《台语chit条路》

 | | | 转寄

《台语chit条路》--建立台语文ê文学批评―林央敏访问(十）

作者 谢瑞华 2008.12.21

林：对台语文运动觉醒ê人认真做，不管是灰心失志iah是啥货，mā爱koh做，算做你失望，oan-ná爱提出勇气做落去。有ê人认为伊ê用字khah tio̍h，我认为无需要按呢。tī咱传播力iahboe7强以前，正确无正确m̄是主要＝e。只要有心，虽然kap我无仝我mā chiok爱kā鼓励。mài讲beh做头，mài kā人泼冷水，不管beh领导啥，拢爱有giâ旗仔棍仔ê党工精神，互相鼓励，放弃本位主义。现步咱ê台文团体是爱按呢lah！

进一步，chia ê台文团体若结合起来，字无统一无要紧，结做一ê力量，咱来游说立委、地方人士、做官＝e，hō͘ in一寡压力，尚好是hō͘ in了解、觉悟chit种运动ê重要性，chit种压力变做in家治hō͘ in家治ê。若对外beh推广ê时chūn，无论按怎逐家脚步爱一致，看咱chit-má ê目标是toh一县，iá是toh一ê所在，看beh推广啥么，逐家有力尽力。

我个人想beh做＝e，bat建议过，是想beh招一kóa人做阵－若我家治一ê人是无能力－咱用接近表演ê方式，有表演、演讲、唱＝e，chia ê方式，bōe输咱有一ê戏团、剧团，着是咱来全台湾街头、室内巡回，目的是表演、传播，用表演、演讲ê方式传播台湾文化、台湾文学、政治理念、台湾民族意识。譬如讲咱chia是一ê团、剧团，你加减会晓演戏、演诗、朗诗、唱歌，咱有啥么人才着表现啥么，福佬话可能是主体，有客话伊也会冻表演，伊会晓客话、客人出身ê oan-ná有义务来演kóa客人ê物件。类似演剧，趣味、轻松、严肃性＝e，一阶段一阶段。

咱若正式成立，训练了会使a，第一年看咱beh表演啥，第二年咱道换一套剧也无一定，来街头、各庄头、都市巡回。咱khah无teh要求报酬，因为咱ê出发点是tī leh beh推广hia ê方面，若有钱加减一寡报酬mā会使。若有chit-ê团ê时chūn，发展若好，beh通俗化mā有法度做，beh精致mā会冻做，你若精致ê时，无定着有人会请咱表演，che道爱收入。咱若来街头，mā会冻bo̍k款，是beh演ê中间kap beh演煞bo̍k款，iah是普通时仔梨去chhōe有chit种热心ê人，无的确伊teh做生理，无法度按呢做，但是伊愿意出一寡钱做咱ê经费。我想che mā是一种推广ê方式，因为干taⁿ用文章写、报纸刊也是chiok少＝e，所以应该用嘴kap咱ê身躯去hō͘人看，去hō͘台湾人直接接触、感动。中央咱oan-ná有演讲，hō͘伊理念，若感觉chit-ê方式bōe bái道来招看mài，che是一点。

卵：你kám bat王振义老师？伊讲几ā pái＝a，看外chē人，各乡镇拢爱去走，khah重要＝e做一寡田野调查、一寡记录。总是chit-ê计画讲chiok久＝a。

林：che若是会使li，mā爱联络地方政治人物kā咱tàu相kāng。我希望推广，尚无逐家会晓用各语族家治ê语言以外，咱需要一ê本土性ê普通话，可能是chit-má讲台语，福佬话。有ê人讲北京话虽然是过去错误压迫推广出来e，既然已经变做台湾ê普通话，准算道好。我感觉che无符合台湾民族ê传统kap chit块土地。母语chit种物件若无普通化，咱chiok chē物件一定会消失去，一定oan-ná加减会变种去。chit-má已经变种chiâⁿ chē去＝a，意识ê部分爱kā换倒tńg来正种台湾人，若无完全m̄是正种＝e。

凰：正种＝e beh按怎定义？

林：台湾人道是讲tī文化上台湾＝e，有chit-ê传统＝e。尚kài简单ê表徵道是语言hit-ê思考方式，尚少会冻用大多数台湾人ê语言、思考方式，若tī各语族内面由各族自由发展。