)，真(chin)好礼(hó-lé)kā阮(goán)款 待(khoán-thāi)。8 Hit时(sî)，Pō͘-pek-liû ê老父(lāu-pē)患(hoān)tio̍h热 病(jia̍t-pēⁿ)kah赤 痢(chhiah-lī)，倒(tó)tī眠 床(bîn-chhn̂g)。保罗(pó-lô)入去(ji̍p-khì)kā伊(i)hōaⁿ手(chhiú)祈祷(kî-tó)，就(chiū)医好(i-hó)伊(i)ê病(pēⁿ)。9因为(in-ūi)án-ne，岛屿(tó-sū)中(tiong)破 病(phòa-pēⁿ)ê人(lâng)，mā来(lâi)hō͘伊(i)医好(i-hó)。10 In送(sàng)阮(goán)真(chin)chē礼物(lé-mi̍h)，阮(goán)beh开 船(khui-chûn)ê时(sî)，将(chiong)阮(goán)需要(su-iàu)ê物(mi̍h)送(sàng)到(kàu)船 里(chûn-ni̍h)hō͘阮(goán)。

Tùi米利大(bí-lī-tāi)去(khì)罗马(lô-má)
11三个(saⁿ-ê)月(goe̍h)后(āu)，阮(goán)搭(tah)亚力山大(a-le̍k-san-tāi)ê船(chûn)出 发(chhut-hoat)，hit只(chiah)船(chûn)号做(hō-chò)「宙斯(tiū-su)ê双 生(siang-seⁿ)á-kiáⁿ」，是(sī)tī chit-ê岛屿(tó-sū)过(kòe)冬 天(tang-thiⁿ)。12阮(goán)tī Sū-lah-kó͘上 岸(chiūⁿ-hōaⁿ)，tòa hia停 留(thêng-liû)三日(saⁿ-ji̍t)。13 Tùi hia se̍h到(kàu)Lī-kî-ong。隔(keh)tńg日(ji̍t)有(ū)透(thàu)南 风(lâm-hong)，第二(tē-jī)日(ji̍t)就 到(chiū kàu)Pō͘-tiu-lī。14 Tī hia阮(goán)tú-tio̍h一(chi̍t)kóa信徒(sìn-tô͘)，in请(chhiáⁿ)阮(goán)kah in做(chò)伙(hóe)tòa七 日(chhit-ji̍t)，后来(āu-lâi)阮(goán)就 到(chiū kàu)罗马(lô-má)。15罗马(lô-má)ê信徒(sìn-tô͘)听(thiaⁿ)tio̍h阮(goán)ê消 息(siau-sit)，就 对(chiū tùi)hia来到(lâi-kàu)A-pí-o͘市(chhī)kah Sam-koán ê所 在(só͘-chāi)，kā阮(goán)迎 接(gêng-chiap)。保罗(pó-lô)看(khòaⁿ)tio̍h in就(chiū)感 谢(kám-siā)上 主(siōng-chú)，koh-khah壮 胆(chòng-táⁿ)起来(khí-lâi)。

保罗(pó-lô)Tī罗马(lô-má)
16阮(goán)到(kàu)罗马(lô-má)了 后(liáu-āu)，准(chún)保罗(pó-lô)kah看 守(khòaⁿ-siú)伊(i)ê兵(peng)á另 外(lēng-gōa)tòa。17三日后(saⁿ-ji̍t āu)，保罗(pó-lô)请(chhiáⁿ)犹 太 人(iû-thài-lâng)ê头 人(thâu-lâng)来(lâi)相 会(siong-hōe)。In聚 集(chū-chi̍p)了 后(liáu-āu)，保罗(pó-lô)就 对(chiū tùi)in讲(kóng)：「兄弟 姊 妹(hiaⁿ-tī chí-mōe)ah，我(góa)虽 然(sui-jiân)m̄-bat犯(hoān)tio̍h对不 起(tùi-put-khí)咱(lán)ê同 胞(tông-pau)á是(sī)祖 先(chó͘-sian)ê规例(kui-lē)，m̄-koh tùi耶路撒 冷(iâ-lō͘-sat-léng)受 掠(siū-lia̍h)，hō͘人(lâng)送 交(sàng-kau)罗马(lô-má)当 局(tong-kio̍k)。18 In已经(í-keng)kā我(góa)审 判(sím-phòaⁿ)，看(khòaⁿ)我无(góa bô)犯(hoān)tio̍h该死(kai-sí)ê罪(chōe)，就 想(chiū siūⁿ)beh放(pàng)我(góa)。19 M̄-koh犹 太 人(iû-thài-lâng)反 对(hoán-tùi)，我(góa)不得已(put-tek-í)chiah对(tùi)罗马(lô-má)皇 帝(hông-tè)上 诉(siōng-sò͘)。其实(kî-si̍t)我(góa)无意思(bô ì-sù)beh控 告(khòng-kò)家己(ka-kī)ê同 胞(tông-pau)。