《台语kah魔术》

 | | | 转寄

国中小台语认证招生分享

作者 苏晏德 2013.10.06

2012年11月tshe陈金花老师传email hoō台文界ê朋友，叫逐家斗 sio-
thīn 邀请有tī学校参与教学ê母语老师鼓励国中小ê学生囡仔，参加台语认证，
2013年1月22举办ê国中小台语认证是第2pái举办，前tī 2012年歇热举办1
pái，金花有招bē tsió人来考试。我受金花ê鼓励(应该ài讲hoō伊牵龟落
làm)，tō开始投入tàu宣传ê团队，一开始担心招无人ē真漏气，为tio̍h beh鼓
励学生来报名，kìⁿ nā报名ê前20人送一项魔术道具(市价100khoo,因为我买ê量
khah大，所以拍5折)，我有tī台南仁德ê文贤国小、高雄路竹ê路竹国中kap高雄
阿莲ê阿莲国中三间学校敎台语，每一间学校ê前20人报名lóng送一项魔术道具
(60.人tō ài khai 3000 khoo)，kiáu钱tsiah算完成报名。宣传ê第一工先
hoō in填写报名表，3间学校ka--起来，tō有超过100人报名，我想讲tsiah -
ê学生囡仔可能是tshìn-tshái写sńg--ê，应该bô可能tsiah-nī-á济人，
siáng知影第2工开始缴钱阿莲国中tō超过20人，路竹国中、文贤国小陆陆续续传
出好消息，pún-tsiâⁿ想讲每一间学校有20人成果tō算bē-bái、真是料想bē到，
每一工lóng传出好消息，60人、80人、100人、150人、180人、200人，到报名
截止日、三间学校总共224人完成报名手续(阿莲国中114人、路竹国中76人、文贤
国小34人)。Siōng-kài难得ê是文贤国小，全校四年到六年ê人数总共85人tō有
34人报名。
我真正是hoō金花牵龟落làm，因为一开始我lia̍h-tsò是宣传tō好，
siáng知影ài家已kā囡仔收钱，整理报名表一抄再抄，为着beh安打无送奖品ê学
生，超过20名ê人mā送魔术道具(市价40khoo,拍折20 khoo)，224 ê学生lóng
送魔术道具，学生到底是为着魔术道具来参加台检，ia̍h是我ê宣传功夫超厉害，
我想应该是两项lóng是，nā有beh了解我ê宣传秘诀，请为文老师另外安排时间来
办说明会。
Tùi宣传→hoō学生写报名表→收钱→整理报名表→去各班催缴钱→连络→借场地
→tah名单……ta̍p-ta̍p-tih-tih ê khang-khuè lóng ài家己来，简单讲
tō是「烦」、「杂」，你nā问我有siáⁿ-mi̍h感想，我ê答案是「甜蜜ê痛苦」，
圣经讲∶「施舍比接受khah有福气」，总讲一句tō是付出比kā人the̍h- -ê
khah有福份，经过tsit-pái ê招生，我kā食苦当做食补，台语认证是成大语文测
验中心ê khang-khuè，mā是咱台文界ê朋友每一人ê khang-khuè。2013年1月
22日我tī阿莲国中担任试务人员，看着百kúi ê学生来考试(总共4间教室)，感觉
真有成就感，nā无付出tō无收成，我kap我ê 2 ê后生lóng投入台语认证ê
khang-khuè。为文老师为着beh答谢我ê辛苦，送我20本台语认证ê册，我发挥宣
传ê功夫真kín tō kā册卖出，tú好补贴买魔术道具ê钱。招学生来参加台语认证
虽然了钱了工，m̄-koh为台语付出我无后悔，Ǹg望呈大语文测验中心继续办理台
语认证ê khang-khuè；mā ǹg望koh khah tsē人投入tsit份khang-khuè。
最后我beh做一ê见证，自细汉讲台语mm̄-nā bē变成「bumbler」，koh ē
变khiáu，我2 ê后生自细汉讲台语，细汉后生2012年7--月(大学iáu-buē毕业)
tō考tiâu高雄市政府教育局所办ê台语支援教师认证，大汉后生tú大学毕业退伍
2013年3--月放榜tō考tiâu地方特考；母语是咱ê至宝，tshui-sak母语代代
和，路竹台语第一家ê口号m̄是huah假--ê。