《台语chit条路》

 | | | 转寄

《台语chit条路》--建立台语文ê文学批评―林央敏访问(一)

作者 谢瑞华 2008.10.19

br>
时间：1993年8月初1下晡2：30至6：00 地点：林央敏老师in tau(桃园县龟山乡永吉街178号4F 参加者：卤卵、慧真、自敬、允言、为文、瑞华、永进、春凰 整理：瑞华 phah字：允言

前言

凰：你chit-má拢写台文--a，是m̄是？

林：两种拢有写，尤其若创作主要拢台文。

凰：你〈西北雨直直落〉hit篇是台文？

林：he原文是台文，尾—akoh翻做中文。因为hit chūn我写--ê拢台华对照。台文ê册规本--ê我干taⁿ hit本【驶向台湾ê航路】。恁chit遍是台湾全国teh走iá是按怎？

言：是有一ê计画，toh是beh来采访台文ê工作者，将chit-ê资料整理起来，譬如讲老师以前ê经历，iá是chit- má有啥么计画，老师会使家己讲，阮若感觉有欠--e iá是àn-nóa，chiah koh问，看老师beh讲啥尽量讲。

卵：ùi伟大ê出生年月到神话传说，为台湾来拍拚…

林：我ê年表，【雾夜ê灯塔】、【第一封批】chit两本册加减有列出来。1995年出世tī台湾尚大ê嘉南平原ê中心，王得禄放落来土地太保乡，gín仔时代是足艰苦--ê，箸我ê真chē作品拢有写过。

正式创作文学

林：正式创作文学，第一篇作品hō͘人印做印刷品ê字到chit- má已经是二十二冬前，主要是发表诗，he拢是中文ê作品，ùi hia开始。第一篇tī khah早ê中央日报发表，koh来联合报。因为唯美--e，不管诗iá是散文拢chit类--e。

思想ê改变

林：尚大ê改变是做兵以后，会来改变，可能个性也有关系。我个性khah爱思考，想东想西，若看着kiâu正义、家治信仰ê真理无仝拢会去kā批判。退伍了吸收chiok chē关系民主、文化、自由、人权chit种ê思想理论。我感觉，chit-ê社会真奇怪，ná会一直讲民主，讲啥主权tī人民身上，但是我发觉讲--e kap事实无仝，chiah引起我ê思想ta̍uh-ta̍uh仔变，美丽岛事件，因为受媒体、教育ê影响，hit chūn我mā认为黄信介、许信良、林义雄、姚嘉文…hia ê拢是叛徒。hit chūn我调来一间新学校，teh种理前任老师留落来ê桌仔ê时chūn，发现着许信良永过竞选县长时ê一寡文宣品，像【风雨之声】节录本，hit chūn看着cheboe7输是看着共匪仔ê传单，心内惊惊，但是我无交出去，chôaⁿ收起来。我是读册人，爱册我着kā藏tī我toa3e5仓库里，有一暝hia ê册the̍h起来读，读--e是许信良tī省议会ê质询稿，一面读、一面读，感觉伊内面所质询着ê错误，台湾政治iá是政策错误造成ê弊害，亲像感受着--e仝款。因为我是作田人ê子弟，看着chiok感动--e，着teh思考讲报纸拢报导许信良是叛徒，外nī残酷，m̄-各伊ê质询稿却是替台湾人、百姓，特别是散赤ê人讲话，读起来chiok感动--e，所以对政治ê问题我开始认真去思考、关心，因为按呢煞造成我ê大改变。