巴克礼普世版(试读本) 使徒行传第二十七章
保罗坐 船去罗马
1一下决 定阮tio̍h坐 船去意大利,就 将保罗kah另 外几nā个犯 人,交hō͘皇 家 军Se-pa-sū-tok营名 叫Iû-liû ê连 长。2阮坐一 只tùi A-tāi-米甸来ê船,chit只船tú beh沿亚西亚省海墘几nā个港 口行。有一个tùi马其顿来ê帖 撒罗尼迦 人A-lí-ta̍t-kó͘,kah阮做伙去。3隔tńg日来到Se-tùn,Iû-liû真亲 切款 待保罗,准伊来见chiah-ê朋 友,受in ê招待。4阮tùi hia koh开 船,因为对 头 风ê缘故,就顺居比路岛闪 风hit-pêng经 过。5阮经 过Ki-lī-ka kah Pông-hui-lī-a ê外 海,来到Lū-ka ê Múi-lah。6 Tī hia连 长tú-tio̍h一 只tùi亚力山大来ê船,beh开去意大利,就 叫阮坐hit只船。7船行真慢,经 过真chē日chiah来到Kek-nî-thó͘ ê外 海,因为受风阻 挡,阮就顺Kek-lí-tí岛闪 风hit pêng,行tùi Sat-mô͘-nî过 去。8阮ê船沿海岸行,勉 强来到离Lah-se-a无jōa远,一个名叫「安 全 港」ê城。9阮已经chhiân真chē日,koh因为禁 食ê期已经过,行 船真危 险。保罗劝大家,10讲:「各位,我 看chit-pái行 船,m̄-nā货 物kah船,连咱ê性 命都会tú-tio̍h危 险kah大损 失。」11 M̄-koh连 长相 信船 长kah船主ê话,无beh听保罗讲ê话。12 Koh tī chit-ê港 口过冬 天无适 合。大 部 分ê人赞 成开 船离开chia,ǹg望ē-tàng赶 到腓尼基去过冬 天。腓尼基是Kek-lí-tí岛ê一个港 口,一 面ǹg东 南,一 面ǹg东 北。
Tú-tio̍h大风 涌
13 Hit时,lâm风微微á吹 来,大家想 讲ē-tàng顺利到目 的地,就起锭,尽 量沿Kek-lí-tí岛海墘行。14 M̄-koh过无jōa久,一chūn叫 做"Iú-lah-ku-lûn" ê东 北强 风,tùi岛屿顶 面扫 落来。15船一下hō͘风扫,接载bē-tiâu,就chhut-chāi伊漂 流。16船驶来到一个叫 做Ko-tāi ê小岛,阮勉 强ē-tàng收舢 板起来。17舢 板收 起来船 顶了 后,就 用方 法捆 缚tī船 底,因为恐 惊会tī Sài-ní-tí ê沙 洲搁 浅,就kā帆降 落,chhut-chāi船去漂 流。18阮hō͘风 涌扫kah真厉害,隔tńg日,大家就 开始kā货 物hiat落海。19第三日,in koh亲 手kā船 里ê器具tàn落海。20阮已经几nā日久无 看tio̍h星kah日头出 现,风 涌继 续phah kah真厉害,阮得救ê ǹg望lóng消 失去à。21众 人真 久无 食,保罗khiā tī in中 间,讲:「各位,lín前若听我ê话,无开 船离开Kek-lí-tí岛,就bē tú-tio̍h chit种ê伤 害kah损 失。22 Taⁿ我劝lín the̍h出勇 气,因为lín中 间无kah一个 人会丧 失性 命,kan-taⁿ会失落chit只船niā-niā。23因为我所属kah所敬 拜ê上 主,他ê天使昨 暝khiā tī我身边,24对 我 讲:『保罗,m̄免惊!你一定tio̍h去khiā tòa罗马皇 帝ê面 前。上 主已经将船 内所有ê人交 托你à。』25所以咱tio̍h勇 敢,因为我相 信tāi-chì会 照上 主kā我 讲ê来实 现。26 M̄-koh咱一定会tī一个海岛搁 浅。」27到第十 四日ê暗时,阮漂 流tī A-tí-a海。差 不多tī半 暝,水 手掠 做teh-beh óa近陆 地。28就tàn探水 深ê铅坠落海,探 出有40公 尺深,koh去略á chìn前ê所 在探,有30公 尺深。29恐 惊鑢tio̍h大 石,就tī船 尾抛四个锭,迫 切ǹg望紧天 光。30水 手想beh离开 船逃 走,就 放舢 板落海,假做beh tùi船 头抛锭。31保罗对连 长kah兵á讲:「Chiah-ê人若无留tī船 顶,lín就 无救。」32兵á就斩 断舢 板ê大 索,chhut-chāi它流去。33到天beh光ê时,保罗劝大家tio̍h食,讲:「Lín已经十 四日久lóng无 食,34所以我劝lín tio̍h食,这是关 系lín ê得救,因为lín无kah一个 人会失落一支头 毛。」35保罗讲soah,the̍h饼,tī众 人ê面 前感 谢上 主了 后,kā饼peh开来 食。36大家心就定落来,lóng the̍h物 件来 食。37 Kah阮仝 船.ê,总 共有两 百七 十 六人。38大家食 饱,kā麦á hiat落海,thang hō͘船khah轻。
船搁 浅
39到 天 光,水 手m̄-bat hit-ê所 在,m̄-koh有 看tio̍h一个海 湾有沙 滩,就 做伙想 看ē-tàng kā船驶 上顶 面á-bē。40 In kā tiàⁿ-索斩 断,放 落 去海里,mā tháu开召船 舵ê索,kā船 头ê帆召起来hō͘伊食风,kā船驶 上沙 滩。41 M̄-koh船鑢tio̍h沙 滩就搁 浅,船 头咬tiâu-teh bē振 动,船 尾hō͘大 涌phah破。42兵á惊犯 人泅 水逃 走,想beh kā in lóng thâi死。43 M̄-koh连 长ài-beh救保罗,就kā in阻 挡,命 令会泅 水ê人先跳落 水上 岸。44其他ê人chiah利 用船 枋,á是船 顶会浮ê物上 岸。Án-ne,阮全 部lóng安 全上 岸。