《生活e5台语，台语e5生活》

 | | | 转寄

「我真想你」（Elina)影评

作者 华文： 梁良 台译：Chuniok 2006.04.09

导演：卡拉斯．哈洛
编剧：谢尔．松德斯泰特
演员：娜塔莉．明尼、比比．安德逊、亨利克．拉斐森
制作：Filmlance International AB/Filmpool Nord AB

　 　芬兰kap瑞典做厝边，但芬兰一向处tī弱势，受tio̍h瑞典文化ê强势罩tiâu。本片以瑞典境内芬兰裔ê九岁女童伊莉娜(Elina)为主人翁，探讨两国之间ê文化互动kap民族尊严，是一部略á有政治性ê儿童电影。伊由芬兰kap瑞典两国联合摄制，瑞典编剧执笔，芬兰导演掌舵，则明显有反省历史衷诚合作ê用意。

　 　剧情背景是1952年ê两国边界小镇诺博腾，芬兰女童伊莉娜（娜塔莉．明尼饰）肺病tú好，tńg来到学校上课。校长朵拉．荷姆（比比．安德逊饰）正是伊莉娜班上ê老师，伊采取强势ê态度教学生讲纯正ê瑞典语，不准同学tī班上讲芬兰语。芬兰同学安东低声用母语向伊莉娜发问，竟被惩罚中昼bē-sái食饭。伊莉娜不忍心安东被罚，chiông án-ne kā家己ê汤让hō͘伊，但hō͘朵拉制止，而且罚伊莉娜一定ài lim完家己ê汤chiah ē-tàng离开餐厅。伊莉娜认为家己无做错，拒不屈服，师生之间ê斗争jú来jú白热化。

　　新来ê年轻瑞典教师伊纳．毕约（亨利克．拉斐森饰）无想beh tāi-chì闹僵，企图用人性化ê手法劝服伊莉娜tńg去餐厅食饭，mài弄坏身躯，但朵拉坚持ài伊莉娜向伊道歉，gín-á气ê倔强态度一屑á to无输hō͘九岁ê小女孩。始终无妥协ê伊莉娜欢喜行到沼泽地带向伊深爱ê亡父倾吐秘密心情，有一工差不多被困沼泽ê泥沼中无法度脱身，佳哉有母亲kap伊纳合作将伊救出。Chit时伊莉娜chiah明白家己对父母ê误解，á朵拉也tī全校同学支持伊莉娜m̄食饭ê强大民意压力下，先向伊莉娜àⁿ头认错，化解了chit两个「倔强女子」之间ê理念kap性格之争。

　 　编导用「语言政策」作为chit-ê故事ê切入点，描写处tī强势ê瑞典人不该用高压手段强迫芬兰人向in ê文化投降，尽管in认为是出tī一片好意，只是想beh增加芬兰裔学生ê竞争力。朵拉校长kah-ná是用一种像传教士ê使命感来教化伊眼中ê「低等民族」，因此tī执行ê过程中完全不顾对方ê自尊。偏偏伊莉娜又koh是一个欢喜活tī家己想像世界ê固执女孩，硬是m̄食朵拉hit套冷酷无情ê教育方式，因此戏剧性ê斗争便真自然tek jú演jú烈。编导聪明安排了软弱ê伊莉娜妹妹kap开明派教师伊纳，tùi边á烘托]剧情ê发展，hō͘ chit部故事简单却主题鲜明ê文艺小品，增加了立体感，尤其是伊纳tī匆促中拆掉朵拉办公室中ê教学目标乌板，用作tī沼泽中拯救伊莉娜脱险ê踏板，象徵意义ê表达koh-khah属高明。

　　整部影片tī风光如画ê瑞典乡间拍片，映像效果hō͘人感觉相当爽快。挑大梁ê童星娜塔莉．明尼演得真有个性，反倒tńg kā bat是英玛伯格曼爱将ê资深女演员比比．安德逊俯首称臣。头一pái导演剧情长片ê卡拉斯．哈洛手法纯熟，虽然tī处理最后ê大和解场面有欠自然，但也瑕疵无盖过优点。

其实看完此片ê siōng大感慨，是伊ê历史背景kap台湾国民政府当局tī 1950年代刻意打压闽南语，不准gín-á tī校园讲母语，否则便遭遇惩罚ê历史，竟然真奇妙kah相类似，但多年来却看bē-tio̍h「爱台湾」ê导演，tī咱ê国片中对这提出抗议或批判，kám讲咱chia ê电影创作对「反省历史」患了冷感症？

(译自：「远流博识网－梁良论影」
http://www.ylib.com/movie/liang-4.htm