《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 使徒行传第九章

作者 巴克礼普世版小组 2014.04.27

扫罗(sò-lô)归 主(kui-chú) (徒22：6-16；26：12-18)
1扫罗(sò-lô)iáu-koh继 续(kè-sio̍k)恐 吓(khióng-hat)beh thâi主(chú)ê门徒(bûn-tô͘)，伊(i)去见(khì kìⁿ)祭司长(chè-si-tiúⁿ)，2要求(iau-kiû)伊(i)写(siá)phoe hō͘大马 色(tāi-má-sek)hia-ê会 堂(hōe-tn̂g)，准伊(chún i)若(nā)tú-tio̍h信(sìn)chit-ê道理(tō-lí)ê人(lâng)，无论(bô-lūn)男女(lâm-lí)，thang kā in缚 起来(pa̍k khí-lâi)，押去(ah-khì)耶路撒 冷(iâ-lō͘-sat-léng)。3扫罗(sò-lô)行(kiâⁿ)beh到(kàu)大马 色(tāi-má-sek)ê时(sî)，忽 然(hut-jiân)tùi天(thiⁿ)有光(ū-kng)照 射(chiò-siā)tī伊(i)四周围(sì-chiu-ûi)。4伊(i)就(chiū)跋 倒(poa̍h-tó)tī土 脚(thô͘-kha)，听(thiaⁿ)tio̍h有声(iú-siaⁿ)对伊(tùi i)讲(kóng)：「扫罗(sò-lô)，扫罗(sò-lô)，ná会(ē)beh迫 害(pek-hāi)我(góa)？」5伊(i)问 讲(mn̄g kóng)：「主(chú)ah，祢(lí)是啥 人(sī siáⁿ-lâng)？」Hit-ê声(siaⁿ)讲(kóng)：「我(góa)to̍h是(sī)你(lí)所(só͘)迫 害(pek-hāi)ê耶稣(iâ-so͘)。6起来(khí-lâi)入去(ji̍p-khì)城内(siâⁿ-lāi)，有(ū)-人(lâng)会(ē)kā你(lí)指示(chí-sī)你(lí)tio̍h án怎(chóaⁿ)做(chò)。」7同 伴(tâng-phōaⁿ)就(chiū)tòng-tiām，gāng-gāng khiā-teh bē讲 话(kóng-ōe)；in有听(ū thiaⁿ)tio̍h声(siaⁿ)，m̄-koh无 看(bô khòaⁿ)tio̍h影(iáⁿ)。8扫罗(sò-lô)tùi土 脚(thô͘-kha)peh起来(khí-lâi)，目 睭(ba̍k-chiu)thí开(khui)，m̄-koh看(khòaⁿ)无 甚 么(bô sím-mi̍h)。In就 牵(chiū khan)伊(i)ê手(chhiú)，chhōa伊(i)入去(ji̍p-khì)大马 色(tāi-má-sek)。9扫罗(sò-lô)tī hia三日(saⁿ-ji̍t)久(kú)，目 睭(ba̍k-chiu)失 明(sit-bêng)，无 食(bô chia̍h)mā无(bô)lim。10 Tī大马 色(tāi-má-sek)有一个(ū chi̍t-ê)门徒(bûn-tô͘)名 叫(miâ-kiò)亚拿尼亚(a-ná-nî-a)，上 主(siōng-chú)tī异 象(īⁿ-siōng)中(tiong)kā伊(i)讲(kóng)：「亚拿尼亚(a-ná-nî-a)ah。」伊(i)应 讲(ìn-kóng)：「主(chú)ah，我(góa)tī chia。」11主(chú)对伊(tùi i)讲(kóng)：「起来(khí-lâi)，去(khì)hit条(tiâu)叫 做(kiò-chò)『直(ti̍t)』ê街路(ke-lō͘)，tī犹大(iû-tāi)ê厝(chhù)chhōe一个名(chi̍t-ê miâ)叫(kiò)扫罗(sò-lô)ê大数 人(tāi-sò͘-lâng)，你(lí)会看(ē khòaⁿ)tio̍h伊(i)tī hia teh祈祷(kî-tó)。