《台语kah魔术》

 | | | 转寄

0901记者节

作者 苏晏德 2023.08.27

记者节(台语文)
Kì-chiá-cheh

九月初一记者节
Káu-goe̍h chhe-it kì-chiá-cheh
无论日时抑暗暝
Bô-lūn ji̍t--sî ah àm-mê
毋管风雨抑落雪
M̄-koán hong-hō͘ ah lo̍h-seh
重大新闻走若飞
Tiōng-tāi sin-bûn cháu ná pe

记者任务真重要
Kì-chiá jīm-bū chin tiōng-iàu
专业智识爱会晓
Choan-gia̍p tì-sek ài ē-hiáu
头脑清楚有绝招
Thâu-náu chheng-chhó ū choa̍t-chiau
内容充实阁有料
Lōe-iông chhiong-si̍t koh ū liāu

记者采访足辛苦
Kì-chiá chhái-hóng chiok sin-khó͘
毋管透风抑落雨
M̄-koán thàu-hong ah lo̍h-hō͘
新闻报导袂耽误
Sin-bûn pò-tō bē tam-gō͘
赶紧放送来传播
Kóaⁿ-kín hòng-sàng lâi thoân-pò͘

记者工课诚趣味
Kì-chiá khang-khòe chiâⁿ chhù-bī
特定采访讲台语
Te̍k-tēng chhái-hóng kóng Tâi-gí
报导美食伫夜市
Pò-tō bí-si̍t tī iā-chhī
亲像明星上电视
Chhin-chhiūⁿ bêng-chheⁿ chiūⁿ tiān-sī