《台语chit条路》

 | | | 转寄

《台语chit条路》--建立台语文ê文学批评―林央敏访问(十一）

作者 谢瑞华 2008.12.28

黄春明he是中文lah！

江：你头＝a开始有讲着mài泼冷水，我sēng至对用he足 chē我根本m̄ bat ê汉字ê人基本上koh会冻忍一下，但是你讲像宜兰县黄春明he

林：伊hit种＝ēm是teh推广台文lah！伊he是口头上ê推广niâ。

江：所以你ê意思是像黄春明推广ê方式是m̄？

林：伊hit种＝e爱批判，伊ê是中文lah！泼冷水kap批判无仝，批判是真理上ê争论，伊he是错误，台语文除了chit-ê音chit-ê话以外符号应该是台文，音kap字结合做伙，爱用台语读chiah会通。黄春明he m̄是lah！读ê时chūn先经过翻译ê过程，chiah用台语iah是台语音念出来，che m̄是台语文。伊he课本用台语读bōe通，che着愈m̄着＝a。

散文是尚基本ê物件

言：老师你tī写以前kám有看过别人写ê台文作品？

林：真少lah！看过一sut仔，我认为歌词mā是台文作品，hit chūn台文作品chiok少，除了民间文学以外，作家写出来ê作品iahchiok少＝e，所以进步真慢。我chit-má对台文ê散文khah重视，诗khah少写，目前是khah chē人写以外，散文chiok少人写，我想散文不管写了súi、写了bái，尚少伊道是基本ê物件，beh kā发展，beh用台文来写论文、科学性、文学性、报导性＝e也好，散文爱kā建立起来，所以我个人认为现阶段台文散文创作khah重要。所以我目前用台文写ê物件，大部分是散文。

言：老师你che beh做华语ê对照，iah是按怎？

林：无lah！无对照，若有对照he无beh合做一本，特加是有几篇仔oan-ná翻做华语发表＝e，无的确若有机会出册，我会注明tī toh一本册会冻chhōe着中译本，原本是台文。像我最近tī联合报、中国时报发表＝e是我几年前写ê台文作品，hit chūn台文iah无发表过，chit-má若叫我写我绝对无hit ê闲工，he是最近teh整理ê时chūn，想讲：有ê所在用电脑改改leh chiok紧＝e、chiok方便＝e，我道翻做中文发表。若讲有出册特加是按呢，以台文为主。

言：像老师顶kái出【驶向台湾の航路】道有人问讲，chit-má台语kap华语拢写，着无，对伊来讲看华文着好，按呢道失去效果。

林：可能会按呢，我会按呢编主要是讲，伊若台文接触少，tī台文beh直接吸收chit-ê文学，欣赏khah无ê时chūn，伊会冻方便ùi边＝a来看。我ê本意是按呢，你讲ê现像事实是会造成，che道变做本意khah无达成，但是算做伊beh我ê诗ê人，伊m̄是爱台文＝e，伊道看中文。兴趣台文ê人自然会读台文，若有lio̍h-lio̍h仔无理解，会冻看边＝a，iah是按怎。所以我后手着无爱对照，sēng至譬如讲chit本散文算做有二十篇，hit五篇至十篇来kā录做录音带，我家治来读几篇，koh请几ê人，一人读一篇。