12扫罗(sò-lô)tī异 象(īⁿ-siōng)中(tiong)看(khòaⁿ)tio̍h一个名(chi̍t-ê miâ)叫(kiò)亚拿尼亚(a-ná-nî-a)ê人(lâng)，入来(ji̍p-lâi)kā伊(i)hōaⁿ手(chhiú)，hō͘伊(i)ē-tàng koh看 见(khòaⁿ-kìⁿ)。」13亚拿尼亚(a-ná-nî-a)应 讲(ìn-kóng)：「主(chú)ah，我(góa)有听(ū thiaⁿ)tio̍h真(chin)chē人(lâng)讲 起(kóng-khí)，chit-ê人(lâng)tī耶路撒 冷(iâ-lō͘-sat-léng)对(tùi)祢(lí)ê信徒(sìn-tô͘)做(chò)真(chin)chē恶毒(ok-to̍k)ê tāi-chì。14伊(i)koh有(ū)祭司长(chè-si-tiúⁿ)ê授 权(siū-koân)，thang tī chia掠(lia̍h)所有(só͘-ū)求叫(kiû-kiò)祢(lí)ê名(miâ)ê人(lâng)。」15 M̄-koh主(chú)kā伊(i)讲(kóng)：「做(chò)你去(lí khì)，伊是(i sī)我(góa)拣 选(kéng-soán)ê器具(khì-kū)，beh对(tùi)外 邦 人(gōa-pang-lâng)、国 王(kok-ông)kah以色列 人(í-sek-lia̍t-lâng)宣 扬(soan-iông)我(góa)ê名(miâ)。16我(góa)mā beh hō͘伊知(i chai)，为(ūi)tio̍h我(góa)ê名(miâ)，伊(i)一定(it-tēng)tio̍h受(siū)真(chin)chē艰 苦(kan-khó͘)。」17亚拿尼亚(a-ná-nî-a)就 去(chiū khì)，入去(ji̍p-khì)hit间(keng)厝(chhù)，kā扫罗(sò-lô)hōaⁿ手(chhiú)，讲(kóng)：「扫罗(sò-lô)兄弟(hiaⁿ-tī)，主(chú)，就是(chiū-sī)你(lí)来(lâi)ê时(sî)路 中(lō͘-tiong)出 现(chhut-hiān)hō͘你 看(lí khòaⁿ)ê耶稣(iâ-so͘)，差(chhe) 我(góa)来(lâi)hō͘你(lí)能(ē)koh看 见(khòaⁿ-kìⁿ)，koh得(tit)tio̍h圣 神(sèng-sîn)充 满(chhiong-móa)。」18随时(sûi-sî)tùi伊(i)ê目 睭(ba̍k-chiu)有(ū)亲 像(chhin-chhiūⁿ)鱼鳞(hî-lân)ê物(mi̍h)lak落来(lo̍h-lâi)，伊(i)就(chiū)koh能看 见(ē khòaⁿ-kìⁿ)，起(khí)来领受(lâi niá-siū)洗礼(sé-lé)。

扫罗(sò-lô)Tī大马 色(tāi-má-sek)传 道(thoân-tō)
19扫罗(sò-lô)食 饱(chia̍h-pá)了 后(liáu-āu)就(chiū)勇 健(ióng-kiāⁿ)起来(khí-lâi)，伊(i)kah大马 色(tāi-má-sek)ê门徒(bûn-tô͘)做(chò)伙(hóe)tòa几(kúi)nā日(ji̍t)。20伊(i)随时(sûi-sî)tī chiah-ê会 堂(hōe-tn̂g)宣 讲(soan-káng)耶稣(iâ-so͘)，讲(kóng)：「他是(i sī)上 主(siōng-chú)ê Kiáⁿ。」21听(thiaⁿ)tio̍h ê人(lâng)lóng tio̍h惊(kiaⁿ)koh奇怪(kî-koài)，讲(kóng)：「Chit-ê人(lâng)kám m̄是(sī)hit-ê tī耶路撒 冷(iâ-lō͘-sat-léng)迫 害(pek-hāi)所有(só͘-ū)求叫(kiû-kiò)chit-ê名(miâ)ê人(lâng)？koh来(lâi)chia beh掠(lia̍h)信徒(sìn-tô͘)拖(thoa)in去 交(khì kau)hō͘祭司长(chè-si-tiúⁿ)。」