《台语kah魔术》

 | | | 转寄

0903军人节

作者 苏晏德 2023.09.03

军人节(台语文) Kun-jîn-cheh

九月初三军人节 Káu-goe̍h chhe-saⁿ Kun-jîn-cheh
军人训练足严格 Kun-jîn hùn-liān chiok giâm-keh
文武双全逐项会 Bûn-bú siang-choân ta̍k-hāng ē
规年辛苦爱鼓励 Kui-nî sin-khó͘ ài kó͘-lē

战争军人上前线 Chiàn-cheng kun-jîn chiūⁿ chêng-sòaⁿ
予咱倚靠敢若山 Hō͘ lán óa-khò kán-ná soaⁿ
In做盾牌挡炮弹 In chò tūn-pâi tòng phàu-pôaⁿ
功劳实在有够大 Kong-lô si̍t-chāi ū-kàu tōa

军人训练爱精良 Kun-jîn hùn-liān ài cheng-liông
接受命令爱服从 Chiap-siū bēng-lēng ài ho̍k-chiông
听着号令赶紧冲 Thiaⁿ-tio̍h hō-lēng kóaⁿ-kín chhiong
In是国家的英雄 In sī kok-ka ê eng-hiông

保国卫民靠军人 Pó-kok ūi-bîn khò kun-jîn
为着国家来献身 Ūi-tio̍h kok-ka lâi hiàn-sin
处理代志爱顶真 Chhú-lí tāi-chì ài téng-chin
完成任务爱赶紧 Oân-sêng jīm-bū ài kóaⁿ-kín