巴克礼普世版(试读本) 使徒行传第八章
扫罗迫 害教 会
1 Hit日,耶路撒 冷ê教 会tú-tio̍h大迫 害,使徒以外所有ê信徒,lóng四散 去犹太kah撒玛利亚ê ta̍k所 在。2 M̄-koh有kóa敬 虔ê人kā司 提 反埋 葬,为tio̍h伊悲 伤大 声啼 哭。3 Hit时,扫罗下 手迫 害教 会,入去ta̍k-ê信徒ê厝,无论男女lóng拖出 来,kā in送 去关 落 监。
福 音传 到撒玛利亚
4因为án-ne,hiah-ê四散ê人,去ta̍k所 在传 福 音ê道理。5腓力去撒玛利亚ê城,tùi hia ê人宣 扬基督。6众 人听tio̍h腓力所 讲ê话,koh看tio̍h伊所行ê神 迹,就 同 心听腓力ê话。7因为真chē hō͘邪神附身,邪神大 声hoah就tùi所附身ê人出 去。真chē半 遂.ê、 跛 脚.ê,mā lóng得tio̍h医好。8 Hit-ê城ê人大欢 喜。9 M̄-koh有一个人,名 叫西门,以 前bat tī城内行 邪术,自 夸做 大,hō͘撒玛利亚ê人tio̍h惊koh奇怪;10城内ê人大 大细细专 心听伊,讲:「Chit-ê人是上 主ê权 能,是人teh讲ê『大 能 者』。」11 In lóng专 心听伊,是因为in到taⁿ真 久用邪术hō͘ in tio̍h惊koh奇怪。12 M̄-koh in信腓力所 传ê福 音,论上 主ê国度kah耶稣基督ê名了 后,就有男女接受洗礼。13连西门家己mā信,伊受洗礼了 后就kā腓力tòe tiâu-tiâu。伊看tio̍h腓力所行ê神 迹kah所做ê大 权 能奇事,就tio̍h惊koh奇怪。14耶路撒 冷ê使徒听tio̍h撒玛利亚已经接 纳上 主ê道理,就 差彼得kah约 翰去in hia。15 In去到位就替hiah-ê信徒祈祷,hō͘ in thang得tio̍h圣 神充 满。16因为in tú受洗礼,归tī主耶稣ê名niā-niā,圣 神Iáu未临 到in中 间任 何 人。17彼得kah约 翰kā in hōaⁿ手,in就得tio̍h圣 神充 满。18西门看tio̍h hō͘使徒hōaⁿ手lóng得tio̍h圣 神,就献钱hō͘ in,19讲:「请lín mā将chit-ê权 能hō͘我,thang hō͘我hōaⁿ手ê人ē-tàng得tio̍h圣 神。」20 M̄-koh彼得对伊讲:「你ê钱kah你做伙去死,因为你想 讲上 主ê恩赐ē-tàng用钱来买!21 Chit-ê tāi-chì无你ê份,kah你无关 系,因为tī上 主ê面 前你ê存 心不 良。22所以你tio̍h悔 改除去chit-ê pháiⁿ念 头,求主看ē-tàng hō͘你得tio̍h赦 免á-bē。23我看 出你心 内充 满贪 心kah嫉妒,hō͘邪恶捆 缚。」24西门应 讲:「请 你替 我求主,hō͘ lín所 讲ê tāi-chì lóng bē临 到我。」25彼得kah约 翰做 见 证来 传主ê道理,然 后tńg去耶路撒 冷,沿路tī撒玛利亚 人ê真chē庄 社传 福 音。
腓力Kah Ai-thê-o-pek ê太 监
26主ê天使tùi腓力讲:「起来,ǹg南pêng去,行tùi耶路撒 冷落去Ka-sat ê hit条路。」Chit条是通 过旷 野ê路。27腓力起来就 出 发。路 中tú-tio̍h一个Ai-thê-o-pek(现 今ê衣索匹亚) ê太 监,就是Ai-thê-o-pek女王Kan-tāi-ki ê财 务大臣。28 Chit-ê女王去耶路撒 冷敬 拜soah beh tńg去,坐tī车 里teh读先知以赛亚ê册。29圣 神kā腓力讲:「Chìn前去tòe-óa hit台马 车。」30腓力走óa去,听tio̍h伊teh读先知以赛亚ê册,就 问伊讲:「你teh读.ê,你有了 解无?」31太 监应 讲:「无 人kā我解 说,我ná会了 解?」伊就请腓力上车来做伙坐。32伊teh读ê圣 经hit段是:他亲 像羊hō͘人牵 去thâi,亲 像羊á tī剪 毛ê人面 前无出 声,lóng无开 嘴。33他卑微受无公 义ê审 判,无 人替他主 持公 道。啥 人ē-tàng传 述他ê世代?因为他tī地 上ê活 命已经结 束à。」(注:赛53:7-8) 34太 监应腓力讲:「请 问,先知讲chit-ê话是teh指啥 人?是指家己á是指别 人?」35腓力就tùi hit段圣 经开始,对伊传耶稣ê福 音。36 In tùi hit条路落去,来到有水ê所 在,太 监讲:「你 看,chia有水,我kám ē-tàng tī chia领受洗礼?」37腓力kā伊讲:「你nā全 心信就thang领受洗礼。」伊应 讲,「我信耶稣基督是上 主ê Kiáⁿ。」(注:巴克 礼圣 经ê抄 本无37节。) 38太 监就 吩 咐停车。腓力kah太 监两 人落 水,腓力就kā伊洗礼。39 Tùi水 里起来ê时,上 主ê圣 神将腓力接 去。太 监就án-ne无koh看tio̍h伊,m̄-koh iáu是欢 欢 喜喜继 续伊ê路 程。40后来有人tī A-só-to͘看tio̍h腓力,伊沿路ta̍k-ê城 市传 福 音,直到该撒利亚。