22 M̄-koh扫罗(sò-lô)ná讲(kóng)ná有力(ū-la̍t)，证 明(chèng-bêng)耶稣(iâ-so͘)是基督(sī ki-tok)，hō͘ tòa tī大马 色(tāi-má-sek)ê犹 太 人(iû-thài-lâng)lóng无(bô)辩 驳(piān-pok)ê余地(î-tē)。23过(kòe)真(chin)chē日(ji̍t)了 后(liáu-āu)，犹 太 人(iû-thài-lâng)做(chò)伙(hóe)计谋(kè-bô͘)beh thâi扫罗(sò-lô)。24扫罗(sò-lô)有听(ū thiaⁿ)tio̍h in ê计谋(kè-bô͘)，hiah-ê人(lâng)暝日(mê-ji̍t)tī城 门(siâⁿ-mn̂g)teh当 等(tng-tán)beh kā伊(i)thâi。25 M̄-koh扫罗(sò-lô)ê门徒(bûn-tô͘)，透 暝(thàu-mê)将(chiong)伊(i)用 一个(ēng chi̍t-ê)篮(nâ)á tùi城 墙(siâⁿ-chhiûⁿ)kā伊(i)lūi落去(lo̍h-khì)。

扫罗(sò-lô)Tī耶路撒 冷(iâ-lō͘-sat-léng)
26扫罗(sò-lô)来到(lâi-kàu)耶路撒 冷(iâ-lō͘-sat-léng)，beh kah门徒(bûn-tô͘)交 陪(kau-pôe)。众 人(chèng-lâng)lóng惊(kiaⁿ)伊(i)，无(bô)相 信(siong-sìn)伊是(i sī)门徒(bûn-tô͘)。27只有(chí-ū)巴拿巴(pa-na-pa)chhōa扫罗(sò-lô)来见(lâi kìⁿ)使徒(sù-tô͘)，kā in说 明(soat-bêng)伊(i)tī路 中(lō͘-tiong)án怎(chóaⁿ)看(khòaⁿ)tio̍h主(chú)，主(chú)kā伊(i)讲 话(kóng-ōe)，以及(í-ki̍p)伊(i)tòa大马 色(tāi-má-sek)jōa-ni̍h-á好胆(hó-táⁿ)奉 主(hōng chú)ê名(miâ)来(lâi)传 福 音(thoân hok-im)。28扫罗(sò-lô)tī耶路撒 冷(iâ-lō͘-sat-léng)kah使徒(sù-tô͘)有(ū)出 入(chhut-ji̍p)来往(lâi-óng)，奉 主(hōng chú)ê名(miâ)好胆(hó-táⁿ)传 福 音(thoân hok-im)。29伊(i)mā kah讲(kóng)希腊话(hi-lia̍p-ōe)ê犹 太 人(iû-thài-lâng)讲 话(kóng-ōe)辩 论(piān-lūn)，hiah-ê人(lâng)iáu-koh不时(put-sî)计谋(kè-bô͘)beh kā伊(i)thâi。30信徒(sìn-tô͘)知 影(chai-iáⁿ)chit-ê tāi-chì，就(chiū)chhōa伊(i)落去(lo̍h-khì)该撒利亚(kai-sat-lī-a)，送(sàng)伊(i)tńg去(khì)大数(tāi-sò͘)。31 Hit时(sî)全(choân)犹太(iû-thài)、加利利省(ka-lī-lī-séng)、撒玛利亚(sat-má-lī-a)ê教 会(kàu-hōe)lóng有(ū)平 安(pêng-an)，ná坚 固(kian-kò͘)发 展(hoat-tián)，所行(só͘ kiâⁿ)所做(só͘ chò)lóng敬 畏(kèng-ùi)主(chú)，得(tit)tio̍h圣 神(sèng-sîn)ê鼓舞(kó͘-bú)，信徒(sìn-tô͘)人数(jîn-sò͘)ná加添(ke-thiⁿ)。

彼得(pí-tek)Tī吕大(lī-tāi)kah约 帕(iok-phàⁿ)
