巴克礼普世版(试读本) 使徒行传第二十三章
1保罗注 目 看议会,讲:「兄弟 姊 妹ah,我平 时tī上 主ê面 前完 全照清 白ê良 心,直到今á日。2大 祭司亚拿尼亚命 令身边teh khiā ê人siàn伊ê嘴phóe。3保罗就 对伊讲:「你chit-ê攃kah白siak-siak ê墙ah,上 主会kā你phah。你开 庭tio̍h照 律 法来kā我审 判,竟 然违背律 法命 令人kā我phah?」4 Khiā tī保罗身边ê人讲:「你敢骂上 主ê大 祭司?」5保罗讲:「兄弟 姊 妹ah,我m̄-bat伊是大 祭司,因为圣 经有记载:M̄-thang骂治理人民ê长 官。」(注:出22:28) 6 M̄-koh保罗知 影in一pêng是撒都该 派ê人,一pêng是法 利赛 派ê人,就tī议 会 中大 声hoah:「兄弟 姊 妹ah,我是法 利赛 派ê人,mā是法 利赛 派ê人ê kiáⁿ。我tī chia受 审 判就是ǹg望死人ê koh活!」7保罗án-ne讲soah,法 利赛 派ê人kah撒都该 派ê人 就起争 论,议会mā分 裂。8因为撒都该 派ê人讲无koh活,mā无天使,mā无灵 魂,m̄-koh法 利赛 派ê人主 张chit三 项lóng有。9喧 嚷ê声ná来ná大。法 利赛 派hit pêng ê经 学 教 师几nā个起来争 辩讲:「阮看chit-ê人lóng无做pháiⁿ,kám讲真 正有圣 神á是天使对伊讲 话?」10争 论ná来ná剧 烈,营长惊保罗去hō͘ in拆 碎,命 令兵á落去tùi in中 间kā保罗抢出 来,kā伊chhōa入去营 房。11 Hit暝,主khiā tī保罗ê身边,讲:「Tio̍h勇 敢!你bat tī耶路撒 冷为我做 见 证,mā一定tio̍h tī罗马为我做 见 证。」
杀 害保罗ê阴谋
12隔tńg早 起,犹 太 人结 党chiù-chōa,讲:「若无thâi死保罗,m̄食m̄ lim。」13做伙án-ne计谋ê人有四十个以上。14 In去见祭司长kah长老,讲:「阮已经chiù重chōa,若无thâi死保罗,半 项物都m̄食。15 Taⁿ lín kah议会tio̍h kā营长要求,请 伊chhōa保罗来lín ê面 前,假做lín beh koh详 细查 问伊ê案 情。阮准 备好à,tī伊到chia ê时kā伊thâi死。」16保罗ê外 甥听tio̍h chit-ê埋 伏ê阴谋,就 入去营kā保罗讲。17保罗叫一个连 长来,讲:「请chhōa chit-ê少 年 人去见营长,因为伊有tāi-chì beh报伊知。」18连 长就chhōa少 年 人去见营长,讲:「Hit-ê受 关ê保罗叫我 去,求我chhōa chit-ê少 年 人来见你。伊有tāi-chì beh kā你报告。」19营长牵伊ê手去边á,问 讲:「Beh报告我 知甚 么tāi-chì?」20伊讲:「犹 太 人已经讲好势,假做beh koh详 细查 问保罗ê案 情,会求你明á载chhōa保罗去议会。21求你m̄-thang听in ê话,因为in有四 十gōa人埋 伏teh等伊。In bat chiù-chōa讲:若无thâi死保罗,m̄ lim m̄食。Taⁿ in lóng准 备好势,teh thèng候你ê允 准。」22营长kah少 年 人去,吩 咐伊讲:「M̄-thang对 人讲,你有 将chiah-ê tāi-chì通 知我。」
护 送保罗去Hō͘腓力斯总 督
23营长吩 咐两个连 长,讲:「Eng暗九 点以 前,tio̍h准 备步 兵两 百,马 兵七 十,gia̍h枪ê兵两 百,出 发去该撒利亚。24 Koh准 备马hō͘保罗骑,护 送伊安 全去 到总 督腓力斯hia。」25营长就写一 张phoe án-ne写:26 Kek-ló-tiu Lū-se-a kā总 督腓力斯大人请 安。27 Chit-ê人hō͘犹 太 人掠 去beh kā伊thâi死ê时,我一下 知伊是罗马公 民,就带兵去kā伊救。28我 想beh明 白in告伊ê理由,就送伊去in ê议会。29我查 出伊hō͘人告是为tio̍h in ê律 法辩 论,并 无犯tio̍h该死á是kā伊关 监ê罪。30后来有人kā我报告讲犹 太 人teh计谋陷 害chit-ê人。我随时kā伊送 去你hia,mā命 令告伊ê人mā tio̍h tī你ê面 前kā伊控 告。」31步 兵执 行命 令,将保罗透 暝带 去交hō͘ An-thê-phàⁿ-tí。32隔tńg日,步 兵tńg去营 房,hō͘马 兵继 续护 送保罗。33 In来到该撒利亚,就 将hit张phoe交hō͘总 督,mā将保罗交hō͘伊。34总 督读hit张phoe了 后,问保罗是tó一 省ê人,知 影伊是Ki-lī-ka省ê人。35就 讲:「等告你ê人到位,我会详 细处 理你ê案 件。总 督就 吩 咐kā保罗拘留tī希律ê衙 门。