《台语chit条路》

 | | | 转寄

《台语chit条路》 序—

作者 蒋为文 2007.11.18

br>
Hit-pái促进会开会ê时阵听允言讲有拍算ti歇热做一项khangkhoe3,tō是去拜访一寡从事台语文运动ê工作者，听soah真兴奋，tō chhōe允言表示参予ê意愿…。

台湾ê语言、历史、文化一直是国民党政府ê禁忌，台湾ê物件一直是伊所看beh起、所压制ê。有人讲国民党已经分做「台湾国民党」hâm「中国国民党」已经算是「本土」政权，已经m̄是「外来统治」a,所以「台湾人」已经出头天a。事实kám按呢？为siáⁿ-mih「台湾研究所」无法度成立？为siáⁿ-mih「本土文化」课程无法度成立？为siáⁿ-mih歌仔戏、布袋戏仝款无正式ê管道传受学生？为siáⁿ-mih电视台仝款kan-na有「包青天」即类「中国戏」thang看？为siáⁿ-mih「本土政权」m̄敢编「台语」字典、推行本土语言教育？kám讲一「本土政权」是应该按呢对待本土ê物件？「台湾国民党」不过是变khah khiáu niâ,不过是学会晓讲kúi句「台语」来骗取选票niâ!讲二二八会编入教材，结果不过是「敷衍」两三句；讲beh实施「乡土教育」，不过是一礼拜一点钟ê「弹性」时间，比咱修「第二外国语」ê规定时间koh khah少！若准讲iáu teh siàu想中国老奶哺，「台湾国民党」beh变成百分之百ê「本土政权」是无可能ê!

Tī即种解严前是禁忌、解严后sió-khóa开放但并无受「官方」重视ê时代下，chia从事「台湾研究」、从事「台语文」ê工作者，到底是siáⁿ-mih款ê动力促使尹tiàm tī am-á拍拼，用尹ê笔hâm汗将台湾ê面露仔写落来呢？Che一直是我想beh知影ê。

无定是久年来无人受重视，ta̍k-kái去拜访chia ê工作者，拢会使感受着尹内心ê欢喜kah激动。欢喜ê是有一批仝款理念ê少年家投入，激动ê是即kúi十冬ê坚持，路尾得着人ê肯定。

每ㄧ回拜访chia ê sian-pái,ùi尹严肃ê目光kah激动ê神情，我看着二二八事件留ê血满世界，台湾人tī白色恐怖所受着ê精神hâm肉体创伤，以及对「台湾文化」被强迫变质做国民党式「中国文化」ê苦闷hâm愤慨。

有人讲，台湾人kan-na会晓「苦闷」，怨叹「新妇仔命」，