《台语kah魔术》

 | | | 转寄

0422世界地球日做环保

作者 苏晏德 2023.04.16

世界地球日做环保(4月22日)
世上美景拢伫遮 Sè-siōng bí-kéng lóng tī chia
界说传报靠记者 Kài-soat thoân-pò khò kì-chiá
地面会当种甘蔗 Tē-bīn ē-tàng chèng kam-chià
球径漫延有影迹 Kiû-kèng bān-iân ū iáⁿ-chiah
日常三餐欲靠谁 Ji̍t-siông sam-chham beh khò chiâ
做好环保揣劣者 Chò hó khoân-pó chhōe loat-chiá
环保先生我姓谢 Khoân-pó sian-siⁿ góa sèⁿ chiā
保全逐家有通食 Pó-choân ta̍k-ke ū thang chia̍h
※注明：作者毋是姓谢，因为配合台语八声调

世界人类做中央 Sè-kài jîn-lūi chò tiong-iong
界限无边人认养 Kài-hān bô-pian lâng jīn-ióng
地上水影会倒映 Tē-chiūⁿ chúi-iáⁿ ē tò-iòng
球根绵延来相约 Kiû-kin biân-iân lâi siong-iok
日月星辰展笑容 Ji̍t-goa̍t chheⁿ-sîn tián chhiò-iông
做好环保身体勇 Chò hó khoân-pó sin-thé ióng
环保用品人人用 Khoân-pó iōng-phín lâng-lâng iōng
保护动物通生育 Pó-hoō tōng-bu̍t thang seng-io̍k