20因为(in-ūi)án-ne我(góa)chiah请(chhiáⁿ)lín来(lâi)见面(kìⁿ-bīn)，做(chò)伙(hóe)讨论(thó-lūn)。我是(góa sī)为(ūi)tio̍h以色列(í-sek-lia̍t)所(só͘)ǹg望(bāng)Hit位(ūi)，chiah受(siū)chit-ê铁 链(thih-liān)á捆 缚(khún-pa̍k)。」21 In对(tùi)保罗(pó-lô)讲(kóng)：「阮(goán)m̄-bat对(tùi)犹太(iû-thài)接(chiap)tio̍h phoe讲 到(kóng-kàu)你(lí)ê tāi-chì，mā无 甚 么(bô sím-mi̍h)兄弟(hiaⁿ-tī)到(kàu)chia通 报(thong-pò)，á是 讲(sī kóng)你(lí)ê pháiⁿ话(ōe)。22 M̄-koh阮(goán)ài听(thiaⁿ)你(lí)ê意见(ì-kiàn)，因为(in-ūi)阮 知(goán chai)lín chit派(phài)ê人(lâng)ta̍k所 在(só͘-chāi)hō͘人(lâng)反 对(hoán-tùi)。」23 In kah保罗(pó-lô)约 定(iok-tēng)日期(ji̍t-kî)，有真(ū chin)chē人(lâng)来到(lâi-kàu)伊(i)tòa ê厝(chhù)。Tùi早(chá)到(kàu)暗(àm)，保罗(pó-lô)为(ūi)tio̍h上 主(siōng-chú)ê国度(kok-tō͘)做 见 证(chò kiàn-chèng)，引 用(ín-iōng)摩西(mô͘-se)ê律 法(lu̍t-hoat)kah先知(sian-ti)ê册(chheh)，劝 勉(khoàn-bián)in来信(lâi sìn)耶稣(iâ-so͘)。24伊(i)所 讲(só͘ kóng)ê话(ōe)，有人(ū lâng)信(sìn)，有人(ū lâng)m̄信(sìn)。25 两(nn̄g)pêng中 间(tiong-kan)意见(ì-kiàn)bē合(ha̍h)就 四散(chiū sì-sòaⁿ)。保罗(pó-lô)先(seng)讲(kóng)一 句话(chi̍t-kù ōe)，讲(kóng)：「圣 神(sèng-sîn)托 先知(thok sian-ti)以赛亚(í-sài-a)ê嘴(chhùi)，kā lín ê祖 先(chó͘-sian)所 讲(só͘ kóng)ê话(ōe)真(chin)tio̍h！26伊(i)讲(kóng)：『去(khì)kā chit-ê子 民(chú-bîn)讲(kóng)：Lín听(thiaⁿ)koh听(thiaⁿ)，mā lóng bē明 白(bêng-pe̍k)；Lín看(khòaⁿ)koh看(khòaⁿ)，mā lóng bē看 见(khòaⁿ-kìⁿ)。27因为(in-ūi)chit-ê子 民(chú-bîn)心 钝(sim-tūn)，耳 孔(hīⁿ-khang)重(tāng)，目 睭(ba̍k-chiu)放(pàng)kheh-kheh；In若(nā)用 目 睭(ēng ba̍k-chiu)看(khòaⁿ)tio̍h，用 耳 孔(ēng hīⁿ-khang)听(thiaⁿ)tio̍h，用 心(iōng-sim)明 白(bêng-pe̍k)，就会(chiū-ē)回 心 转意(hôe-sim choán-ì)，我 就(góa chiū)kā in医好(i-hó)。」(注(chù)：赛6：9-10) 28所以(só͘-í)lín tio̍h知(chai)，上 主(siōng-chú)chit ê拯 救(chín-kiù)ê信息(sìn-sit)已经(í-keng)传(thoân)hō͘外 邦 人(gōa-pang-lâng)，in会听(ē thiaⁿ)koh会接 受(ē chiap-siū)。29 (有(ū)ê版 本(pán-pún)有(ū)29节(cheh)：保罗(pó-lô)讲(kóng)chiah-ê话(ōe)了 后(liáu-āu)，hiah-ê犹 太 人(iû-thài-lâng)议论(gī-lūn)纷 纷(hun-hun)，就 离开(chiū lī-khui)hia。) 30保罗(pó-lô)tòa家己(ka-kī)税(sòe)ê厝(chhù)两(nn̄g)年久(nî-kú)，来 访 问(lâi hóng-būn)ê人(lâng)，伊(i)lóng kā in接 待(chiap-thāi)。31伊(i)好胆(hó-táⁿ)宣 扬(soan-iông)上 主(siōng-chú)ê国度(kok-tō͘)，koh将(chiong)主(chú)耶稣基督(iâ-so͘ ki-tok)ê福 音(hok-im)教示人(kà-sī lâng)，lóng无(bô)受 人(siū lâng)阻 挡(chó͘-tòng)。