《台语kah魔术》

 | | | 转寄

中元普渡0715

作者 苏晏德 2023.08.27

中元普渡(台语文)

七月十五是中元
Chhit-goe̍h cha̍p-gō͘ sī Tiong-goân
好兄弟仔来伸冤
Hó-hiaⁿ-tī-á lâi sin-oan
家家户户咧下愿
Ke-ke-hō͘-hō͘ teh hē-goān
请伊安心入黄泉
Chhiáⁿ i an-sim ji̍p hông-choân

中元普渡大拜拜
Tiong-goân phó͘-tō͘ tōa pài-pài
祈求平安阁消灾
Kî-kiû pêng-an koh siau-chai
好兄弟仔请你来
Hó-hiaⁿ-tī-á chhiáⁿ lí lâi
有鱼有肉嘛有菜
Ū hî ū bah koh ū chhài

食饱所费提去开
Chia̍h-pá só͘-hūi the̍h khì khai
你的心声阮拢知
Lí ê sim-siaⁿ goán lóng chai
请你毋通共阮害
Chhiáⁿ lí m̄-thang kā goán hāi
予阮健康兼发财
Hō͘ goán kiān-khong kiam hoat-châi

黄泉路上虽无奈
Hông-choân lō͘-siōng sui bô-nāi
只要耐心来等待
Chí-iàu nāi-sim lâi tán-thāi
祝你圆满去投胎
Chiok lí oân-boán khì tâu-thai
来到快乐的世界
lâi kàu khoài-lo̍k ê sè-kài