《台语kah魔术》

 | | | 转寄

螺丝王国~路竹

作者 苏晏德 2016.01.31

螺丝王国~路竹(台语文)

路竹在地ê乡亲有真济人毋知,路竹有一项世界第一~螺丝,路竹ê螺丝出口是全世界
占有率第一,路竹是名符其实ê螺丝王国,你毋thang看袂起细细ê一粒螺丝m̄管是你
手--nih所攑 ê手机á,抑是伫天顶飞ê飞lêng机lóng需要螺丝,全国螺丝生产量上
大ê所在着是伫路竹,路竹所生产ê螺丝着占总出口量ê一半,而且外销到140 kúi-ê
国家,会得通讲：有人ê所在着有路竹ê螺丝,路竹ê螺丝毋但产量济,品质嘛是世界第
一,在地螺丝工场ê头家讲：台湾本身所做ê品质ē-tàng kah世界各国pí-phēng,
路竹生产螺丝ê时间已经将近60年,螺丝品质会受着世界肯定,除了路竹乡亲本身拍
拚以外,上重要是因为路竹有利便ê交通,而且离钢铁ê大本营中钢无远,所以chiah
会变成螺丝工场设厂ê地点,因为路竹有2 ê交流道beh运送真方便,按呢路竹着形成
一ê螺丝窟,螺丝工场ê模á好.线材好.技术好,所以路竹ê螺丝占有率是全世界第一
名,细汉ê时若伫路竹ê郊外听着 khin-khin-khiang-khiang ê声音感觉真吵.
嘛感觉真趣味,因为这种声音着是路竹土地ê声sàu,这是路竹在地ê文化,嘛是路竹ê
特产,螺丝对路竹ê经济有真大ê帮赞,你若伫路竹听着khin-khin-khiang-
khiang ê声音毋免大惊小怪,过去路竹上兴ê时阵大大细细有kúi若百间工场伫
chia设厂,着因为按呢路竹ê螺丝董--ê特别济,苏董--ê.王董--ê.林董--ê.一大
堆,大工场共小工场ê螺丝包--起来行销到全世界,上.中.下游做伙拍拚,想袂到一支
细细ê螺丝替路竹替台湾伫世界ê舞台顶拚出好名声,这种khin-khin khiang-
khiang ê机hâi声,着是路竹chit-phiàn土地在地ê声sàu。