《台语kah魔术》

 | | | 转寄

1221~22冬节鱼冬节圆

作者 苏晏德 2023.12.17

＊Tang-cheh-hî tang-cheh-îⁿ
＊冬节鱼冬节圆
Sió-seh kòe liáu sī tōa-seh
小雪过了是大雪
Tōa-seh koh kòe sī tang-cheh
大雪阁过是冬节
Tang-pak kùi-hong hu-hu-chhoe
东北季风hu-hu吹
Mê siōng tn̂g o͘-hî lâi chò-kheh
暝上长乌鱼来做客
Hî-bîn nî-bóe ê hō-lé
渔民年尾ê贺礼
Ta̍k-ke lâi so îⁿ-á-chhè
逐家来挲圆仔粞
Hoaⁿ-hí chia̍h îⁿ ke chi̍t-hòe
欢喜食圆加一岁
Kiâm-îⁿ bí-ko môa-iû-ke
咸圆米糕麻油鸡
Tang-cheh tīm-pó͘ kò͘ sin-thé
冬节炖补顾身体
Siàu-liām chó͘-sian lâi hiàn-chè
数念祖先来献祭
Choân-ke tōa-sè thoân-îⁿ chē
全家大细团圆坐
Pêng-an hí-lo̍k kòe chi̍t-mê
平安喜乐过一暝