《台语kah魔术》

 | | | 转寄

im咖啡、食喙ta、挖鸡屎

作者 苏晏德 2013.12.01

读国小it年ê时，头一日老师点名，老师用华语叫3遍：「苏晏德」，我lóng无
gia̍h手，因为我m̄知影我叫做「苏晏德」，阮老母lóng叫我Iàn-tek，后--来
老师tō用台语讲：Soo Iàn-tek，我tsiah gia̍h手，老师koh继续点名，「林
佳碑」、「林佳碑」、「林佳碑」，老师nā用华语叫3遍koh无人gia̍h手，tō用
台语叫，老师讲：lim-ka-pi？全班lóng笑--出来，koh继续点名，华语讲「谢
碎礁」、「谢碎礁」、「谢碎礁」，无人ìn声，用台语叫：食喙焦？koh继续点
名，华语「邬鸡赛」、「邬鸡赛」、「邬鸡赛」，无人ìn声，用台语叫：乌鸡屎？
全班ê同学一直笑，老师讲bē-sái笑，老师用华语kap台语叫，lóng无人gia̍h
手，全班点名suah，有一ê同学gia̍h手，老师你无点tio̍h我ê名，我叫做邬鸡
sài，m̄是叫做邬鸡sái，下课ê时有同学叫伊挖鸡屎，后--来伊改名叫做「邬基
赛」，台语叫做邬Ki-sài，koh有同学叫伊挖猪屎，后--来伊koh改名叫做「邬基
明」，台语叫作邬Ki-bêng，koh有同学叫伊乌tsi̍t-pêng。