32彼得(pí-tek)去(khì)ta̍k所 在(só͘-chāi)访 问(hóng-būn)，mā有(ū)访 问(hóng-būn)tòa tī吕大(lī-tāi)ê信徒(sìn-tô͘)。33伊(i)tī hia tú-tio̍h一个 人(chi̍t-ê lâng)，名 叫(miâ-kiò)Í-nî-ngá，chit-ê人(lâng)患(hoān)tio̍h半 遂(piàn-sūi)，倒(tó)tī眠 床(bîn-chhn̂g)八(peh)年久(nî-kú)。34彼得(pí-tek)kā伊(i)讲(kóng)：「Í-nî-ngá，耶稣基督(iâ-so͘ ki-tok)kā你(lí)医好(i-hó)à，起来(khí-lâi)，整 顿(chéng-tùn)你(lí)家己(ka-kī)ê床 铺(chhn̂g-pho͘)。Í-nî-ngá随时(sûi-sî)起来 行(khí-lâi kiâⁿ)。35所有(só͘-ū)tòa tī吕大(lī-tāi)kah Sat-lûn ê人(lâng)lóng有 看(ū khòaⁿ)tio̍h án-ne，就 来(chiū lâi)归 主(kui-chú)。36 Tī约 帕(iok-phàⁿ)有一个(ū chi̍t-ê)女信徒(lí-sìn-tô͘)，名 叫(miâ-kiò)Tāi-pí-tāi，希腊话(hi-lia̍p-ōe)叫 做(kiò-chò) “To-ka”，就是(chiū-sī)鹿(lo̍k)á ê意思(ì-sù)。她(i)做(chò)真(chin)chē好(hó)tāi-chì，koh赈 济(chín-chè)sàn-chhiah人(lâng)。37她(i)破 病(phòa-pēⁿ)死去(sí-khì)，人(lâng)洗(sé)她(i)ê身尸(sin-si)，kā她(i)hē tī楼 顶(lâu-téng)ê房 间(pâng-keng)。38因为(in-ūi)吕大(lī-tāi)离(lî)约 帕(iok-phàⁿ)无远(bô hn̄g)，门徒(bûn-tô͘)听(thiaⁿ)tio̍h彼得(pí-tek)tī hia，就 差(chiū chhe)两个 人(nn̄g-ê lâng)去(khì)chhōe伊(i)，求 讲(kiû kóng)：「请(chhiáⁿ)来(lâi)阮(goán)hia，m̄-thang延(iân)chhiân。」39彼得(pí-tek)就 随时(chiū sûi-sî)kah in去(khì)，去(khì)到位(kàu-ūi)就(chiū)有人(ū lâng)chhōa伊(i)去(khì)楼 顶(lâu-téng)ê房 间(pâng-keng)。众(chèng)寡 妇(kóaⁿ-hū)khiā tī彼得(pí-tek)ê身边(sin-piⁿ)teh哮(háu)，将(chiong)To-ka kah in做(chò)伙(hóe)ê时(sî)所做(só͘ chò)ê衫 裤(saⁿ-khò͘)hō͘伊(i)看(khòaⁿ)。40彼得(pí-tek)就(chiū)kah群 众(kûn-chiòng)出 去(chhut-khì)，跪 落去(kūi lo̍h-khì)，祈祷(kî-tó)，oa̍t-tńg身(sin)对(tùi)身尸(sin-si)讲(kóng)：「Tāi-pí-tāi，起来(khí-lâi)。」To-ka ê目 睭(ba̍k-chiu)thí开(khui)，看(khòaⁿ)tio̍h彼得(pí-tek)，就 起来(chiū khí-lâi)坐(chē)。41彼得(pí-tek)伸 手(chhun-chhiú)kā她(i)扶起来(hû khí-lâi)，叫(kiò)hiah-ê信徒(sìn-tô͘)kah寡 妇(kóaⁿ-hū)入来(ji̍p-lâi)，将(chiong)koh活(oa̍h)ê To-ka交(kau)hō͘ in。42全(choân)约 帕(iok-phàⁿ)ê人(lâng)lóng知(chai)chit项(hāng)tāi-chì，就有(chiū-ū)真(chin)chē人(lâng)信 主(sìn-chú)。43彼得(pí-tek)tī约 帕(iok-phàⁿ)kah一个(chi̍t-ê)制 皮(chè-phôe)师傅(sai-hū)西门(se-bûn)做(chò)伙(hóe)tòa真(chin)chē日(ji̍t)。